يا جماعة المنافسة سخنه بين دون وهبهوبة ونودى
طيب حد جرب الكيك اللى بالشيكولاته والقرفة اللى قلتلكم عليه؟
طيب خدو دى منى كمان:
حوواوشى:
المقادير للعجينه:
1ملعقة سكر صغيرة
ا ملعقة خميرة كبيرة
3/4 كيلو دقيق
1 ملعقة زيت
كوب ماء
للخلطة:
3/4 كيلو لحم مفروم
8 بصلات مفرومين
ا ملعقة فلفل اسود وملح حسب الرغبة
2 ملعقة كبيرة زيت
بقدونس مفروم
الطريقة:
السكر + الخميرة فى ربع كوب ماء او اقل ويكون الماء دافى ويوضع فى مكان دافئ ومظلم لمده 10 دقائق ليخمر
نضع الدقيق ونفتحه من المنتصف ونضع عليه الخميرة + ملعقة الزيت ويقلب مع اضافة قليل من الماء( نص الكوب مثلا)ونزيد ماء كلما احتاج الخليط بحيث تكون النتيجه ان العجين لا يلزق فى اناء العجن
بعد تجانس العجين تعجن باليد لمده 5 دقائق حتى تصير يتمط قليلا ومتماسكة لا تقطع اثناء الشد تندى بالماء وتترك ساعة ثم تعجن مرة اخرى ل 5 دقائق وتترك نص ساعه
تقطع وحدات حجمها حسب الرغبة وتوضع فيها الخلطة السابقة وتغطى كل قطعه عجين بقطعه اخرى وتلزق الاطراف فى بعضها ونمسح وجهها بالماء باليد
توضع فى فرن ساخن لمده نص ساعه حتى تلاحظة ان الوجه احمر
او لنتيجه احسن توضع على بلاطه كبيرة داخل الفرن لتاخد نفس نتيجه الافران البلدى
يلا جربوها وقولولى رأيكم
13-04-1426 هـ, 06:35 مساءً
 
ازيك يا لاروز وحشانى جدا اية اخبار التلخيص ؟؟
13-04-1426 هـ, 06:49 مساءً
 
يا هبهوبة لو ممكن اعدل فى طريقة اللحمة الباردة انا حنقل اللى انتى كتباة و حقول الطيقة الصحيحة للحم البارد
[frame="6 80"]كتلة لحم(تقولى للجزار عايزة أعملها لحمة باردةوهو حيعرف طلبك ) وتلف بالخيط جيدا ثم تغرسى فيها بالسكين بس مش للأخر وتضعى فى الشقوق فصوص ثوم سليمة ثم تسلق فى ربع حلة ماء ومعاها كل ماأعتدتى وضعه عند سلق اللحم ( بصلة مقطعة ومستكة وحبهان وورق لورا ومسمارين(قرنفل) وعود قرفة وذرة بهارلحم....طبعا أنا فى العادى بضع كمان وحدة طماطم مقطعة وقطعة ثوم مفروم صغيرة بس بلاش عشان أنتى بالنسبة للثوم حشياها بيه والطماطم ممكن تخليها تخرب بسرعة ) وبس لما تغلى المياه تسقطيها حتى تستوى وتنشل وتترك لتبرد ثم تنزعى الخيط وتقطع طرنشات وبالهنا والشفا على قلبكم وسفريه سعيدة إن شاء الله ...[/frame]بانسبة للحمة هى مش كتلة لحم ؟ هو عرق تلبيانكو مخصوص للحمة الباردة او الروزبيف بتغسليه كويس و تنشفية ثم تجيبى ملح وفلفل و بهارات و تدعكية كويس كلة من برة وبعدين تجيبى 5 فصوص ثوم صحيحة زى ماهى وترشى عليهم رشة ملح وفلفل ثم تعملى 5 شفوق فى العرق و تحشرى فىكل شق ثومة تجيبى دوبارة جامدة و تلفى العرق كويس (المفروض انه بيتلف بطريقة معينة علشان يتلف صح واللحمة ماتكلكعش)
المهم هاتى صينية بها 3 ملاعق سمن وفصين حبهان على فصينمستكة و حمرى العرق كويس من جميع الجهات لحد ما ياخد لون احمر حلو
ثم تضيفى الماء شوية شوية الى ان يستوى بياخد حوالى ساعة و نص
ثم تضعى الصينية فى القرن لحد ما الماء يتشرب والعرق ينشف شيليه من الفرن لما يبرد خالص فكى الدوبارة و لفى العرق فى فرخ ورق فويل و ضعيه فى الفريزر لمدة يوم ولما تبدؤا فى اكله يقطع سلايس رفيعه ولما تخلصى يلف فى الفويل تانى و يوضع فى الثلاجة و فى المناسبات يدهن التوست او البيتى بان بمسحة ذبدة و عليها شريحة الروزبيف بالنسبة للبنات حديثى الزواج اعملو اللحمة الباردة عندك جاهز لانه بيكون سريع انك تسحبى منة سواء عشاء او غذاء او السفر
13-04-1426 هـ, 07:15 مساءً
 
السلام عليكم
هبة عبد العظيم الله يسعد قلبك فرحتى قلبى بمجاملتك الرقيقة جدا دى
لاروز منافسة أيه اللى بتتكلمى عليها أنا خارج نطاق المنافسة أنا لسه تلموذة بليدة
نودى جزانا وأياكم .... وتحتأمركم فى أى شىء .
أختكم هبهوبة
13-04-1426 هـ, 07:16 مساءً
 
حمدا لله على رجوعك لموضوعك بالسلامة يا دون و يا رب جهازك يتصلح و يقوم بالسلامة

انا زيك باشجع عدم نسخ و لصق الاكلات و نكتب بس الاكلات اللي احنا عملناها بنفسنا و جربناها، و كل الاكلات اللي كتبتها لكم لحد دلوقت اكلات انا عملتها و بمقاديري اللي استخدمتها و يا رب الكل يستفيد
14-04-1426 هـ, 08:32 صباحاً
 


الساعة الآن 05:36 .