Analysis Services
الاخت بنوتة _توتة تسلمى يارب و يارب يكون الملف بتاعنا عجبك

يا بنات بالنسبة للتورلى فية ناس مبتحبش تعمله عشان بيبقى بعض من افراد الاسرة مبيحبوش نوع معين موجود فى تشكيلة الخضروات فممكن بالتحايل ما احنا مش حنغلب معاهم تعملى كل نوع فى جانب من الصينية بمعنى تقسميها على اربعة و تحطى كل نوع لوحده فى ربع وتكملى السوى عادى وعند الاكل كل واحد ياخد من الربع اللى بيحبة لكن المهم ان كل الخضار بيبقى اخد من طعم الخضروات التانية و بيبقى الطعم حلو

ممكن فى التورلى او شوربة الخضار تحطى بزنجان اسود رومى اللى هو المكبب تقطعية مربعات و تضعية مع الخضار بيبقى مع الطماطم المبشورة او عصير الطماطم طعمة تحفة و مبيغيرش لونة و بالهنا و الشفا
02-06-1426 هـ, 10:30 صباحاً
 
أنا متشكرة على الافكار جدا
أنا معملتش عيد الميلاد بره لان لوجينا عندها سنة واحدة ولسه مش بتمشى فا مش هتحس بالفرق ممكن من السنة الجاية ان شاء الله
وكمان أنا مش هضحك عليها بشوية سندوتشات والله ده انا ان شاء الله هعملها بوفيه وهمى (ربنا يقدرنى ان شاء الله) دى لولة اول العنقود
وبعدين أنا هعمل روزبيف ان شاء الله وسمبوسك وسبرنج رول ومحشى ورق عنب وتوست كده أشكال نزلت جبتله قطاعات وكنت هعمل turkey بس لقيت هيبقى كبير ومش مكانه قلت اخلينى فى السندوتشات والحاجات النواشف وهعمل البيتزا اللى هى أحجام صغيرة وكده
وبالنسبة للتونة أنا خايفة من الزفارة ولا ايه؟؟؟
فهمتى على بقى هعمل ايه؟؟مش كفاية كده ولا قليل؟؟؟
وبالنسبة للحلويات هعمل tarte اللى هى صغيرة دى ودنش وحلوى صغيرة كده اللى هى بالمارس دى مع التورتة الكبيرة اللى جيبنها من بره
مع السلطات بقى وكده ها ايه رأيك؟؟؟
العدد حوالى 15 ممكن مثلا ومفيش أطفال كتير هم يمكن 3 بس أطفال
02-06-1426 هـ, 10:45 صباحاً
 
Don Don دون دون
إنتي فين ... تعالي شوفي مين هنا ؟؟
Zeireda مرحبا
كل سنه وانتم طيبين .. كل سنه ولجينا طيبه
عيد ميلاد سعيد .. وحفله جميله بإذن الله
الكلوب ساندويتش من الأطباق الجميله في الحفلات وخصوصا للصغار
بالتأكيد مش غايب عنك الأشكال والطرق لعمل الكلوب ساندويتش
أما الكميه ده راجع بالتأكيد لعدد الموجودين .. وعدد الأصناف المقدمه في البوفيه
حبيبتي .. كل سنه ولوجي بخير وربنا يسعدها ويسعدكم بيها
02-06-1426 هـ, 10:52 صباحاً
 
حبيبتى نانى يلا اما نجيب حبل ونربطها عندنا قبل ما تمشى دة حتى عشان نضمن انها حتعمل البوفية هنا و ينوبنا من الحب جانب و لا احنا مكتوب علينا نعمل نعمل نعمل و بس ومفيش خدوا ؟ صباح الفل يا نانى

البوفية كدة مية مية يا زئردة و بالف هنا و شفا وهو مش ناقصه بس غير .......و ........؟ يا ترى مين ؟؟؟
حبايبى نوودى و مووتى ربنا يجعل كلامنا خفيف عليهم
02-06-1426 هـ, 11:02 صباحاً
 
zeireda
الظاهر أنا ودون داخلين في وقت واحد
أنا بعد ما كتبت تركت الكمبيوتر فتره وبعد كده عملت إرسال
علي العموم دون وضحت لك وزياده
وكل سنه ولوجي طيبه
02-06-1426 هـ, 11:05 صباحاً
 


الساعة الآن 06:23 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏