ربنا يخليكي يا دون يارب
انا اللي اكلتها كانت (بتهيألي كدا) لحمة من برا و الحشوه جوه بس في فراغ كتيير يعني في هوا ازاي معرفش وكان فيها صنوبر
عموما" انا هتجنن عليها من ساعة مااكلتها ان شاء الله اعملها في الويك اند واقولك ويارب متفكش
اقتباس مشاركة  (tamatiaa)
ربنا يخليكي يا دون يارب
انا اللي اكلتها كانت (بتهيألي كدا) لحمة من برا و الحشوه جوه بس في فراغ كتيير يعني في هوا ازاي معرفش وكان فيها صنوبر
عموما" انا هتجنن عليها من ساعة مااكلتها ان شاء الله اعملها في الويك اند واقولك ويارب متفكش
بصى يا تماتيا هى بتبقى اصلا المفروض انها مفرغة من جوة عشان كدة بقولك ما تخليهاش تخينة من جوة يعنى المفروض يكون العصاج بيتحرك جواها ( بيلعب )شوفى هاتى حتة العجينة و كوريها و حطيها فى ايدك الشمال و بصباعك بتاع ايدك اليمين دخلية واعملى كأنك بتقورى وافضلى قورى يعنى رققى على قد ما تقدرى لحد ما تلاقيها بقيت فى ايدك كأنها بيضة مسلوقة متشال منها البياض بس ارفع .اتمنى تكونى فهمانى يا تماتيا لحسن طريقة الشرح بالكتابة صعبة قوى ببقى نفسى افهمكم بأى طريقة
نوودى و رواء الاسلام طلبكم علية الدور بس سامحونى والله عشان النت





و لايهمك يا دون خدي راحتك و ربنا يهديلك الكمبيوتر بتاعك
البيض الاسكتلندى

كيلو لحمة مفرومة
5 بيضات مسلوقين جامد
بصلة كبيرة مبشورة
نص حزمة بقدونس مغسولة و مفرومة
ملح – فلفل – دقيق – بقسماط ناعم – بيضة مضروبة بالشوكة
الطريقة
نخلط اللحمة بالبصلة بالملح بالفلفل بالبقدونس و نخلطهم كويس زى ما بنعمل عجينة الكفتة
بعد ما نسلق البيض كويس و نقشرة طبعا و ننشفة من اى ماء و ندحرجة فى الدقيق
نجيب اللحمة و ناخد قطعة حلوة و نحاول بأدينا كويس نغطى البيضة خالص بالضغط كويس قوى على اللحمة
وبعدين نحطها فى الدقيق و نضغط برضة بأيدنا كويس و بعدين نحطها فى البيض المضروب وبعدين نحطها فى البقسماط الناعم ونحمرها فى الزيت الغزيرو بالهنا و الشفا
( 2 ) ممكن بعد ما تغطى البيضة المسلوقة باللحمة كويس قوى
تجيبى قطعة ورقة فويل و تدهنيها بالفرشاة بالزيت وتحطى فيها كورة اللحمة المفرومة و تقفليها كويس و تكملى باقى المقدار بنفس الطريقة و تحطيهم فى صينية فى الفرن لحد مايستووا يعنى ابقى افتحى واحدة بعد 1/3 ساعة وانتى حتعرفى بالتقريب باقى على سويها قد اية ؟ وبعد ما تستوى شيليهم من الورق الفويل وحطيهم تانى يحمروا و بالهنا و الشفا





أهلا دون
طريقة ومقادير الكبه جميله جدا يا دينا .. تسلم إيديكي يارب ..
والله أنا حاسه بيكي وقت الشرح .. حاجه مش سهله ..
يمكن أنا ما عنديش الصبر إللي أعرف أشرح بيه زيك .. ربنا يكرمك يا رب
عندي بعض نقط حبيت أضيفها
نقع البرغل أفضل في ماء بارد .. ويصفي ويفرم مع البصل مرتين علي الأقل
ثم ندعكه باليد مع إضافة القليل من الماء البارد..
ثم نضيف اللحم وندعك باليد حتي نحصل علي عجينه متماسكه وطريه
للحصول علي كبه مقليه مقرمشه نضغ لكل كيلو برغل .. ربع كيلو لحم مفروم
ولا نفرم اللحمه مع البرغل بل نعجنها معه فقط ( ممكن إستخدام الكبه )
في الكبه الصينيه نضع مع كيلو البرغل .. كيلو لحمه مفرومه حمراء والعصاج لا نضع عليه بصل .. بل نقلي اللحم مع قطعه من السمن وعليها البهارات والملح وبعد فردها في الصينيه والحشو بداخلها نضغط عليها بباطن اليد المبلله بالماء لنلصق الحشو بالعجينه .. ونقطعها علي الوجه وليس بعمق ثم نضع سمن علي الصينيه..
في الكبه المشويه لكل كيلو لحم مفروم مع قطعه صغيره من الدهن نضع كوب ونصف برغل . ..ولتشكيلها أعملها مفرغه من الداخل وبدون حشو .. وأشويها .
ملحوظه أخيره ..
عند طلب اللحم من الجزار أطلب فرمه ثلات مرات لعجينة الكبيبه
وللعصاج أطلب لحم مفروم مرة واحده ( دور واحد في المفرمه )


الساعة الآن 12:19 .