ميرسى يا دندونة على الرد .

ربنا يخليكى ليا يا رب
المهم انة الحمد لله عجب خطيبى بدون تعليقات الحمد لله

ربنايخليكى يا دون يا اللى رافعة راسى كدة على طول.
ربنا يجعلة فى ميزان حسناتك.

************MoOnty**********
تورتة الميل فى بالسكر

عجينة ميل فى
مربى مشمش
كريم شانتية أو كستر خفيف
سكر ناعم
فستق مفروم
الطريقة
1- نفرد عجينة الميل فى بسمك 1 سم
2- و اعملى منها 4 دوائر بمقاس استدارة الصينية او ممكن 3
3- خرمى الدوائر بالشوكة و سيبيها حوالى 10 دقائق
4- توضع الدوائر فى الفرن بس يكون اعلى من المتوسط يعنى يكون احمى
5- نخرجها من الفرن بنفس الشكل و اللون اللى انتى بتشوفية برة
6- حطيهم على منخل او حديدة لحد ما يبردوا
7- سوى طروفها بمقاس واحد
8- ضعى اول دائرة على طبق التقديم و ادهنى وشها بالمربى
9- حطى الدائرة التانية فوقها و الزقيها عليها كويس و ادهنى وشها كلة بالكريمة
10- حطى الدائرة التالتة كويس و ادهنى وشها بالمربى
11- حطى اخر دائرة و اضغطى عليها كويس عشان يمسكوا فى بعض
12- ندهن الجوانب بطبقة خفيفة بالمربى وبعدين ترشى الفستق المطحون عليها فحيلزق طبعا على المربى
13- نرش السكر البودرة على وش التورتة تماما و بالهنا و الشفا
ملحوظة : قبل ما تدهنى الجناب بالمربى ابقى خففيها بيادوب معلقة ماء دافىء





جاتوة الميل فى
نفس طريقة التورتة بس بدل ما تعملى العجينة دوائر اعمليها مستطيلات فى صينية طويلة

وزوقيها بنفس الطريقة و بعد ما تخلصيها بالسكينة الطويلة الحامية تروحى مقطعة المستطيل بالطول مرتين يعنى خطين بالطول و بعدين تروحى مقطعة بالعرض تقريبا 3 قطعات حيبقى بنفس المقاس اللى انتى بتشترية من السوق و ترصصية على طبق التقديم

ملحوظة : جاتوة الميل فى اللى بالشيكولاتة تدهنى فى النص بالكستر المضاف له شيكولاتة

و تزوقى الوش الطبقة الاخيرة اللى فوق بحلوى الماء اللى بالشيكولاتة و بالهنا و الشفا





يا سلام يا دندون يا جميل، تسلم ايديكي يا حبي، و بعدين و لا يهمك من اللخبطة بيني و بين موووتي، احنا اصلا فيه توأمة بيننا مع فارق السن!!! بس عاوزاكي كل يوم تحفظي عشر مرات موووتي موووتي، و تلاتين مرة نوووووووودي نووووووودي، و مش حتتلخبطي تاني ابدا!!!!
يا رب لك الحمد كما ينبغي لجلال وجهك و عظيم سلطانك

اللهم اغفر لي و لوالدي و للمؤمنين و المؤمنات يوم يقوم الحساب

اللهم احفظني و زوجي وولدي من كل سوء

اقتباس مشاركة  (Noody30)
يا سلام يا دندون يا جميل، تسلم ايديكي يا حبي، و بعدين و لا يهمك من اللخبطة بيني و بين موووتي، احنا اصلا فيه توأمة بيننا مع فارق السن!!! بس عاوزاكي كل يوم تحفظي عشر مرات موووتي موووتي، و تلاتين مرة نوووووووودي نووووووودي، و مش حتتلخبطي تاني ابدا!!!!
اشمعنى يا ست نوددة انتى 30 مرة وانا 10 بس

ببصى يا دندون خلينى انا 50 مرة بقى بالعند فى نوودى

************MoOnty**********


الساعة الآن 07:59 .