Analysis Services
الخرشوف بالعصاج
مقادير العصاج
نصف كيلو لحم مفروم
بصله كبيره مبشوره
ملح - فلفل أسود - بهار
2 ملعقه كبيره صلصة طماطم
عدد من الخرشوف
بشاميل
جبنه مبشوره ( تركي - حمراء - موتسريللا )
أولا لعمل العصاج
نضع البصله المبشوره مع اللحم المفروم علي نار هادئه ونركها بدون أي دهون
نضيف الملح والبهارات .. بعد تمام السواء نضيف الصلصه ونقلب
ثانيا لعمل البشاميل
لي طريقه في عمل البشاميل مختلفه بعض الشيئ لأن إستعمالي للدهون قليل جدا
أحمر 2 ملعقة د قيق وحدهم في حله بدون أي دهون .. يراعي أن يكون لونه فاتح
أخلط في الخلاط .. الدقيق بعد تحميره مع كوب لبن ونصف كوب قشطة أو كريمه لباني ونصف كوب شوربه أو ماء.. أخلطهم جيدا وأتبلهم بالملح والفلفل الأسود
أضعهم في حله وأتركهم علي نار هادئه مع التقليب حتي يتقل البشاميل
لتجهيز صينية الخرشوف
نمسك وحدات الخرشوف ونحشيها بالعصاج ونرصها في صينيه ونضع فوق كل خرشوفه ملعقة بشاميل تغطيها ونرش عليها الجبنه
نجهزعصير طماطم ونتبله بالملح والفلفل وقليل من الزيت ونضعه فوق الخرشوف وندخل الصينيه الفرن للسواء ..
ممكن في نفس الصينيه نحشي عدد من البطاطس والكوسه بعد تقويرها
20-05-1426 هـ, 01:23 صباحاً
 
سلطة الخرشوف
4 عدد خرشوف مسلوق وبارد
نصف كوب طحينه
1 ملعقه كبيره زبادي
ملح - فص ثوم أو رشة ثوم بودره
1 ملعقة كبيره عصير ليمون + 1 ملعقة كبيره خل
قليل من الشطه ( حسب الرغبه )
ملعقه كبيره زيت زيتون أو ذره
نهرس في الخلاط الخرشوف مع الطحينه والملح والخل والليمون والثوم
ونضبط قوام السلطه بقليل من الماء لو إحتجنا
نضع السلطه في طبق التقديم ونضع الشطه والزيت علي الوجه
20-05-1426 هـ, 01:35 صباحاً
 
وحشتينا يا دون
ناني تسلم ايدك
20-05-1426 هـ, 09:27 صباحاً
 
نونا

ميرسى حبيبتى على معلوماتك القيمة ،،
وتسلم ايدك حبيبتى .
بس لخرشوف دة الاقية فييين ، واية مواصفات الخرشوف الجيد..
معلش انا تعباكوا معايا.
20-05-1426 هـ, 09:42 صباحاً
 
معلش حبيبتى سؤال كمان

تقطيع الخرشوف يبقى ازاى
يعمى اشيل كل الورق بتاعة ولا اية؟؟؟
20-05-1426 هـ, 09:55 صباحاً
 


الساعة الآن 11:44 .