ام باسل*
ام باسل*
جزاك الله خيرا يا هبهوبه
اينا انا بحب الاتنين اكتبى انا بعمل ملف
من الاكلات دى
دووون عندى ليكى اقتراح افتحي لينا ملف عن اكلات الاطفال موش النونو لا من 2 وطالع اكل صحى فطوور عشاء --عصائر--مقرمشات
بسكوتات محشيه وساده
مثلجات
يعنى استغنى غن حلويات الشارع اللى مجننا العيال
وبنبعد بقى عن المواد الحافظه اللى موجوده فيها واللى دكتوووور الحساسيه اكد لى ان اى شيء معلب بيثير الحساسيه عن الاطفال
وبما انك خبيره الله اكبر اسند اليكى تنفيذ الفكره
مستنيه يا جميل ملفك الجديد
ام باسل
أم العلاء
أم العلاء
على فكره يا دوون ان عملت البسبوسه بتاعتك وبصراحه زوجى بيقولى ايوه كده بعد عشر سنين بتجربى فينا اخيرا اتعلمتى مقلتش بقى انها من عند ابله دون انا فاشله فى الكيكه العيال بيتجننوا عليها وانا بصراحه موش بعرف اعملها دى تانى حاجه عايزه اتعلمها اوكى يا جميل وكمان لو سمحتى البطاطس المحشيه لحمه مفرومه حاجه انتى بتعمليه ومجرباها يعنى اخد منك واطبق على طول وادعيلى يا جميل موضوعك حلو وجزاك الله كل الخير
على فكره يا دوون ان عملت البسبوسه بتاعتك وبصراحه زوجى بيقولى ايوه كده بعد عشر سنين بتجربى فينا...
تسلموا و تسلم يداتكن يا الغاليات يا بنات مصر الغالية
و لا يسعني إلا أن أقول
la rosa
la rosa
اينا انتى بتعملى كوسة بشاميل حلوة؟ وانا كمان بصرة يا ستى
مش ملاحظة ان بصراتنا كترت؟ وبعدين هنتحسد كده
don
don
على فكره يا دوون ان عملت البسبوسه بتاعتك وبصراحه زوجى بيقولى ايوه كده بعد عشر سنين بتجربى فينا اخيرا اتعلمتى مقلتش بقى انها من عند ابله دون انا فاشله فى الكيكه العيال بيتجننوا عليها وانا بصراحه موش بعرف اعملها دى تانى حاجه عايزه اتعلمها اوكى يا جميل وكمان لو سمحتى البطاطس المحشيه لحمه مفرومه حاجه انتى بتعمليه ومجرباها يعنى اخد منك واطبق على طول وادعيلى يا جميل موضوعك حلو وجزاك الله كل الخير
على فكره يا دوون ان عملت البسبوسه بتاعتك وبصراحه زوجى بيقولى ايوه كده بعد عشر سنين بتجربى فينا...
كلك زوق يا ام العلاء و انتى كمان غالية على بنات مصر :)
ام باسل بما انك مبتدئة فى الكيك يبقى استعملى طريقتى لحد ما تتمكنى بأذن اللة .
حنستخدم ميزان المطبخ و ياريت لو يكون عندك فهو لاغنى عنة فى المطبخ و خصوصا فى حلويات العيد
( يوجد للكيك حلة مدورة مخرومة من النص اسمها فورمة دى مقدار البيض بتاعها 5 بيضات __ ويوجد قالب طويل استنلس او تيفال او من الفويل بيتباع فى اى سوبر ماركت وهو شبه قالب التوست والصغير بياخد 3 بيضات و الكبير بياخد 4 بيضات . انابعمل ال 3 قوالب الكبار بياخدو نص كيلو ذبدة
اول حاجة تعمليها تشوفى انتى حتعملى الكيكة فى اية ؟؟؟ مثلا فى قالب واحد كبير وانتى خلاص عارفة انه بياخد 4 بيضات
يبقى تجيبى ال4 بيضات توزنيهم و شوفى طلعو كام؟؟ مثلا 200 جرام تجيبى الذبدة برضة توزنى نفس الوزن 200 جرام وتوزنى نفس الوزن سكر 200 جرام و هكذا مع الدقيق تمام ؟ وملعقة صغيرة فانيليا و ملعقة بيكنج بودر بتدهنى القالب سمن و ترشى رشة دقيق وبعدين تكبى باقى الدقيق الذيادة وكدة يبقى القالب جاهز لصب العجينة فية ( الكيكة ) لعمل 3قوالب كيك طويلة.
1/2 كيلو ذبدة _ 1/2 كيلو بيض _1/2 كيلو سكر _1/2 كيلو دقيق 2ملعقة صغيرة فانيليا _او 2كيس .كيس بيكنج بودر
الطريقة فى الخلاط اضربى الذبدة كويس قوى حوالى 5 دقائق
ضعى السكر على الذبدة و اضربى لحد ماتلاقيها بقيت خفيفة و هشة
ضعى عليهم البيض واحدة لحد ماتختفى و بعدين نضع التانية وهذا لحد اخر بيضة نضع معاها الفانيليا لحد ما تلاقى العجينة ما شاءالله تخنت و زادت
اطفى الخلاط ضعى البيكنج بودر على الدقيق و حطية شوية شوية على العجينة و يكون الخلط بالراحة قوى و فى اتجاة واحد فقط
صبى العجينة فى القالب المدهون الى 3/4 القالب وتكونى مولعة الفرن قبلها ب5 دقائق تضعى القوالب ولاتفتحى عليها قبل 10 دقائق على حرارة متوسطة لحد ماتلاقيها عليت و مسكت و استوت طبعا بطرف السكينة
خرجيها و اقلبيها على منخل سلك و سيبى القالب فوقها لحد ماتبرد
طريقة حفظ الكيكة ؛ قطعى قالب للاستخدام فى علبة بلاستيك
باقى القوالب لفى كل قالب لوحدة بالفويل و ضعية فى الفريزر و عند الطلب علية خرجية من الفريزر قبلها بساعتين حيكون كأنك لسة عملاة
هبهوبة
هبهوبة
السلام عليكم
دون تسلم أيدك على الكيك اللى شكلهاحلو قوى دى وفكرتينى بحاجات أخبرها لأم باسل
الكيك لا تأخذ أكثر من ثلثى أرتفاع الصينية ولو كيك أسفنجى وعايزة يكون عالى جدا صغرى القالب يعنى بدلالصينية ما تكون مقاس 30 لا خليها 24 بس يكون سورها عالى يعنى لما تشترى أو لو عندك صينية للكيك وبالذات الأسفنجى اللى بيتذوق تكون صغيرة ولكن سورها عالى على أد ما تقدرى وحتلاقى الكيك تتقطع 4 أدوار ومع الكريمة الكثيفة مش حينفع تفتحى فمك عشان تدخلى قطعة الكيك من علو أرتفاعها وده أكبر دليل على نجاحها. يعنى مش مهم الكيك يكون عريض وكيكة كبيرة بالعرض وأرتفاع على أده لا المهم العلو حتى ولو تعملى صينيتين.
أختكم هبهوبة :27: