الايس كريم:
نص كيلو فاكهة + نص كوب سكر ويضرب فى الخلاط
نضيف عليه علبة الا ربع لبن مكثف وكوب كريم شانتيه
بعد ما يمزج نحط عليه باكو جيلى من نفس لون الفاكهة المستخدمة مذاب فىكوباية ونص ماء ساخن بس طبعا نضيفه بعد ما يبرد خالص ونحطه بالفريزر ساعتين
يا سلام عليكى يا دون دون بجد استاذه ورئيسة قسم انا مش عارفه اشكرك ازاى على الوصفات الهايله دى مكنتش اعرف ان الحمص ممكن يتعمل منه كل الاصناف دى بس بجد ممتازة
بجد حبيبتى كل الوصفات اللى كتباها هايله وطريقتها لذيذه خالص

كهرمانه12
ميرسى حبيبتى على الايس كريم انا هجربه واكيد هايبقى حلو
العفو يا نورنور على ايه ؟ ولو عايزة اى حاجة احنا حاضرين ان شاءالله اية يا لاروز دة ؟ احنا حندخل لبعض منافسة ولا اية ؟يا حبيبتى تسلم الايادى ولو عندك اى حاجة بتتقنيها اكتبيهالنا واحنا والله بنتبسط بمشاركتكم و شطارتكم





كوسه بالزبادي

كيلو كوسه حشو(مقوره)
نصف كيلو لحمه مفرومه(عصاج)
مقدار من الماء
فنجان زيت صغير
عبوه زبادي نصف كيلو
بياض بيضه
ملعقه اكل دقيق
ملعقه اكل ثوم ناعم - ملعقه اكل زيت
ملح-فلفل
الطريقه:

1- نضع مقدار الزيت في صينيه علي النار ونشوح الكوسه فيه حتي يزهزه لونها مع مراعاه تقليبها.
2- نضع كوب من الماء البارد علي الكوسه مع اضافه الملح والفلفل ثم تغطي وتترك مع مراعاه اضافه الماء حتي يتم النضج
نضع الكوسه في طبق الفرن(بايركس) لحين تقديمها
3- نضع بياض البيضه مع ملعقه الدقيق وتخلط جيدا ثم يضاف للزبادي
يرفع المقدارعلي نار هادئه لمده عشر دق قبل التقديم مباشرا"
4- يصب خليط الزبادي علي الكوسه وتوضع في الفرن او التوستر في درجه حراره متوسطه حتي تحتفظ بسوخنتها (10 دقائق
5- توضع ملعقه الثوم الناعم في ملعقه الزيت علي النار كتقليه وتضاف للزبادي بعد وضعه علي الكوسه الساخنه وتقدم وبالهناء والشفا





السلام عليكم و رحمة الله و بركاته

ما شاء الله عليكم بجد بجد ربنا يحميكم و يخليكم لينا جميعا

و شكرا لدون و ناني على معلوماتهم و خبراتهم القيمة، جزاكم الله خيرا و جعله في ميزان حسناتكم

حبيبة قلبي دندون حمدالله على السلامة و يا رب متكونيش شرقتي امبارح!!! اصلي مبطلتش كلام عنك يا قمر، تعرفي ليه بقى؟؟؟ قربي كده عشان اقولك خبر!!!!!

انا عملت البطوطة امبارح!!!!!!!!!!!! و مطارتش يا دون و لا حاجة! دول همه في البيت اللي كانوا حيطيروا لان بعد الاكل كل واحد فيهم بقى عامل زي البالونة و تنحوا حتة تتنيحة هههههههههههههههههههه

شوفي يا ستي انا سلقتها زي ما قلتي بس محشتهاش لاني خفت في اول تجربة الحشوة يقع منها و الشوربة تبوظ مني، و بعدين بشوربتها عملت رقاق و صينية بطاطس و حلة ملوخية و كنت عاملة جنبهم رز، و كانت اكلة تحفة و انبسطوا الحمد لله، بس مش عاوزاهم يتعودوا على كده لاني وسطي انقطم من الوقفة شوفي يا ستي في تحميرها انا دهنتها من بره الاول بشوية سمنة و بعدين دهنتها بشوية قشطة و بعدين بشوية صلصة طماطم و حطيتها في صينية مدهونة سمن على خفيف و دخلتها الفرن تحت الشواية، طلعت تحفة و لونها يجنن و طعمها كمان كان حلو

سؤال يا جميل، انا اسمع ان لما نحط الملح في سلق اللحوم و الطيور من البداية بيأخر سواها، و امبارح لما سلقت البطوطة افتكرت المعلومة دي و ملحتها قبل ما اطفي عليها بحوالي ربع ساعة كده، ده تصرف مظبوط؟؟ هي طلعت حلو و محدش اشتكى انها عادبة و لا حاجة بس حبيت اتأكد منكم برضه

دندونتي، انا كمان عاوزة طريقة الميل فوي يا جميل، و كنت عاوزة أسألك انتي و ناني لو تعرفوا السكر الابيض الدايب اللي بيبقى على سطح السنابون و الدونات ده بيتعمل ازاي بالظبط. انا قريتها في حتة قبل كده بس مش مستوعبة الطريقة

انا طماعة معلش بس عندي مشكلة في الكراميل، لما باسيح السكر في ميه على النار عشان اعمل الكراميل، بعد ما بيدوب بيرجع يتكتل تاني و يسكر يعني يرجع سكر، و مش بيتحرق بشكل الكراميل المعروف، و جربت مرة عملته باني سيحت السكر عالنار من غير مية بس برضه مش حاسة اني مقتنعة بيه اوي و لو انه ساح و طلع بلونه البني المعروف. و بعدين كمية السكر المفروض استخدمها اد ايه؟؟؟ لان فيه ناس بتقول كام معلقة و ناس تقول نص كوباية، انا عاوزة اعرف مقدار السكر بالظبط

اممممممممم، كفاية عليكم كده النهارده، انا مش طماعة ابدا
يا رب لك الحمد كما ينبغي لجلال وجهك و عظيم سلطانك

اللهم اغفر لي و لوالدي و للمؤمنين و المؤمنات يوم يقوم الحساب

اللهم احفظني و زوجي وولدي من كل سوء



الساعة الآن 06:54 .