الاخت مروه انا عملت الباسطه فلورا بتاعه دن وكانت رائعه بس التزمت بالملحوظه اللي هي كتباها بعدم وضع الدقيق كله ولكن حسب نعومه العجينه بمعني لازم تكون ناعمه مش خشنه اوي ذلك بعدم اضافه كل الدقيق
صباح الخير يا دون
اول مره تعمليها كنت اول حاجه الصبح تعملها ابص على صفحتكلقيتك ما دخلتيش والساعه بقت 2 اهى
ايه ده كله هو الخميس ممتد للسبت؟

انا كمان عملت البسطا فلورا وخالى تقريبا قضى على الصينيه وبنت عمى اخذت الطريقه بس ما اعرفش عملت ايه بيها انا حطيت زبده وبيتهيالى انه لازم زبد - مش كده يا دون ولا ابتديت اخرف - لان السمن فيه ماء

نانى انتى فين بقى؟

عايزه اسئلك على الكبه المشويه اعجنها بالبرغل وافرمها فى الماكينه او عند الجزار - انعمها يعنى - ولا اضيفه واعجنها بايدى. وكمان لو سمحتى يعنى ما تغبيش عننا زمان الخاص بتاعك انتى ودون مليان رايح جاى وسايبنا احنا هنا نهوى

مشكرين
ام الهنا

شكرا يا قمر بس انا نزلت الدقيق شويو شوية برضة يمكن كتروة؟؟؟؟؟مش عارفة

تماتيا :_

الف هنا وشفا انا معملتش حاجة تستهلك اصلا دى كانت حاجات بسيطة
مش معقوله يا دينا ؟؟!

يا رب يكون المانع خير يا قلبى
قبل اى حاجة عيزاكم تخدوها قاعدة ثابتة don مظهرتش يبقى النت عطلان اتفقنا ؟؟؟؟؟؟؟؟؟؟؟؟؟؟؟

وحشتونى والله وشكرا يا مروة و تماتيا و ام الهنا و هبة ومووتى ولاروز اللى سئلوا عليا منحرمش منكم ابدا ودلوقتى نرد على الاسئلة يا مروة ..زى ام الهنا مقلتلك انى دايما بنبهكم للدقيق طالما ان العجينة اتلمت يعنى سلبت الطبق وناعمة فى ايدك تبطلى ماتخافيش جربيها تانى و برضة حاولى توصلى لنوع دقيق كويس .وبالنسبة لطلبك بتاع الحلويات انتى عاوزة حاجة سريعة ماتدخلش الفرن ؟؟ طيب جربتى البسكوت بالشيكولاتة و سويسرول الشيكولاتة و الفروت سلاط و الجيلى بالكريمة اللى فى الجزء الاول ؟؟
ام الهنا ... شكرا لردك على مروة كويس والله على رأى مووتى ورايا شيفات بس بقوا كبار يا مووتى
لاروز حكتبلك طريقة للتومية زى السوبيا و الشاورما من اسرار المطاعم ومش حتلاقى حد كاتبها ايوة افضلوا انتم جرجرونى وانا اقلكم الاسرار بس بشرط تعمليها وتقوليلى قلتى اية ؟؟
هبة ..كل ده قلق عليا ؟؟ متكنيش بتحبينى وانا مش عارفة ؟؟ بس خلاص انا قلتلكم على اللى فيها
بنت لوله ..انا اسفة اتأخرت عليكى فى الرد بس غظب عنى بالنسبة للقشطة الجاهزة والدبل كريم معتقدش ينفع .وعلى فكرة انا اشطر منك لانى لما رحت لندن وكنت قاعدة فى (كامبرلى )وانا داخلة كنت انا ومامتى واخدين بط وحمام وملوخية وكل الاكل المصرى معانا .يلا اتشجعى وجربى بس لو اتاخد منك مليش دعوة معرفكيش







الساعة الآن 05:53 .