Analysis Services
يا نهاركم ابيض؟؟؟!!!!! لا اهو انتم الاتنين قاعدين تقطعوا في فروتي و انا زي الهبلة قاعدة مستينة موتي هانم ترجع المسنجر!!!!!!

ايوة انا يا دندون صاحبة البطوطة ام رجل مكسورة بس مش انا و الله اللي كسرتها ده الواد اخويا اللي كسرها كسر مضاعف و عاقبته باني حطيت له الورك ابو رجل مكسورة!!!!!

و بعدين يا دندون مالها معلقة القشطة؟؟؟ طيب كنتي تعالي شوفي كده البطوطة كانت عاوزاكي و الله و متزعليش المرة الجاية حاحط الحشو ان شاء الله بس المرة دي كنت خايفة من بابا و تعليقاته. اصله كان مهدد ان لو البطة دي متعملتش حلو حيقطع البط من البيت!!!! و دي كانت اول تجربة ليا مع البط لان عمتي كانت هي اللي بتبعته لنا جاهز قبل كده >>>>>>> طلعتي بحاجة من قصة حياتي؟؟؟ -لا!!! - طيب!!!


بت يا موتي اطلعي من هنا لاجي اكسرلك رجلك زي البطة!!
26-05-1426 هـ, 02:17 مساءً
 
انا هنا يا اختى فى حما دندون حبيبتى ..
وبعديين انتى ليكى عيين تتكلمى بعد ما كسرتى رجل البطة؟؟؟
26-05-1426 هـ, 02:29 مساءً
 
انا عندي طريقة كيكة الموز واحدة صاحبة ماما قالتهالي بس فعلا روعة هكتبهالكم
المقادير
2 كوب دقيق ــ 1 و نصف كوب سكر ــ نصف كوب زبدة ــ نصف ملعقة بيكنج بودر ــ نصف ملعقة بيكربونات صوديوم ــ 2 ملعقة فانيليا ــ 2 بيضة ــ نصف كوب لبن ــ 5 موزات مهروسة ــ ربع ملعقة ملح
الطريقة
نخلط السكر مع الزبدة لحد ما تكون زي الكريمة و بعدين نضرب البيض مع الفانيليا و نضيفهم للسكر و الزبدة و نخلط كويس
ننخل الدقيق مع البيكنج بودر و البيكربونات و الملح ثم نبدا نضيفة على مراحل بالتناوب مع الموز المهروس و نضيف نصف كوب الحليب اثناء الخلط و نخلط كويس و نسويها في فرن متوسك لمدة ثلاث ارباع الساعة
يا رب تعجبكم و بالهنا و الشفاء
26-05-1426 هـ, 09:53 مساءً
 
تسلم إيديكي يا رواء الإسلام .. ما عملتش قبل كده كيكة الموز ..
إنما عملت التورته إللي جواها موز .. يعني بعد مانعمل الكيكه الأسفنجيةونقسمها علي قسمين أو تلاته نحشيها بالموز مع الكريم شانتي.. ونزوقها من فوق بشرائح الموزبعد ما نرشها بقليل من الليمون حتي لا يتغير لونه .. طبعا أنا شفت أجمل طريقه للكيكه الإسفنجيه عاملاها دون
هأجرب طريقتك يا رواء الإسلام ..
27-05-1426 هـ, 12:22 صباحاً
 
مين اللى كانت طلبت طريقة عمل السوبيا فى البيت لان اخوها بيحبها جدا و دايما يشتريها ؟؟؟

عموما انا حنزلك حالا طريقة السوبيا فى البيت من اشهر محلات العصير اعمليها و خليها تسقع و قوليلى اية رأيك ؟ و الطعم حيفجئك و اتحدى لو حد حيعملها زيك ....
27-05-1426 هـ, 09:54 صباحاً
 


الساعة الآن 05:59 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏