Analysis Services
ايه ده يا ولاد

خطفتوا دون وكمان نانى وهى نايمه طب وانا؟؟
صحيح ما ليش لزمه بس اقعد دلوقتى فى المطبخ لوحدى انش ماليش دعوه انا عايزه حد يخطفنى

طب اكتب كيكه التفاح لمين لما فى بتاع 4 فى السجن واثنين مش عارفين لهم قرار

يالا اكتبها لروحى ما انا بعمل الحاجه واكلها لما اكتب الحاجه واقراها بالمره


كيكه التفاح:

المقادير
2 تفاحه متقشره ومتقطعه مكعبات - 2.5 كوب دقيق - 4/3 كوب سكر - 2/1 باكو بيكنج بودر- 2/1 1 ملعقه شاى قرفه املى الملعقه - 3/2 ملعقه شوربه زبده (اه والله ما تعملوش زى وتخافو من الزبده ) - 2/1 كوب لبن- 2 بيضه


الطريقه :
نخلط الدقيق والقرفه والبيكنج بودر والسكر ونقعد نقلب بالمعلقه لما كله كله يبقى لون واحد ويتوزع كويس اوى نضيف التفاح ويكون متقطع 1 سم * 1 سم ثم نضه الزبد السايح على البن ونضيف البيض ونخلطه بالمضرب السلك نضيف السوائل بقى للدقيق ونقعد نقلب لما كله كله يبقى متجانس جدا

ندهن صنيه بزبده ونصب الخليط طبعا مش هيتفرد لوحده لانه مش سائل حطى فى ايدك شويه لبن وافردى العجينه تماما استعملى صنيه كبيره لان المقدار كبير

الكيكه دى بتقعد فى الفرن ساعه وعشر دقائق


بصوا بقى لو عجبتكم تدعولى انى اعملها فى بيتى - اجوز يعنى - قريب ولو ما عجبتكوش تدعو لى انى اعمل فى بيتى - اجوز برضه - حاجه ثانيه

فى الحالتين الدعاء امانه ما هو انا مش هسيبكم يعنى لا مؤاخذه اكتب ببلاش كده

الاخوات الى فى السجن مش يعرفوا يعملوها يكون احسن برضه لانها بالقرفه وهما اكيد منسجمين اوى من الجو هناك
10-06-1426 هـ, 03:04 مساءً
 
دول عايزين يخطفوكى خطف محبة
هما هيعملوا بيا ايه بس ، انا موافقة بس بشرط اكون معاكم
شوفتى معزتك عندنا انت ونانى قد ايه
ربنا يديكم الصحة
10-06-1426 هـ, 03:04 مساءً
 
طيب يا نوودى و مووتى و عواطف على رأى هبة 3 فى السجن طب انا فين دلوقتى ؟؟؟؟ عايزة أجى اجيبلكم عيش و حلاوة
10-06-1426 هـ, 03:15 مساءً
 
سجن مين؟؟؟ فيه حد قال سجن؟؟!!!!

تسلم ايديكي يا هبة، و يا رب يا رب يا رب يا رب تعمليها في بيت جوزك و تأكليها له باديكي كمان. فكرتها حلوة اوي الكيكة و كمان طريقتها سهلة خالص بس عندي سؤال صغير: مش افضل اننا بعد ما نعجن العجين نحط فيها قطع التفاح؟؟ اصلي مش مستوعبة ازاي حنقدر نعجن الدقيق و المقادير الجافة بالسائل و فيها قطع التفاح، اعتقد العجينة ممكن تكلكع و يكون صعب العجن، و الا ايه رأيك؟؟

و ربنا يرزقك بالزوج الصالح اللي يهنيكي و يسعدك

و في الحالة دي مش حنحتاج نخطفك يا هوبة، بس يمكن الراجل يبعت يطلب مننا نخطفك من باب الرفق بيه مش اكتر!!!!
10-06-1426 هـ, 03:15 مساءً
 
دندونة، انا مستخبية ورا باب المطبخ، و مووتي ورا انبوبة البوتاجاز و عواطف ورا التلاجة، متقلقيش، قاعدين على قلبك يا حبيبتي و من عيوني بما اننا خاطفينك يبقى لازم نأكلك، حاجيبلك ساندويتشات شاورمة و شيش طاووق
10-06-1426 هـ, 03:16 مساءً
 


الساعة الآن 05:17 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏