نعمل اية يا نانى ماهو مجبر اخاك لا بطل ما انتى عارفة





يسلموووو
صباح الخير جميعا

أولا أحب أشكر الشيف don والشيف نانى 5 على الموضوع الجميل ده والمجهود الفظيع ده بس ما شاء الله عليكم مش مخليين حد نفسه فى حاجة

سؤال ل شيفات الموضوع (أصل الطلبات نقصانى أنا كمان )

هعمل عيد ميلاد بنتى يوم الثلاثاء ان شاء الله وعازمة أصحابنا وكده وهعمل حاجات خفيفة زى club sandwich و توست أشكال وسندوتشات صغيرة

تفتكروا 1/2 كيلو من كل نوع كفاية ولا لأ

يعنى أجيب 1/2 كيلو smoked Turkey و 1/2 كيلو mortadella chicken و 1/2 كيلو mortadella سادة

تفتكروا ده هيكون كفاية ولا كتير (أصلى بصراحة عندى مشكلة فى الكميات) مش بعرف أحدد أنا محتاجة أد ايه ودايما بعمل حاجات كتير
صباح الخير يا نئردة و كل سنة و لوجينا طيبة و عقبال مية سنة يارب و عقبال ما تشوفيها عروسة اد الدنيا بس يعنى انتى عشان لوجى صغيرة حتضحكى عليها بكام سندوتش بس ؟؟؟ لما نشوف بكرة لما تكبر حتعمليلها اية ؟ و لو ان كل الولاد دلوقتى لما بيكبروا بيعملوة فى الكافية مع اصحابهم وخلاص المهم ندخل فى موضوعنا





مقلتيش اى تفاصيل عن العدد ؟ ولا انتى مجهزة كام سندوتش ؟؟ و برضة بيقرق ان كان العدد اطفال ولا كبار ؟؟ ما علينا انا حقول افتراضات و انتى تشوفى . مؤقت انا شايفة انه كفاية لان الكيلو ونص دول حسب تقديرى ممكن يعملوا 50 سندوتش وممكن اكتر دة طبعا حسب ازا كنتى حتحطى السلايس كله فى السندوتش ولا نصة ؟ و طبعا انتى مش حتحطى شريحة او نص مرتديلا لوحدها المفروض انه بيكون معاها مسحة زبدة او مسحة مايونيز مع شريحة خس مثلا وبعدين انتى لية مش منوعة فى الحشوة يعنى ممكن تجيبى -علبة تونة وتصفيها من الزيت و تهرسيها مع معلقة مايونيز و رشة فلفل اسود و نقطة ليمون و تدهنى بيها . وممكن -تجيبى صفاربيضة مسلوقة و تهرسيها بالشوكة مع معلقة مايونيز او زبدةورشة فلفل و تحشى بيها- وممكن تمسحى العيش بمسحة زبدة و تحطى عليها شريحة روزبيف -وممكن لوعندك مثلا- ربع فرخة مسلوقة تفرميها كويس فى الكبة و تضيفى عليها معلقة صغيرة بشاميل وملح وفلفل ونقطتين عصير لبمون وتخلطيهم كويس ببعض و تحشى بيهم وعلى فكرة من باب التنويع فية فى السوبر ماركت انابيب تحتوى على معجون لحمة و معجون فراخ و كفيار ممكن تمسحى العيش بالزبدة و تنزلى من الانبوبة يا دوب حتة و تفرشيها بالسكينة وممكن برضة -تهرسى حتة جبنة رومى و تبشريها كويس مع معلقة زبدة و معلقة مستردة وملح وفلفل تخلطيهم ببعض مع زيتونة سوداء و تحشى بيها وممكن واكيد انك عارفة شرائح فراخ بانية و ممكن كبدة و ممكن مخ

معلش انا طولت عليكى فى الرد عشان اساعدك بس فى التفكير و عشان مايبقاش كل الانواع اللى انتى مختاراها شبيهة ببعض و احنا تحت امرك فى اى سؤال يا زئردة يعنى خلينا نتعاون ونفكر مع بعض و عيد ميلاد سعيد عليكم







الساعة الآن 11:34 .