السلام عليكم

ماشاء الله انا شايفة ان مجهود ناني ودون ربنا يجيبها بالسلامة ممتاز واكتر من ممتاز بجد ربنا يباركلهم يارب.

انا نفسي يا ناني اظبط عجينة السمبوسة بالجبنة كنت باكلها عمد صاحبتي هشة وجميلة
وياريت لو تعرفي طريقة الدقوس السعوي ( عبارة عن صوص طماطم) ياريت لو تعرفيه. ممكن اكون كاتبه الكلمة غلط بس بتهيألي بتتكتب كدا
الاخت ناني شكرا علي ردك ولكن انتي مش معايا في كلامي ليه ممكن تفسري
أهلا tamatiaa
عجينة السمبوسه
3 كوب دقيق - نص كوب زيت - حوالي كوب ماء للعجن + ذرة ملح
أفرك الزيت مع الدقيق حتي يختلط به بالكامل
أعجن بالماء حتي تتكون عجينه متماسكه .. وأستمر في العجن حوالي عشر دقائق
مهم أن تكون العجينه ناعمه .. أتركها ترتاح حوالي نص ساعة
أفرد العجينه رفيعه .. وأقطعها دوائر وأحشيها ..
إما باللحمه المفرومه العصاج أو الجبنه أو الخضار

حشوة الجبنه
كوب جبنه مبشوره إما تركي أو حمراء - كوب جبن قريش مهروسه بالشوكه
نصف كوب زبادي - ملعقة نشا ناعم - 2 بيضه
ملح - فلفل أسود - ملعقة نعناع ناشف ناعم - 2 ملعقة بقدونس مفروم ناعم
أخلط جميع مقادير حشوة الجبنه ..
وأتأكد من الطعم ..ممكن تكون محتاجه ملح قليل
ممكن أي أصناف جبنه موجوده إستعمليها لو عندك جبنه بيضاء أو موتسريللا مثلا
إعملي خلطه من الجبن .. أهم حاجه ما تنسيش النشا .. هوه إللي بيمسك الخلطه في القلي مع وجود البيض أيضا ..
بعد حشو السمبوسه بالجبن إقفليها كويس وإقليها في زيت ساخن
ممكن حفظ السمبوسه في الفريزر وهي محشيه .. ووقت الحاجه إليها .. إقليها

طلبتي الدقوس يا تاماتيا ده يا جبيبتي عباره عن صلصة طماطم والمسميات تختلف بين بلادنا العربيه .. يعني عندنا في مصر صلصة الكمونيه بنحط لها كمون وثوم .. وفيه ممكن نعمل صلصه بالبصل والطماطم ومن غير كمون أو ثوم .. وصلصه نحط عليها فلفل أخضر بارد أو فلفل أخضر حراق .. وكل مانضيف حاجه أو نلغي حاجه .. مسمي الصلصه يختلف
1 بصله متوسطه مفرومه - 2 طماطم مقشره ومقطعه قطع صغيره - 1 ملعقة صلصة
ملعقه صغيره توم مفروم - ملح - فلفل أسود - كمون - ملعقة زيت
نشوح البصله في الزيت قليلا ثم نضع الثوم ونقلب
نضيف الملح وفلفل أسود وكمون ... ثم نضيف الطماطم والصلصه ونصف كوب ماء
ونتركها تغلي .. دي طريقه من طرق الصلصه
وبالهنا
ناني ممكن اسالك ايه فائدة العسل الاسود في طريقة عمل الجاتوه؟؟؟؟
وهل البيكربونات هو البيكنج بودر؟؟؟ والشاي اعمله عادي بدون سكر؟؟؟
وكمان احنا دلوقتي في الصيف يعني مفيش برتقال ينفع اعمله من غيره؟؟؟معلش لان نفسي اجريه بس خايفة ميطلعش مظبوط معايا من غير برتقال واخد تريقة للصبح دة غير الاحباط النفسي
من فضلك جاوبيني
دوووووووون انت فييييييييييييين
كهرمانه 12
لما نشتري الجاتوه الجاهز بتلاقي أنواع كتير .. مش كله كيكه أسفنجيه وبس
ده نوع من الأنواع ..
نقدر نقول إن العسل فيه سكر وله طعم مميز ده غير القيمه الغذائيه إللي فيه
أما بالنسبه لعصير البرتقال .. أنا دايما بأعمله بيه .. وفيه عصير علب ممكن تستعمليه
المهم يا كهرمانه كمية السوائل تكون كافيه للدقيق ..
أما الكربونات بنستعمله مع بعض الأنواع لأن مفعوله أقوي من البيكنج بودر
والشاي إعملي براد وصبي كبايات وممكن تحطي كمان سكر
وكل واحد ياخد كبايه وسيبي واحده للكيكه.. بالسكر أو من غير مافيش فرق
خلي بالك يا كهرمانه الجاتوه ده معمول ب ثلاث أرباع كيلو دقيق يعني 6 كبايات
لو شايفه بأنه كتير إعملي النص ..
علي العموم نص الكميه في صينيه مقاسها25 في 35 سم
إعملي الجاتوه يا كهرمانه وماتخافيش


الساعة الآن 09:48 .