اقتباس مشاركة  (ناني5)
الخرشوف بالعصاج
مقادير العصاج
نصف كيلو لحم مفروم
بصله كبيره مبشوره
ملح - فلفل أسود - بهار
2 ملعقه كبيره صلصة طماطم
عدد من الخرشوف
بشاميل
جبنه مبشوره ( تركي - حمراء - موتسريللا )
أولا لعمل العصاج
نضع البصله المبشوره مع اللحم المفروم علي نار هادئه ونركها بدون أي دهون
نضيف الملح والبهارات .. بعد تمام السواء نضيف الصلصه ونقلب
ثانيا لعمل البشاميل
لي طريقه في عمل البشاميل مختلفه بعض الشيئ لأن إستعمالي للدهون قليل جدا
أحمر 2 ملعقة د قيق وحدهم في حله بدون أي دهون .. يراعي أن يكون لونه فاتح
أخلط في الخلاط .. الدقيق بعد تحميره مع كوب لبن ونصف كوب قشطة أو كريمه لباني ونصف كوب شوربه أو ماء.. أخلطهم جيدا وأتبلهم بالملح والفلفل الأسود
أضعهم في حله وأتركهم علي نار هادئه مع التقليب حتي يتقل البشاميل
لتجهيز صينية الخرشوف
نمسك وحدات الخرشوف ونحشيها بالعصاج ونرصها في صينيه ونضع فوق كل خرشوفه ملعقة بشاميل تغطيها ونرش عليها الجبنه
نجهزعصير طماطم ونتبله بالملح والفلفل وقليل من الزيت ونضعه فوق الخرشوف وندخل الصينيه الفرن للسواء ..
ممكن في نفس الصينيه نحشي عدد من البطاطس والكوسه بعد تقويرها
الاخت دن شكرا علي مجهودك الواضح في انجاح هذا الملف للمبتدأت الاخت ناني شكرا لتعاونك مع الاخت دن في المساعده ولي ملحوظه علي عمل الباشميل في اضافتك لمقدار من القشده او الكريمه اللباني او زيت او سمن باختلاف نسبه الدسم ( ماهو كله دسم )
عزيزتي أم باسل
كنت طلبتي طريقة عمل الجبنه القريش
تعرفي إنها سهله في عملها جدا ..
لكن الأفضل في الشتاء لأن اللبن بخيره أكتر من الصيف
أملئي برام فخار باللبن الحليب بدون غليه
يعني تجيبي اللبن وتحطيه في البرام علي طول .. إملئيه علي الآخر
ضعي البرام في أي مكان في المطبخ ..
علي الترابيزه مثلا أو في فرن البوتاجاز أو دولاب المطبخ
بعد حوالي 24 ساعه .....
إضغطي بإصبعك علي اللبن هتحسي بطبقه طريه وتحت منها طبقه جامده شويه
الطبقه الطريه دي القشطه ... والجامده دي إللي هنعملها جبنه قريش
شيلي بإيدك القشطه إللي علي الوش .. إستعملي إيدك علشان ما تشيليش من طبقة الجبنه
إغلي ميه وحطيها في البرام فوق الجبنه من الجوانب وممكن كمان من النص ..
بعد شويه لما تنفصل الجبنه عن حواف البرام وتبردالميه
إقلبي الجبنه علي شاشه أعتقد هي المتوفره عندك
أو ممكن والأصح علي حصيره ودي تدينا الشكل الخارجي للجبنه القريش المتعارف عليه
نترك الجبنه معلقه بعض الوقت حتي تصفي كل الميه من داخلها
لا يضاف ملح للجبنه القريش .. بل نكتفي بدرجة الملوحه الطبيعيه الموجوده فيها
لا تضاف منفحه للجبنه القريش .. مثل الجبنه البيضاء
حاولي تجربي في برام صغير كبدايه وكتجربه .. و***** الله تكون حلوه
اقتباس مشاركة  (ناني5)
هبه
آه فعلا الكيلو كتير.. ممكن تعملي نص الوزن أو الربع
الباتون ساليه أو العصايه المملحه من المخبوزات الغربيه أو الفرنسيه بمعني أصح
المقادير إللي كاتباها هي المضبوطه والأصح ..
لكن هتكون حلوه برضه لو قللتي السمنه ...
حقيقي كان بودي ماما تدوق الطريقه بتاعتي وتقولي رأيها ..
عندي بسكويت مالح هيعجبها وكمان بسكويت بالجبنه التركي
هأكتبهم علشان مامتك النهارده بالليل
ياتري ال 2 كوب دقيق ممكن يعملوا وزن قد إيه .. حاولي تعرفي .. أظن ربع كيلو
إستعملي الميزان أفضل .. وأظبط ..
الاخت هبه بالنسبه لوزن كوب الدقيق هو بيختلف من كوب لاخر فمثلا كوب الزجاج باليد(ماج الشاي الزجاجي )200ج يعني الكوبيتين يعملوا نصف كيلو الا 100 ج علما بانه يمكنك عمل كوب خاص بك بعد وزنه كما قالت لك الاخت ناني ليكون مقدار ثابت لك وعدم تكرارك لاستعمال الميزان كل مره
دن سبق وان كتبتي طريقه عمل البيتزا ولكنني لم استطع الوصول اليها لزياده عدد صفحات الملف فهل يمكن كتابتها لي اليوم لاني احتاجها ضروري لعملها في مناسبه خاصه
عزيزتي أم الهنا
ألف شكر لمشاركتك الأولي
وتيجي يا دون بالسلامه ***** الله .. وتنوري الملف بأطباقك الحلوه
أعذريني ياأم الهنا .. حقيقي أنا مش معاكي في الملاحظه بتاعتك ..


الساعة الآن 02:22 .