الشيف نانى تسلم ايديكى ودايما كدة سدادة يارب نانى الدانش بيتهيئلى ناقص فى المقادير نسيتى تكتبى مقدار الزبدة .. وعلى فكرة يا جماعة زئردة زى ما قالتلكم انها منزلة طريقة عمل العجينة بالصور وانا دخلت شوفتها حتسهل جدا جدا للى معملوش قبل كدة يعنى بصى الاول فى الصور وبعدين ادخلى المطبخ نفزى

ورواء الاسلام انا عن نفسى الصراحة مبحبش الملوخية الناشفة خالص هى اللى بتحبها ماما ودايما تجيلها من الصعيد هى و الفايش ولزلك انا كلمتها و جبتلك الطريقة منها لكن لسة مسئلتهاش على السلق لكن زى ما انتى عوزة اسئلها لك ولا اكتفيتى برد نانى ؟ احنا يهمنا فى الاخر الفايدة ليكم وبس وبعدين انتى كدة حتخلينى كل ما اعمل ملوخية ازعل واقول الله يمسيكى بالخير يا رواء .. بس حناكلها برضة
ام باسل بقالك كتير ما نورتيناش و بخصوص التلخيص والله من غير ما تقولى كنتى حتلاقيه واصلك لوحدة انا بشطبة و بس حستأزن لاروز فى حاجة تعملهالى
نوددى حبيبتى خلاص عرفتك من غير رجل البطة دلوقتى حنسميكى نوودى شاورما تسلم ايديكى بس يا ريت لو جربتى طريقتى عشان تدعيلى بس حقولك يا نوودى بس دة براحتك طبعا ( يعنى المثل بيقول كول اللى يعجبك ) انا بخلى الطماطم و البقدونس و الطحينة لشاورمه اللحمة و المايونيز و اصابع الخيار المخلل الرفيعة لشاورمة الفراخ علشان لو عملت الاتنين مع بعض يبقى لكل واحد فيهم طعمة المخصوص
لاروز ازيك يا حبيبتى على فكرة يا لاروز الطريقة التانية اللى كتباها نانى اللى فيها بطاطس هى دى اللى انا بعملها و بتبقى احلى
تماتيا مين اللى قالك ان الكبيبة الشامى مش مصرى ؟ اعتقد احنا بقينا نعملها اكتر منهم انا عندى الكبيبى شبه يومية على الغزاء كحاجة كدة زى السلطة جنب الاكل تعمليها مرة واحدة و تضعيها بجانب بعض فى اطباق فل و فى كيس نايلون و تحدفيها على الفريزر وعموما من عنينا كله عشان خاطر ....
04-06-1426 هـ, 11:14 صباحاً
 
على فكرة يا بنات وانا بشتغل فى التلخيص لقيت ان احنا كاتبين انواع كتير من البسكوتات و البتيفور لكن مكتبناش الغريبة لزلك انا حكتبهالكم دلوقتى علشان يبقى كل اصناف العيد تقريبا عندكم
04-06-1426 هـ, 11:19 صباحاً
 
الغريبة

كيلو دقيق
1/8 كيلو سكر بودرة
بيضة – فانيليا
1/2 كيلو سمن
1/2 معلقة صغيرة ممسوحة بيكنج بودر
الطريقة:
نضرب السمن الاول لوحدة كويس
نضع علية السكر ونضربهم كويس مع بعض لحد ما يبقوا زى الكريمة و لونهم يبقى ابيض
نضع عليهم البيضة و الفانيليا
نضع البيكنج بودر على الدقيق و نضع الدقيق شوية شوية على الخليط السابق
الى ان تتكون عندنا العجينة
نشكلها على هيئة كور صغيرة ونضع فى منتصف كل كرة اما قرنفلة تنغزيها فى العجينة مش حيبقى باين منها الا الوردة اللى فوق – او نص فستقة – او نص لوزة مقشرة – او ملبسة فضى اللى بتبقى مدورة زى الكرة و ناشفة و لونها فضى - او واحدة صنوبر
نرصص الغريبة فى الصوانى و ندخلها الفرن و خلى بالك ان لونها مش حيتغير انتى ابقى بصى عليها من تحت حتلاقيها لونها اغمق شوية و مسك نفسة كدة خلاص تخرجيها من الفرن
ملحوظة :
بمجرد ما تطلع الغريبة من الفرن وهى سخنة تكونى مجهزة سكر بودرة فى مصفاة صغيرة و تروحى رششة عليها مباشرة السكر البودرة وهى سخنة فى الصينية و بالهنا و الشفا
ملحوظة : معظم الناس بتعمل الغريبة ببياض البيض فقط من غير الصفار لكن انا بعملها بالبيضة كاملة و التجربة خير برهان
04-06-1426 هـ, 11:24 صباحاً
 
صباح الخير يا دندددون

عاملة اية حبيبتى ؟؟

نانى ازيك .

صباح الخير لكل الشيفات هنا..
04-06-1426 هـ, 11:29 صباحاً
 
عزيزتي دون
شكرا يا دون .. فعلا نسيت أكتب مقدار الزبده .. ( لكن أضفت المقدار للوصفه )
نودي . هناك عدة طرق للشاورمه .. وجميعها لذيذه .. أنا أعتبرها أسرع طبق في عمله .. تسلم إيديكي ..
مقاديرك في عمل الغريبه مختلفه تماما عن مقاديري .. بإذن الله أجرب طريقتك
وأكيد حلوه زيك .. تسلم إيديكي
04-06-1426 هـ, 11:38 صباحاً
 


الساعة الآن 01:58 .