ماهره فى اكلاتك ربنا يزيدك يا حبيبتى ويجعل كل الى انتى بتعلميهولنا فى ميزان حسناتك وشكرا ليكى وان شاء الله هاعمل البسكوت وادعيلك واخلى ابنى يبعتلك بوسه حلوه وربنا يخليكى ليا يا حبيبتى وانا مقدره تعبك والله ومش ملاحظه اى تاخير بالعكس ده انتى ذوق جدا وكفايه انك اهتميتى بسؤالى وربنا ما يحرمنا منك
03-06-1426 هـ, 05:03 مساءً
 
ازيكم دون و ناني تسلم ايديكم بجد بوظتوا الرجيم على الآخر لاي حد لا و كنت ناوية بعد الولادة ابتدي ريجيم بس الاغراءات بقت اكتر دلوقتي
المهم انا معلش يعني سؤالي تافه بس محتاسة فيه ازاي اعمل الملوخية الناشفة يا ريت حد يرد عليه وربنا يكرمكم يا رب
03-06-1426 هـ, 05:03 مساءً
 
الملوخية الناشفة

كوب ملوخية ناشفة
نص راس ثوم مفروم ناعم
2 معلقة سمن
ملعقة كبيرة كزبرة ناشفة
2 حزمة سلق
حوالى 4 كوبايات شوربة
الطريقة
اغسلى السلق كويس و افصلى الورق عن السيقان وخرطية بالمخرطة
اعملى التقلية بانك تضعى السمنة على النار و عليها الثوم لحد ما يصفر و بعدين حطى الكزبرة تقليبة لحد ما تحمر
ضعى الشوربة على النار وضعى عليها نص كمية التقلية لحد ماتغلى
ضعى السلق على الشوربة وسيبيهم يغلوا حوالى من 5 ل 7 دقائق
ضعى عليهم الملوخية مع التقليب المستمر يا دوب يغلوا غلوتين ثم ضعى باقى كمية التقلية وقلبى وغطيها و اطفى النار وبالهنا والشفا
03-06-1426 هـ, 05:56 مساءً
 
عاشقة زوجها وابنها البوسة الكبيرة دى لحبيبى الصغير من don
03-06-1426 هـ, 06:04 مساءً
 
تسلم ايدك يا دندون و ربنا يخليك بس معلش كمالة الرخامة انا معنديش سلق هنا في المانيا ممكن احط ايه بداله و شكرا
03-06-1426 هـ, 08:36 مساءً
 


الساعة الآن 07:56 .