الاخت العزيزة ام الهنا سليمان اهلا و سهلا بيكى فى قسمنا وجزاكى الله خير على شكرك لينا و الصراحة احنا فعلا قسمنا هنا يسودة التعاون بحمد الله لكن انا بصراحة ما اخزتش بالى من مشاركتك السابقة معنا و اكيد برضة الشيف نانى ما انتبهتش لسؤالك عموما نظرا لزيادة عدد الصفحات يمكنك اعادة سؤالك و سيتم الرد علية سواء منى او من الاخت نانى و اهلا وسهلا بيكى معنا و لو عندك اى مشاركة باى وصفة تكون مجربة و ليست منفولة ياريت لو تكتبيهالنا لتعم الفايدة على جميع الاخوات
29-05-1426 هـ, 02:06 مساءً
 
شكرا لك يا اخت دن علي ردك وان شاء الله لو في عندي اي فكره جديده او طبق لذيذ مش هبخل بالمشاركه بيه لكم جميعا واكون صديقه جديده مفيده
29-05-1426 هـ, 02:17 مساءً
 
احنا مستنيينك يا نانى فين مشاركاتك الحلوة ؟؟؟ احنا علينا الدور نكتب التارت حلو و حادق هة نستناكى ؟؟؟ لحسن الشيفاب الصغيرين جاعوا و اتصعروا
29-05-1426 هـ, 06:16 مساءً
 
أهلا don
عمل التارت يعتمد علي العجينه سواء كانت حلوه أو حادقه
ممكن عمل عجينة التارت والإحتفاظ بها في الفريزر لحين الإستخدام
لعمل العجينه المالحه
المقادير
4 كوب دقيق + نصف ملعقه صغيره ملح
كوب وربع زبده ....... حوالي كوب ماء بارد
الطريقه
نفرك الزبده في الدقيق ونوزعها فيه جيدا .. يكون منظر الدقيق مغربل
نعجن بالماء البارد علشان الزبده ما تسيحش ..
نعجن جيدا حتي نحصل علي عجينه متماسكه
نتركها في التلاجه لحين الإستخدام

العجينه الحلوه
المقادير
4 كوب دقيق رشة ملح
كوب ونصف زبده
3 بيض + فانيليا
ثلاث أرباع كوب سكر ناعم
الطريقه
نخلط الدقيق مع السكر ورشة الملح
نضيف الزبده ونفركها في الدقيق بحيث تتخللها تماما
نرب البيض مع الفانيليا
نضيف البيض الي الدقيق ونعجن عجينه متماسكه
نتركها ترتاح في التلاجه قبل الإستخدام

بالطريقه دي نعمل العجينه .. بعد كده علينا نجهز التارت
نحتاج إلي صينية أو قوالب موجوده خصيصا لعمل التارت ..
29-05-1426 هـ, 07:28 مساءً
 
كريمه خاصه بالتارت
2 كوب لبن
2 ملعقه كبيره سكر
2 ملعقه كبيره دقيق
2 صفار بيض + رشة فانيليا
الطريقه نضع اللبن علي النار حتي يسخن ويغلي
نخفق السكر والبيض والدقيق جيدا .. ونضيفه للبن عندما يغلي ونقلب حتي نحصل علي كريمه لفرش التارت
30-05-1426 هـ, 08:48 صباحاً
 


الساعة الآن 08:20 .