ماشاء الله عملتو عصابة وخططنو ونفذتو وخطفتوها ورجعتوها وانا قاعده هنا
هبة حمدلله على السلامة من امبارح مستنيين كيكتك لما بطنى لزقت فى ظهرى من الجوع
دون قبل ما تتخطفى ويستغلوكى انا مش ناسية الثوثمة السرية هه انا مش نايمة يا ماما ومصحصحالك
إيه يا جماعه إللي بيحصل .. حتي النت ما بقاش فيه أمان .. عصابات وبمب وخطف ..
والله أسعدتوني في وقت كنت محتاجه ده .. ربنا يسعدكم
تعرفوا والله والله أنا عاوزه أتخطف ..
ومن الصبح ما بطلتش تليفونات أدور علي مكان أهرب له ..
هبه .. إتأخرت عليكي ياماما في طلبك بالنسبه للكبيبه هأكتب لك أنا بأعمل إزاي بالظبط
لاني بأحضر كيلو لحم مفروم مع كيلو برغل .. وأعمل كبيبه للقلي والشوي وصينيه .. سأكتب لك بالتفصيل ..
دون .. ألف مبروك يا حبيبتي نجاح الغالي ويارب دايما تفوق علي طول
تسلمي وتسلم روحك الحلوه يا رب ..
كده برضه يا عواطف إنضميتي للعصابه .. أكيد هأكون في أمان معاكوا ..
ازيكم جميعا ان شاء الله تكونوا بخير معلش دون اتأخرت فى الرد اصل النهاردة حر جدا وويك اند فطلعنا البحر خارج لندن ومن الحر والشمس مقدرناش نكمل اليوم هناك المهم فعلا انا فى بنتى اتوحمت على فراولة ثم الولد مش ثم البنت الاخيرة متوحمتش على حاجة
لولة [
الكبيبه
للقلي والشوي والصينيه
1 كيلو لحم مفروم ناعم ( 3 أدوار بالمفرمه )
1 كيلو برغل
2 بصله متوسطه
1 ملعقه صغيره من كل من فلفل أسود - قرفه - بهار - كمون ونخلطهم
2 ملعقه صغيره ملح
حوالي ربع كيلو لحم مفروم ( خشن ) مقلي بالزبده ومتبل بالملح والفلفل والبهار
بصله كبيره مقطعه بالسكين لقطع صغيره ومقليه بالزيت ( لونها بني فاتح )
صنوبر محمر بالزيت ( إختياري )
شرائح رقيقه من الليه أو الدهن لحشو الكبه المشويه متبله بالبهارات والملح والقرفه

الطريقه
ننقي البرغل ونغسله وننضفه من أي شوائب .. وننقعه في ماء بارد حوالي نص ساعه
نعصره جيدا ونفرده علي فوطه ليتخلص من الماء الزائد
نفرمه بالمفرمه مع البصل ثلاثة أدوار حتي نطمئن بأنه أصبح ناعم جدا
ندعكه باليد كويس
نقسم كيلو اللحم أربعة أربع
نأخذ ربع كيلو لحم مفروم ونعجنه مع البرغل ونكون عجينه
نقسم العجينه ثلاثة أقسام
1 - للقلي ثلث العجينه نضيف عليها بهارات مخلوطه وملح
2 - للشوي ثلث العجينه الثاني نضيف أليها نصف كيلو لحم + بهارات وملح
3 - للصينية ثلث العجينه التالث نضيف إليه ربع كيلو لحم مفروم + بهارات وملح

بالنسبه للكبيبه المقليه
نعجن كبيبة القلي كويس ونضيف القليل من الماء البارد إلي أن تتكون عجينه متماسكه وطريه ليسهل تشكيلها .. ونقسمها قطع في حجم البيضه ..
نرق الكبيبه ونجوفها من الداخل ونحاول نخلي الغلاف رقيق بقدر الإمكان ونحشيها بالبصل واللحم المقليين وممكن الصنوبر أيضا .. المهم يكون حشو قليل أي حوالي نصف الفراغ داخل الكبه .. بعد الفراغ من تشكيل كل الكميه .. نقليها في زيت ساخن يغطيها أو نحفظها في الفريزر لحين الإستعمال

بالنسبه للكبيبه المشويه
نعجن اللحم مع البرغل .. والنوع ده من الكبيبه اللحمه فيه أكتر من البرغل
للتشكيل نقسم الكميه لقطع في حجم البيضه .. ونرقها دائره ونحشيها بالدهن أوالليه .. ثم نفرد قطعه ثانيه ونضعها علي الأولي ونغلقها جيدا .. وبكده تكون جاهزه للشوي إما في مقلايه تيفال مدهونه بالزيت أو في شواية الفرن أو الأجمل علي الفحم

الكبيبه بالصينيه
ندهن صينيه حرفها واطي بالسمنه ونفرد أقل من نصف العجينه ونبططها لإرتفاع حوالي 1 سم .. نضع اللحم المفروم المقلي والصنوبر .. ثم نفرد باقي العجينه علي كيس نايلون بمقاس صينية الكبيبه .. ونحاول قلبها فوق الصينيه .. أو نفرد قطعه قطعه علي باطن اليد ونحاول بالطريقه دي تغطية الصينيه .. المهم نجهز الصينيه بحيث تكون الطبقه السفلي أقل من العليا .. ونرسم عليها خطوط كالبقلاوه لكن غير عميقه .. ونضع حوالي ملعقتين سمن ونعمل حفره صغيره في وسط الصينيه لتجميع السمن فيها وتوزيعه من القاع
نخبزها .. بعد الخبز نسكب باقي السمن منها ونغطيهاحالا حتي تبقي طريه ..

ممكن بدلا من اليد في العجن نستعمل الكبه
أهلا هبه يارب تكوني عرفتي إزاي الكبه المشويه .. ودايما عند التشكيل بللي إيدك بالماء المثلج في الصيف والماء البارد في الشتاء .. وبألف هنا تاكلوها


الساعة الآن 12:18 .