Analysis Services
يا حبيبتى تسلمى يا رواء
07-06-1426 هـ, 10:35 صباحاً
 
الله يسلمك يا حبيبة قلبي، و متشكرة اوي اوي على القراقيش و على ملاحظاتك القيمة، ربنا يخليكي لينا و ميحرمناش من جمايلك اللي مغرقانا دي يا جميل

دندون بعد ما تخلصي المربات و الكحك و الكلام ده، ممكن شوية مخللات؟؟ خصوصا الليمون المعصفر و الليمون المسلوق و البصل كمان. معلش يا جميل طماعين اوي مش كده؟؟؟

جزاكي الله خيرا و جعله في ميزان حسناتك
07-06-1426 هـ, 10:59 صباحاً
 
السلام عليكم جميعا

ايه الحلاوة والجمال دة كلة ماشاء الله تسلم الايادي

يارب دائما متجمعين علي خير
الغالية دون ممكن طلب صغنون
عايزة اعرف طريقة الفطير اللي بيترش عليه سكر بودرة زي اللي بيعمله الفطاطري
معلهش هتعبك .
نفس اعمله لبنتي بدل ماشتريه من برة .

ولك جزيل الشكر ...
07-06-1426 هـ, 03:03 مساءً
 
الاخت العزيزة natally شكرا ليكى.. وربنا يخليلك بنوتك يارب . بالنسبة للفطير المشلتت احنا كنا كتبناه فى الجزء الاول بتاعنا (اللى فى توقيعى ) وعموما انا حنزله ليكى تانى ووراه على طول حكتبلك نص المقدار اللى تقدرى تعملى بيه الفطيرة اللى بالسكر الصغيرة و حتختلف عنها بس فى طريقة التطبيق و بنعمل الفطير بالسكر برضة بطريقة عجينة تانية اسمها عجينة البغاشة بتبقى حلوة قوى فى الفطيرة دى و حكتبهالك برضة

Noody30 حاضر يا نوودى
07-06-1426 هـ, 08:50 مساءً
 
الفطير المشلتت نانى

المقادير
-كيلودقيق

-
نصف كيلو سمن سايح

-
ماء دافئ للعجن

-
ملعقه صغيره ملح

-
حوالي نصف كوب زيت ذره لمسح وفرد العجين

الطريقة:

نعجن الدقيق بالماء والملح حتي تتكون لدينا عجينه تنفصل عن إناء العجن و طريه لتكون سهلة الفردبالنشابه و نتركها ساعه لترتاح

ندعك العجينه مرة أخري ونقسمها لعشرين قطعه مستديره وندهنها بزيت الذره ونضعها في صينيه بها زيت ونتركها ساعه ليسهل فردها

وقت تجهيز الفطيره ندهن الطاوله بالزيت ونفرد قطعه من العجين لدرجه رقيقه وشفافه جداونمطها من الحواف ونضعها في صينية الخبز ونرشها بالسمن ونفرد قطعه أخريونضعها فوق الأولي وندهنها أيضا بالسمن وهكذا حتي عشر قطع للفطيره الواحده وكل مرهنرش السمن.. ثم نطوي الأركان الأربعه للفطيره للداخل فتشكل مربع نلفه كالسويسرول ونتركه حتي نعمل الفطيره الثانيه بنفس الطريقه

في صينية الخبز نفرد الفطيره باليد ونبططها بشكل مستدير

نخبز في فرن ساخن علي درجة400في الرف الأوسط حوالي نصف ساعة ثم نخرجها وندهن الوجه بالكريمه اللباني (القشده ) ونعيدها لتحمير الوجه

تؤكل مع الجبنه وعسل النحل والقشده والبيض المسلوق وبالهنا

ممكن خلط السمنه بزيت ذره لتكون فطيره قليلة الدسم
07-06-1426 هـ, 08:54 مساءً
 


الساعة الآن 01:13 .