مربى التين

كيلو تين برشومى
كيلو سكر
عصير ليمونتين
4 باكو يانسون ( اللى بيبقى عامل زى ال tea bags
الطريقة
يغسل التين و يقشر
ارش علية رشة سكر و اتركه لحد الصبح فى الثلاجة
نضع التين في حله وعليه ماء يكفي لتغطيته و نسيبة يغلى علي النار حوالي ربع ساعه
تشيلى بالمعلقة اول باول الريم اللى بيظهر على الوش
ثم نرفع التين بالكبشة من الماء ونضع في الماء السكر علي النار مع وضع اكياس اليانسون لغاية ما يتركز يعنى يتقل شويه بعد كده نضع التين تاني فى الحلة
نضع عصير الليمون عليهم
نسيب المربي علي النار غلوتين و لو استوت بنفس الطريقة نطفى النار و نشيل اكياس اليانسون من المربى

اتركها لحد ما تبرد و اضعها فى البرطمانات فى الثلاجة و بالهنا و الشفا





مربى الخوخ

كيلو خوخ
1/2 كيلو سكر
معلقة كبيرة عصير ليمون
الطريقة
اغسل الخوخ و افتح كل خوخة نصفين
اقطعة شرائح و ارشه بشوية سكر و واضعة فى الثلاجة للصبح
نضع الخوخ في حله وعليه ماء يكفي لتغطيته.. و نسيبة يغلى علي النار حوالي ربع ساعه
تشيلى بالمعلقة اول باول الريم اللى بيظهر على الوش
ثم نرفع الخوخ بالكبشة من الماء ونضع في شوية ماء صغيرين قوى السكر علي النار لغاية ما يتركز يعنى يتقل شويه بعد كده نضع الخوخ تانى فىالحلة
نضع عصير الليمون عليهم
نسيب المربي علي النار غلوتين و لو استوت بنفس الطريقة نطفى النار
اتركها لحد ما تبرد و اضعها فى البرطمانات





تسلمى يا مووتى انا قلت اكتبهم لكم وراء بعض احسن و نخلص من المربى بس اتمنى انكم تعملوها لانها سهلة و بتنفع فى البيت سواء الاكل او الحاجات الحلوة و بالهنا و الشفا





..

مبروك يا دون يا حبيبتى الجزء التانى وان شاء الله يبقى جزء فى منتهى الجمال والنجاح

مستنيين ابداعاتك يا قمر




ربنا لا تؤاخذنا ان نسينا او اخطانا
اللهم استرنى فوق الأرض وتحت الأرض ويوم العرض عليك
آمين
اة نفسي اتشطر كدة واعمل كل اللي انكتب لحد النهردة


الساعة الآن 12:29 .