تسلم ايديكى يا دندونة

ربنا يخليكى لينا يا رب..
28-05-1426 هـ, 10:31 صباحاً
 
يا صباح الفل وربنا يجعل كلامنا خفيف على الدخول للمنتدى لحسن الدخول بقى تقيل و صعب قوى


يا كهرمانتى بالنسبة للشاى كل نوع بيختلف فىتلقيمتة يعنى الناعم غير الخشن و الليبتون غير الريدليبل .....الخ و كل واحد بيبقىله مزاج فى الشاى غير التانى يعنى اللى بيحبة خفيف و اللى تقيل وبعدين مقاس المعالق الصغيرة بيختلف فعلشان كدة تظبتى مكيال الشاى الاول بالمعلقة الصغيرة و تحطية علىالماء اول ما يغلى و ياخد غلوة واحدة و اطفى و استنى ثانية على ما يخرط و بعدين صبية و ممكن تغلى الماء بس و تلقمى فى الكوبايات كشرى بيطلع مظبوط يعنى لو ليبتون ناعم حطى فى الكوب نص معلقة وصبى الماء المغلى و دوقى و شوفى اللون و الطعم ؟ولوليبتون خرز حطى معلقة ممسوحة ازا كان غامق تقيل قللى المرة الجاية و ازا كان فاتح خفيف زودى الشاى الناشف لحد ايدك ما تظبت
28-05-1426 هـ, 11:22 صباحاً
 
موس المانجة
4 بيضات
1/2 كوب عصير مانجة
1/2 كوب سكر
3 ورقات جيلاتين
2 كوب كريمة لبانى
مانجة مقطعة قطع
الطريقة
1- يفصل الصفار عن البياض
2- يضرب الصفار مع السكر كويس جدا
3- نضرب البياض لوحدة ( مارينج)*
4- نضع عصير المانجة على الصفار المضروب
5- نضرب الكريمة اللبانى لحد ما تتماسك
6- نضع الجيلاتين على الكريمة ثم على الصفار المضروب
7- يضاف المارنج الى الخليط مع وضع كمان قطع مربعات صغيرة من المانجة
8- اصب كل الخليط فى قالب التقديم توضع فى الثلاجة لحد ما تجمد
9- نزوقها بالكريم شانتية و قطع من المانجة و بالهنا و الشفا
28-05-1426 هـ, 11:29 صباحاً
 
موس الكيوى

زلال 4 بيضات
2كوب سكر
2 كوب لبن
2 كوب كريمة لبانى
2 كوب عصير كيوى
قطعة كيكة اسفنجية مدورة لتبطين قاع الصينية
الطريقة
1- يضرب زلال البياض البيض ضرب كويس جدا (مارينج) ثم يضاف السكر لحد ما يبقى مارنج
2- يضاف الى المارينج عصير الكيوى( ال2 كوب ) ويقلب بالراحة بخفة
3- نضع الكريمة على الخليط و نقلب بخفة جدا
4- نجيب القالب و نبطنة بقطعة الكيكة بعد تقطيعها و تو ضيبها على أد القاع
5- نصب الخليط فى القالب على الكيكة
6- ندخل القالب الثلاجة لحد ما يجمد
7- وبعد ما يطلع نزوقة بشرائح الكيوى و بالهنا و الشفا
28-05-1426 هـ, 11:32 صباحاً
 
دون انا متبعاكي انت فظيعه بجد ربنا يباركلك ويخليلك اولادك
وعاوزة اسالك سؤال بس
انا سالت نودي قامت قالتلي اسالي ابله دون هي الخبيرة..
انا بعمل بطانه كويسه لصينيه الكيك و مع ذلك الكيكه بتلزق ليه معرفش؟
هل لاني بعلي الفرن ولا لاني بقلبها اول ما بتطلع من الفرن.
28-05-1426 هـ, 11:44 صباحاً
 


الساعة الآن 03:23 .