مربى الفراولة

كيلو فراولة
كيلو سكر
معلقة كبيرة عصير ليمون
الطريقة
نغسل الفراولة كويس ونشيل الراس الخضراء
اما نخلى الفراولة صحيحة او نقطع الواحدة اتنين ازا كانت كبيرة
نضع الفراولة ورشة من السكر ونخلطهم و نسيبهم لمدة يوم فى الثلاجة( يعنى من بليل)
حنلاقى الفراولة نزلت مايتها
بالكبشة نشيل الفراولة من عصيرها
نضع العصير دة مع السكر كله مع نص كوب ماء فى حلة على نار هادية مع التقليب علشان السكر يزوب
ولما يبتدى السكر يعقد اروح حطة الفراولة عليهم وافضل اقلب لحد ما تقرب تستوى
نضع عصير الليمون ونعلى النار ونسيبة لحد ما يغلى غلوتين ونطفى النار
تشيلى بالمعلقة اول باول الريم اللى بيظهر على الوش
( ازاى تعرفى ان المربى استوت؟)
نضع معلقة مربى على طبق صغير ناشف وسيبيها شوية تبرد ازا لاحظتى ان المربى فضلت ماسكة نفسها فى الطبق وما سالتش منه يبقى استوت وازا العكس تبقى لسة
تقريبا حتاخد سوى حوالى بالكتير نص ساعة
نضع المربى وهى ساخنة فى البرطمانات النظيفة و الجافة من الماء و بالهنا و الشفا





مربى المشمش

كيلو مشمش
كيلو سكر
معلقة كبيرة عصير ليمون
الطريقة
نغسل المشمش ونشيل البزرة
نضع المشمش و رشة من السكر و نخلطهم و نسيبهم لمدة يوم فى الثلاجة ( يعنى من بليل )
نضع المشمش في حله وعليه ماء يكفي لتغطيته و نسيبة يغلى علي النار حوالي ربع ساعه
تشيلى بالمعلقة اول باول الريم اللى بيظهر على الوش
ثم نرفع المشمش بالكبشة من الماء.. ونضع في الماء السكر علي النار لغاية ما يتركز يعنى يتقل شويه بعد كده نضع المشمش تاني فى الحلة
نضع عصير الليمون عليهم
نسيب المربي علي النار غلوتين و لو استوت بنفس الطريقة نطفى النار

اتركها لحد ما تبرد و اضعها فى البرطمانات فى الثلاجة و بالهنا و الشفا





مربى البلح الاحمر

100 بلحة
كيلو سكر
4 كوب ماء
قرنفل - سرة شاش فيها قرفة
الطريقة
نقشر البلح و نغسله
نضعه فى حلة بها ماء تغطية لحد ما يستوى نص سوى
اطفى النار واشيل البلح من الماء مع الاحتفاظ بالماء و اتركه لحد ما يبرد
اطلع النواة من البلح بعود كبريت او اى حاجة رفيعه (امسك البلحة بأيدى وبأيدى التانية امسك عود الكبريت و ادخلة فى البلحة من الاسفل و ازق النواة حتلاقيها طلعت من عند الراس او العكس
اضع ماء السلق فى الحلة على النار و لكن لو لاحظتى ان الماء اقل من 4 أكواب اكملهم بماء عادى تانى
اضع السكر على الماء الى ان يزوب
اضع البلح فى الحلة مع الماء بالسكر و اضع معاة كام واحدة قرنفل و شاشة فيها شوية القرفة )
اترك البلح لحد ما يقرب ينضج اضع عصير ليمونة كبيرة او ليمونتين وسط و يا دوب غلوة
و اطفى النار على طول
اتركها لحد ما تبرد و اضعها فى البرطمانات فى الثلاجة و بالهنا و الشفا
ملحوظة : ممكن بعد ما تشيلى النواة تضعى بدالها لوزة و واحدة قرنفل يعنى كأنك بتحشىالبلح
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
ملحوظة لمربى البلح
كل 25 بلحة ........... 1/4 كيلو سكر ........كوب ماء
كل 50 بلحة ...........1/2 كيلو سكر .......2 كوب ماء
كل 100 بلحة .........كيلو سكر ............4 كوب ماء





مربى البلح الاصفر

100 بلحة

كيلو و ربع سكر

4 كوب ماء

قرنفل – سرة شاش فيها قرفة

الطريقة

نفس طريقة البلح الاحمر
و بالهنا و الشفا





تسلم ايدك يا دندوون شكلةكدة ها يبقى ملف تماااااااااااااااااااااااام

************MoOnty**********


الساعة الآن 01:39 .