السوبيا


كوب لبن نيدو بودرة ( بدون ماء من العلبة على طول )
كيلو سكر
2 ظرف فانيليا
1/2 كيلو لبن سائل
نقطة واحدة روح جوز الهند
20 كوب ماء

الطربقة :

هاتى اناء كبير زى حلة اللى حنعمل فيها السوبيا
ضغى فيها السكر و بودرة النيدو و الفانيليا و افضلى اخلطيهم بمعلقة او بعصاية كويس قوى قوى على الناشف
(ودى اهم خطوة فى الموضوع كله لمدة 1/4 ساعة ما تقلش ابدا )
ضعى الحليب السائل و نقطة ريحة جوز الهند و قلبى كويس قوى لمدة 5 دقائق
ضيفى الماء كله واخلطى كله مع بعض كويس بالتقليب برضه و بالهنا والشفا
ملحوظة :
ريحة جوز الهند عبارة عن زجاجة صغيرة بتتباع فى السوبر ماركت او محلات الجملة وسعرها جنية و نص بس
ممكن وضع كمية مناسبة للاستخدام فى زجاجة فى الثلاجة و الباقى حطية فى اكياس نايلون فى الفريزر و اسحبى منهم سواء فى رمضان او الايام العادية و طعمها هو هو كانها لسة معمولة
27-05-1426 هـ, 10:00 صباحاً
 
ممنوع دخول noody و mooty مع بعض

عواطف انتى فين ؟؟ و بونبوناية عسل واضح كدة ان انتم بتصيفوا انتم الاثنين
27-05-1426 هـ, 10:13 صباحاً
 
صباح الخير يا دندووون

انا جيت اتسحب من روا noody
وبعديين انا عارفة انك بتقولى دة من روا قيلبك صح

على العموم انا حبيت اصبح عليكى..

اخبار حلوى الكل واشكر اية ,,
شكلك كدة نسيتينى صح ..؟؟

على العمةم حبيبتى انا حبيت اصبح عليكى ..
27-05-1426 هـ, 10:20 صباحاً
 
صباح الفل يا مووتى و نوودى بالمرة ماانا عارفة انها لما حتشوفك اتسحبتى حتيجى وراكى جرى .. طبعا انا بضحك معاكم هى دى عايزة كلام ؟؟ انا حكتبهالك النهاردة على طول لانى فعلا لما بلف فى الملف بحاول اشوف ان كنت نسيت ارد على حد و فعلا لقيت السوبيا مطلوبة من زمان وانا نسيت خالص من عنيا يا mooty لكن البطبوطة اللى لسة مادخلتش
27-05-1426 هـ, 10:30 صباحاً
 
البطوطة جت!!!!!
مين بيجيب في سيرتي؟؟؟؟


كده كده يا مووتي بتتسحبي من ورايا عشان مشغولة؟؟؟؟ طيب انا قاعدة على قلبكم

دندونتي حبيبتي، بقى مش عاوزة نووودي الغلبانة تيجي تلزق لك و تتعلم منك؟؟؟؟ طيب و البطابيط اللي جاية في السكة حاحكي قصة حياة حشوها و طبخها لمين؟؟؟ بابا خلاص شكله ادمن البط و عاوز ياكل بط كل اسبوع بس انا بافكر اعمل لها جدول زمني

دندوني يا قمر، كنت عاوزة أسألك على كيكة الزبادي لو تعرفيها، هي بتتسقي شربات زي البسبوسة و كنت باعملها زمان بس من الحاجات اللي ضيعت طريقتها و مش عارفة اجيبها تاني
27-05-1426 هـ, 10:45 صباحاً
 


الساعة الآن 12:29 .