غطاء جميل وجديد و مميز لتورتتك
كيكة اسفنجية بالشيكولاتة
علبة لبن نستلة
الطريقة:
1- بعد ما تعملى التورتة عادى و تزوقيها بالشيكولاتة بس تكون ممسوحة من على الوش بالشيكولاتة
2- هاتى علبة النستلة وسيبيها مقفولة زى ما هى ما تفتحيهاش
3- وحطيها فى حمام مائى ( يعنى تحطيها فى حلة فيها ماء ) على نار هادية لمدة ساعتين
4- اشيلها من على النار و افتحها حتلاقيها عاملة من جوة زى كريمة الكراميل او زى التوفى زهبية اللون
5- اجيب التورتاية و اصب عليها السائل اللى جوة العلبة بطريقة غير منتظمة و عشوائية فحتلاقى السائل بيجرى ينزل فى اى مكان و اى اتجاة فحيدى شكل و طعم جميل و مميز للتورتة و بالهنا والشفا
ملحوظة:
يلريت و يفضل عند عمل الحمام المائى ان يكون فى حلة صاج مش الومنيوم علشان الالومنيوم ما تسودش
23-05-1426 هـ, 09:06 مساءً
 
ازيك يا دون دون يا جميل بجد الملف ده هايل وفيه اكلات فعلا تحفه تسلم ايديكى يا قمر
بس ممكن اطلب منك طلب لو ممكن تقوليلى طريقة
حمص الشام
اصله مطلوب عندى اوى وكمان الايس كريم
23-05-1426 هـ, 09:25 مساءً
 
من عنيا يا نور نور بس انتى عيزاة اللى بيتشرب ولا السلطة ولا اية ؟ لان هو انواعه كتير
23-05-1426 هـ, 09:40 مساءً
 
يا ريت لو مفيهاش غلاسه يعنى الاتنين واكون شاكرة جدا
يا دون دون يا قمر ربنا يخليكى يارب ميحرمنيش منك ابدا
ودى بوسهههههههههههههههه كبيرة خالص
23-05-1426 هـ, 09:49 مساءً
 
يا حبيبتى ولا غلاسة ولا حاجة انتى باين عليكى لزيزة جدا حاضر من عنيا و اللى انتى عيزاة فى اى وقت اطلبية
23-05-1426 هـ, 10:11 مساءً
 


الساعة الآن 08:26 .