بعد اذن الشيفات الكبار أوى

مقادير الدنش :


2 1/2 كوب دقيق
1/2 كوب لبن دافى
1/4 كوب مية دافيه
2 1/2 م/ص خميرة
1 بيض
1/4 كوب سكر
1/2 كوب زبدة مثلجة قطع

الطريقة:
نحط البيض مع الدقيق والزبدة فى العجانة والبيض
ونحط الخميرة فى اللبن الدافىء والمية ونضيفهم على الخليط
ونضربهم كلهم فى العجانة لحد ما تتماسك وتصبح قطعة واحدة ونسيبها تتخمر شوية وبعدين نحطها فى الثلاجة علشان تجمد لانها بتكون عجينة طرية

وبعدين ناخدها ونفردها ونبتدى نشكلها كالتالى
1- نقطعها مربعات متساوية ونشق أطرافها هيكون عدنا حوالى 4 مثلثات ونقفل من كل مثلث عندنا حرف لجوه
2- نعمل مربع ونقفله زى السمبوسك الناحيتين قدام بعض لتكون شبه المثلث
3-نعمل مربع ونقطع فى نصفه علامتين على شكل ضلعين مثلث ونطبق الحرف من الخارج للداخل
4- نفردها مستطيلة كبيرة ونقطعها من الجنب بالقطاعة تحت بعض بين كل واحدة والتانية 1 سم تقريبا
5- نعمل مربع ونقفل كل ناحيتين قدام بعض لحد ما نحصل على شبة الظرف المقفول
6- ممكن نعمل مربع ونقفل ناحيتن قدام بعض بس ونسيب الناحيتين التانيين
(كل الاشكال سوف تظهر فى الصور واضحة ان شاء الله)
بحملها وهنزلهالك
نسيبهم يخمروا مرة تانية قبل ما نحطها فى الفرن
ندهنهم بالبيض قبل ما ندخلهم الفرن على درجة حرارة 200 ولمدة 15 دقيقة

لعمل الكاسترد :
نضرب صفار البيض مع فانيليا والسكر وبعدين نحط حتة زبدة وشوية لبن صغيرين ونضربهم كويس أوى وبعدين نضيف النشا ونقلب جامد وبسرعة وبعدين نضيفها على اللبن ونحطهم على النار ولما تتخن نحط الحلة فى حمام مائى ونسيبها تبرد ونحشى بيها الكاسترد مع الفاكهة

لتلميع الوجه بعد ما يستوى الدنش :
نجيب مربة مشمش ونحطها مه شوية ميه على النار علشان تكون سايلة وندهن بيها كل الدنش اللى بيطلع من الفرن

أما اللى عاوزين الصور بالظبط يقدروا يدخلوا للموضوع .... صور عمل الشيف صفحة 21 وصور اللى أنا عملته صفحة 22

وبالهنا جميعا
03-06-1426 هـ, 10:30 صباحاً
 
صباح الفل على عيون الكل
ميرسى جدا يا نانى على البسكويت وان شاء الله اول ما هعمله هقولك - الباتون ساليه النهارده ان شاء الرحمن هجيب المقادير وبكره بالكثير هكون عملاه واقولك وكتر الف خيرك يا ننو
دندون مش عارف اقول ايه بصراحه يعنى ميرسى على كم وكيف الوصفات قليل قوىىىىىىىى اعمل ايه؟؟
ما فيش غير انى اهجم عليكى وابوسك (يا ساتر يا رب) والى يحصل يحصل بقى

صباح الفل لكل الوجودات والمشرفات وربنا يزيد ويبارك

على فكره ام عزيزان من نجوم المنتدى بنرحب بيكى ترحيب كبيررررر وان شاء الله تستفيدى بصفحتنا
03-06-1426 هـ, 10:32 صباحاً
 
صباح الفل على عيون الشيفات الحلوات
ممكن حبيباتي أطلب طلب لو ما عليكن كلافة
طريقة المورتاديللا سواء بالدجاج أو باللحم بالتفصيل و ياريت تكون مثل الجاهزة ( شحات و بيتشرط )
الله يعطيكن العافية
03-06-1426 هـ, 10:40 صباحاً
 
تسلم ايدك يا زئردة
ان شاء الله اجربة واقولك على النتيجة ..
03-06-1426 هـ, 10:41 صباحاً
 
يا صباح الفل و الورد عليكم جميعا والله بقالى ساعة بحاول ادخل مش عارفة ابدا يا اما من المنتدى نفسه يا اما من الجهاز الله العم عموما انا حكون اون لاين معاكم بس لو مبقتش اظهر يبقى غظب عنى المهم الف سلامة لمموتى و مضطرين نجيب حاجة حلوة و نجيلك يلا افتحى .. وهبهوبتى حبيبتى مكناش عارفين نعمل حاجة من غيرك و زئردة و ام العلاء يا صباح النور و تماتيا فية اية ؟ بتدورى على اية ؟ مش احنا متفقين انك تسئلى اللى انتى عوزاة ولو مش عندنا ابقى دورى برة ودة اخر انظار بعد كدة حنشيل اللقب و بالنسبة للجبنة الرومى عادى لما تشتريها تقطعيها كدة بس بايدك و بعدين تحطيها فى الكبة لوحدها وتفرميها وخلاص بس مش تطلعيها هريسة لآلآ هى ضربتين بس لان كدة كدة حتى لو الجبنة خشنة حتسيح جوة القطايف على النار ربنا يستر و الجهاز يرضى يبعت الرد وما يتمسحش لحسن اعيط
03-06-1426 هـ, 11:13 صباحاً
 


الساعة الآن 02:53 .