Analysis Services
اقتباس مشاركة  (كهرمانة12)
ماشاءالله عليكم
ممكن اسال...هل التارت الحلو لازم احط عليه كاستر ولا ممكن اكتفي بخلطة الشوكولاتة؟؟
ماهو يا كهرمانة خلطة الشيكولاتة دى كستر بس بالشيكولاتة فيبقى لو عوزة تارت عادى تحطى الكستر و لو عاوزاة بالشيكولاتة يبقى تحطى الكستر اللى بالشيكولاتة يعنى يا دة يا دة الا ازا كنتى عاوزة تصنفى بقى يا سيتى و تحشى التارت بالنوعين و تدخلى مع البنات فى القايمة و تبقى الشيف كهرمانة ماشى ؟؟
01-06-1426 هـ, 11:01 صباحاً
 
أهلا كهرمانه
شوفي حبيبتي زي ما إتفقنا .. التارت الحلوعباره عن عجينه مفروده في فالب وفوق منها أي حشوه متاحه .. يعني فاكهة الموسم .. مكسرات .. كمبوت .. مربي
كل دول محتاجين كستر سواء فانيليا أو شيكولاته أو كريم شانتي أو جيلي ..
حاجه لذيذه طريه تدي طعم للتارت
أما التارت المالح نضع عليه حشوة جبنه أو دجاج مسلوق أو مع الخضار .. البسله ..
الفلفل الحلو .. سبانخ .. مشروم .. أو ممكن جمبري ..
وبعد كده نخفق2 أو3 بيضات مع كريمه وملح وفلفل أسود.. ونضعها فوق الحشو ..
ثم الجبن المبشور ..
كهرمانه .. بعد فرد التارت المالح بالعجينه نخبزه في فرن متوسط الحراره ..
وبعد كده نحشيه .. ونعيد خبزه مرة أخري بالحشو
01-06-1426 هـ, 11:10 صباحاً
 
صينية التورلى بالفراخ او اللحمة

المقادير:

فرخة أو لحمة ( بتلواو كندوز صغير )

بسلة – جزر - كوسة – فاصوليا - بطاطس - طماطمايه كبيرة - بصلة كبيرة
كوب ماء أو شوربة او عصير طماطم - ملح – فلفل - بهارات - عصير ليمونة
زيت ذرة او زيت زيتون
بالنسبة لكمية الخضار بتبقى حسب العدد
الطريقة:

تتبل الفرخة أو اللحمة بالملح و الفلفل و البهارات وعصير الليمون
يغسل الخضار و يقشر كلا بحسب نوعه ويقطع اما شرائح او مكعبات

ونضعهم فى صينيةاو طبق فرن او طاجن فخار ويضاف لهم اللحمة أو الفرخة المتبلة ويضاف لهم كوبين الشوربة أو الماء او عصير الطماطم و نضع الزيت على وش الصينية
ويغطى بورقة فويل ويوضع الخليط فى الفرن لمدة ساعة ونصف فى فرن متوسط الحرارة لحد ما تستوى نشيل الورقة الفويل علشان الوش يحمر وتقدم وبالهنا والشفاء
01-06-1426 هـ, 10:30 مساءً
 
جميل يا دون التورلي .. كده داخلين علي ريجيم
أنا بحب التورلي جدا .. وبحب من ضمن الخضار أضيف الباميه كمان
ممكن ألخبطها مع الخضار أو أحطها في نص الصينيه أو علي جنب لوحدها
وقطع خرشوف كمان بتكون حلوه قوي
تسلم أيديكي .. إيه هي أفكار أكل الريجيم ؟؟
حاجه تشبع كده .. وتكون حلوه
01-06-1426 هـ, 10:43 مساءً
 
مقلوبة الكوسه
شرائح رفيعه من اللحم
1 كيلو كوسه
2 عدد طماطم كبيره
1 بصله كبيره + ملح وفلفل أسود
أقطع البصله ترانشات رفيعه أو جوانح وأدعكها بالملح والفلفلل
أتبل اللحمه بالبصل حوالي ربع ساعة لغايه ما أجهز الباقي
أقطع الطماطم دواير وممكن أقشرها الأول بوضعها نص دقيقه في ماء مغلي
أقشر الكوسه .. أنا أفضل تمرير سكين مشرشر بالورب علي سطح الكوسه لنضافه سريعه وحتي لا تضيع الطبقه الخضراء المفيده بتاعتها .. وتعطي الطريقه شكل جميل للكوسه ..
أقطع الكوسه دواير مناسبه .. أفضلها تخينه شويه يعني حوالي 2 سم ..
لرص حلة الكوسه
بداية أضع شرائح اللحم بنصف كمية البصل
اضع الطماطم وباقي البصل
فوق خالص أضع الكوسه
مش هأحتاج أكتر من ربع كوب ماء أضيفه زائد قليل من الزيت أو الزبده
علي نار هادئه جدا أسوي الأكله ..
لأعطي فرصه لتسويه اللحمه .. وتنزيل الخلاصه كلها وتتشرب مائها علي الآخر
من غير ما تتحرق طبعا
ممكن عمل الطبخه بدون لحم خالص .. وممكن بلحم مفروم
للتقديم ..
نضع سرفيس فوق الحله بمقاس أكبر منها ..
ونقلب الأكله بحيث تحافظ علي شكلها المرصوص ..
01-06-1426 هـ, 11:13 مساءً
 


الساعة الآن 11:01 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏