أهلا أم حبيبه
الكبه ليها وصفات كتيره وكمية اللحمه للبرغل دي راجعه للتذوق الشخصي
إضافة البطاطس المسلوقه أو السميد أو الدقيق ..كتير بيعملوها .. أما بالنسبه لي لا أفضلها
الكبه المقليه علشان تقرمش .. أنقص اللحمه فلكل كيلو برغل أضيف له ربع كيلو لحمه .. ولا أفرم اللحمه مع البرغل بل أعجنها معه ..
ووقت القلي مهم بأن يكون الزيت ساخن .. ولو كانت الكبه بالفريزر .. أضعها في الزيت وهي مجمده .. يعني من الفريزر للزيت السخن علي طول .. كده تحتفظ بالقرمشه .. ووقت تشكيل الكبه زي ما شرحت دون أقورها جامد .. وأرفعها وأصبعي مبلول بميه ساقعه .. وعلشان تلق من جواها المفروض ما أملاهاش عصاج ..
فيه كمان كبة الفقراء .. بتتعمل بدون أي لحمه خالص وتتحشي بصل تر****ت ومحمر في الزيت ويكون لونه علي بني ويتحط معاه زبيب .. تعرفي طعمها حلو ..
05-06-1426 هـ, 08:30 صباحاً
 
السلام عليكم و رحمة الله و بركاته

صباح الفل عليكم جميعا

تسلم ايديكي يا دندون ربنا ما يحرمنا منك يا جميل و شكرا يا ناني على الاضافة الجميلة بتاعة التقديم. بجد يا جماعة ربنا يكرمكم و جزاكم الله خيرا على تعبكم معانا

و على فكرة يا دون، براحتك خالص يا جميل، احنا لما بنسألك عن حاجة بنبقى عاوزين نتعلم منك يعني خدي راحتك و مش لازم تحطي الحاجة فورا بعد كلامنا. الله يعينك و يكرمك
05-06-1426 هـ, 09:48 صباحاً
 
دينا زعلانة منك علشان مردتيش على رسالتى فى الخاص و انت و نانى مقولتوليش على افكار للتزيين
على فكرة بقترح نفتح جزء تانى علشان الملف كبر اوى
05-06-1426 هـ, 10:04 صباحاً
 
كيكة الاناناس

5 بيضات – كوب سكر – نص كوب زبدة – كوب وربع دقيق – معلقة بيكنج بودر – نص كوب عصير اناناس - نص معلقة صغيرة فانيليا – علبة كمبوت اناناس – نقطة اسانس اناناس (اختيارى)– عشر حبات كرز منزوع البزرة
كراميل ( كما شرحناة سابقا )

الطريقة
نجهز الكراميل ونضعة فى الصينية
صفى علبة الكمبوت تماما من العصير بالمصفاة و افصلى كل واحد لوحدة
ضعى شرائح الاناناس فى قاع الصينية فى الكراميل بأى شكل تحبية
( يعنى ممكن تحطيهم جنب بعض داير ما يدور و ممكن تحطى طرف كل واحدة على طرف اللى قبلها وممكن تقسمى شريحة الاناناس نصين و تلعبى بالشكل اللى انتى عوزاة و تضعى داخل كل انانساية واحدة كريز )
جهزى الكيكة بالطريقة العادية وسبق وشرحناها
اضربى الزبدة كويس ثم ضعى عليها السكر و اضربى كويس لحد ما تبقى هشة ضعى البيض و الفانيليا و اضربى كويس لحد ما تتخن العجينة
ضعى البيكنج بودر على الدقيق ثم ضيفى الدقيق للعجينة واحدة واحدةبالتبادل مع عصير الاناناس يعنى شوية دقيق و بعدين شوية عصير و هكزا
تصب العجينة فى الصينية المجهزة بالكراميل و الاناناس
تدخل فرن متوسط الحرارة تقريبا حوالى نص ساعة و بعد ما تخرج اقلبيها وممكن تسقيها خفيف بمعلقتين عصير اناناس وبالهنا و الشفا
05-06-1426 هـ, 10:11 صباحاً
 
صباح الفل يا نوودى و وزووزتى انا مقدرش على زعلك يا وزووزة ححلف تانى واقولك انا بكتبلكم اليومين دول بصعوبة لن تتخيليها لان العطل من السنترال الرئيسى وتصليحة بياخد وقت والله انتى لو تعرفى انى مقصرة فى البيت بسبب انى قاعدة بس استنى الفرج انى الاقى علامة النت شغالة عشان الحق ارد عليكم عموما انا حدخل على الرسايل حالا وارد عليكى و على منى برضة تلاقيها زعلانة منى
05-06-1426 هـ, 10:17 صباحاً
 


الساعة الآن 10:32 .