السلام عليكم و رحمة الله و بركاته

حبيبتي دندونة، الف الف مبروك الجزء الجديد، يتربى في عزنا كلنا يا رب!!!! على فكرة بقى، تعرفي قضيت يومي في البيت باعمل ايه امبارح؟؟؟ مش حتصدقي!!!! قعدت انقل كل الاكلات اللي طبعتها من ملفك لاني عملت لها كشكول خاص بيها قسم للحلويات و قسم للاطباق الرئيسية حتى وسوسة ظبتني متلبسة لما اتصلت بيا و لقتني قاعدة انقل الاكلات ههههههههههههه

ربنا يخليكي لينا انتي و ناني و كل الشيفات الحلوات اللي عندنا هنا

سؤال يا دوندون، هو ايه المنين ده بالظبط؟؟ نوع من البقسماط يعني؟؟ انا سألت وسوسة و قالت لي ده اللي بيبقى جواه عجوة و بنجيبه من الفرن بس انتي لما عملتيه كان سادة من غير عجوة و بصراحة انا اسمه كنت اول مرة اسمعه عندكم في الملف

عندي خطة في دماغي عشان اكل بكرة يا دندونة و اذا نفذتها حاجي احكيلك يوم السبت ان شاء الله و افرحك بشطارتي>>>>>> ربنا يستر!

و ماشي يا موووتي، بقى انا باقلدك؟؟؟ طيب لما اشوفك بس!!
07-06-1426 هـ, 09:24 صباحاً
 
حمد الله عالسلامة يا نوودى يا قلادة ... المنين دة زى ما قالتلك وزووزا اللى بنجيبة من الفرن فية ناس بتاكله دايما مع الشاى وهو اما سادة او بالعجوة و هو من انواع القراقيش لازم تشوفى شكلة الاول فى الفرن قبل ما تعملية علشان تبقى عرفاة واللى معمول زيه بالعجوة اسمه كعب الغزال وانا حكتبلك نوع قراقيش او فطير بالعجوة

لاروز .. اية يا عم النشاط دة ؟؟ انتى كدة عوزاها اكلة نواشف ؟ ممكن تعملى فراخ مشوية او كباب حلة و ممكن تستغلى انك سلقة فراخ للجلاش و تعملى كفتة فراخ بباقى الفرخة اصل انتى عاملة التومية بس حتاكليها بأية ؟ عشان كدة بقولك اعملى فراخ مشوية او كفتة مشوية .
07-06-1426 هـ, 09:52 صباحاً
 
قراقيش بالعجوة

كيلو دقيق _3/1 1 (برطمان صلصة فاضى ) سمنة سايحة
سمسم _ زرة ملح _ عجوة _ملعقة كبيرة خميرة بيرة او فورية او قطعة خميرة بيرة قد اليوسفى الصغيرة
1/2 ك لبن
الطريقة :
يقدح السمن على النار
نضع الدقيق و زرة الملح فى طبق بلاستيك غويط
نصب عليهم السمنة اللى قدحناها و بالراحة بالمعلقة المقصوصة نحركهم مع بعض لحد ما تحسى ان العجينة بردت شوية و بقت حرارتها محتملة لايدك ابدئى اعجنى بأيدك كويس قوى ( الخطوة دى اللى بنسميها بسى العجينة كويس )يعنى تفضلى تدعكى العجينة كويس بين ايديكى الاتنين
ضعى الخميرة فى كوب مع شوية لبن دافىء و قلبيها لحد ما تدوبيها كويس
ضعى الخميرة المزابة فى اللبن على الدقيق ثم نبدأ العجن باللبن كويس جدا
((( كل ما نعجن اكتر تنجح معانا القراقيش اكتر )))
حتتكون عندك عجينة متماسكة و سابت جوانب الطبق غطيها و سيبيها
نحضر العجوة : نشيل النوى و نفرم العجوة بحتة سمنة ثم نكورها كور صغيرة
نجيب العجينة و ناخد منها قطع قد اليوسفى و نكورها و نعمل فيها فتحة فى النص و نحط فيها كورة العجوة و نكورها و نقفلها كويس تانى و نبطط بأيدنا و نرصصهم فى الصاج او الصينية و نتركهم شوية يخمروا ندخل الصينية الفرن لحد ما يستوى و بعد ما يطلع و يبرد ممكن وضعة فى علبة بلاستيك و بالهنا و الشفا
07-06-1426 هـ, 09:58 صباحاً
 
بعض الملاحظات البسيطة:: لازم وانتى بتعملى اى نوع من أنواع البسكوتات أو الفطاير أو الكحك . تخلى بالك من الدقيق قوى لان انواع الدقيق بتختلف عن بعض فية نوع يشرب السمنة كلها و فية نوع بيسموة ( بينكر السمنة )يعنى و انتى بتعملى العجينة تلاقى سمنة عمالة تنزل منها و تلاقى الطبق كلة سمنة .. علشان كدة و انتى بتدعكى و بتلمى العجينة بأيدك مش لازم تتأيدى بكمية السمنة المكتوبة ممكن تبقى مظبوطة و ممكن تزودى دقيق من عندك و ممكن تقللى عن المقدار طالما انك شوفتى العجينة اتلمت
و ضرورى تخلى بالك من الفرن.. يعنى الكيك فى الاول بنعلى علية لحد ما الحرارة ترفع العجينة و بعد كدة بنوطى شوية لكن البسكوتات لازم تخلى بالك من درجة الحرارة علشان لو عالية البسكوت حينشف و يحمر من تحت
تانى حاجة بالنسبة للمأكولات ( الطبيخ و اللحوم ...الخ) مش تفضلى تحطى اى نوع بهارات و خلاص ؟؟ و تلاقى النتيجة فى الاخر ان طعم الاكلة الاصلية ضاع من البهارات اللى محطوطة و ملهاش علاقة بالآكلة يعنى بلاقى حد بيحط الكارى و السماق و الزعتر و المستردة على أكل وهو مش مطلوب وضعة فا بالتالى النكهة اللى بتحطيها بتغطى على طعم الاكلة نفسها ...معلش دى ملاحظات سريعة لاحظتها و ضرورية
07-06-1426 هـ, 10:28 صباحاً
 
تسلم ايدك يا دون و شكرا لملاحظاتك القيمة ده
07-06-1426 هـ, 10:33 صباحاً
 


الساعة الآن 01:22 .