السلام عليكم و رحمة الله و بركاته

حبيبتي دندون

ربنا يخليكي لينا و تسلم ايديكي يا سكرة

جزاكِ الله خيرا يا غالية و جعله في ميزان حسناتك

حقيقي شرحك رائع و سلس

كهرمانتي، تسلم ايديكي على طريقة الكاتشب انا باموووووووووووت فيه هو و المايونيز
26-05-1426 هـ, 09:32 صباحاً
 
بصى يا كهرمان عجينة الباف باسترى ممكن تعملى منها حاجات كتير ممكن تقطعيها مربعات 10 فى 10 سم و تحطى فيها معلقة كبيرة كستر او مهلبية و تقفليها على هيئة ظرف و ممكن بعد ما تقطعيها مربع تروحى مقطعة المربع لشرائح بعرض 1 سم و بعدين ترشيها بالكمون او السمسم و تبرميها نص برمة و ممكن تلفى المربع على قرطاس ستانلس و لما يستوى تسحبى القرطاس و تحشيها و ممكن تقطعيها دوائر زى البوشية و لما تنتفخ و تطلع تحشيها تونة مهروسة او جبنة بيضاء و زيتون مثلا و ممكن تعمليها زى الدانش وتحطى عليها فاكهة و تدهنى الوش مربى

بالنسبة للبسكوت انا حعمله برضة عشان اقولك لكن طبيعى الزيت بينشف و انتى مش حطة اى سائل طيب شوفى حطى سنة بيكنج بودر و زودى بيضة
26-05-1426 هـ, 09:52 صباحاً
 
يا سبحان الله على نوودى و مووتى طب تصدقوا بالله ان انا امبارح اتلخبط بينكم لانكم انتم الاتنين ظهرتولى فى نفس الوقت و انا بكتب و تخيلت ان انتم الاتنين واحد لتشابه اساميكم فى الكتابة و اتهيئلى ان اللى بتسئلنى على حلوى الماء هى اللى لتسئلنى على الكردون بلو و برضه دلوقتى داخلين لى انتم الاتنين مع بعض يا صلاة النبى اصبروا بقى لما اركز فى الاسامى علشان اعرف ارد و بعد كدة تعملوا فصل فى الدخول
26-05-1426 هـ, 10:02 صباحاً
 
ههههههههههههههههه

عادى بقى يا دندون مهو احنا كلنا اخوات

معجبينك كترو اوى يا دون وبعديين كدة ، سيبيلنا شوية
26-05-1426 هـ, 10:04 صباحاً
 
mooty صح كدة ؟؟ وان مطلعتيش انتى مش مشكلة يبقى نوودى بالنسبة للحشو اللى طلع منك دة لاحتمال انك ما فردتيش الصدر كويس يعنى كان تخين فبالتالى اخد حيز من اللحم اكتر من الحشو فأبقى حاولى تضربية و ترققية شوية او لانك ما دهنتيش الطروف كويس بالبيض و بالتالى ملزقوش مع بعض كويس لكن بالنسبة للحشو ما تقلقيش و املية لان الحشو بتاعة معظمة سمك رفيع و على العموم على ما ايدك تاخد كدة كام مرة ممكن تقفليه بخلة مؤقت و لما يتحمر ابقى اسحبيها
26-05-1426 هـ, 10:11 صباحاً
 


الساعة الآن 01:58 .