Analysis Services
ايه المواهب دى كلها ...انا بقى فاشله فى الطبخ جداااااااااا بس احيانا بنجح
ممكن اعرف بقى طريقة الكنافه لان زوجى بيموت فى الحلويات
15-04-1426 هـ, 04:30 صباحاً
 
السلام عليكم
الكنافة الرمضانية
ودى لعيون مشمش وبالهنا والشفا على قلبك وقلب زوجك.....
(ملحوظة)أقرئى الموضوع للأخر عشان طريقة الشربات.
أختك هبهوبة
15-04-1426 هـ, 05:17 صباحاً
 
اقتباس مشاركة  (mishmish)
السلام عليكم
ازيكم كلكم وحشتونى جدا الكمبيوتر عندى كان فيه مشكله وفضلت ازن على اخويا لحد ما صلحة امبارح بس اول ما اتصلح زوجى استولى علية ويادوب لسه عارفة
دون اما انت خدتى شوية دعا يوم الخميس ربنا يجعلة من نصيبك عملت وصفة البسبوسة وزوجى اتجنن عليها وكمان زوج اختى وخلتينى ابوظ الرجيم ليليتها والله زوجى فضل يحلف بالبسبوسة وهجرب الباقى يا عسل
يلا يا enna اعمليها واحدة واحدة و ان شاءالله حتظبط معاكى
بالف هنا و شفاء يا mishmish
15-04-1426 هـ, 08:55 صباحاً
 
بصى يا mishmish لما تيجى تشترى كنافة لازم تبقى عارفة انتى حتعملى اية الاول لان كل طريقة ليها نوع كنافة معين ( يعنى فية كنافة شعر و فيه كنافة برما و فية كنافة عادية ) صينية الكنافة بالمكسرات
عادة الصينية الصغيرة بتاخد نص كيلو كنافة و الوسط بتاخد كيلو الا ربع و الكبيرة كيلو _ كيلو الا ربع كنافة _ كوب سمن او حسب ماتاخد _ مكسرات مضاف لها ملعقة كبيرة سكراو جبنة راكوتا او مهلبية او كستر _ ( الشربات ) 2 كوب سكر _ 1كوب ماء _ نص ليمونة
الطريقة : اما تقطعى الكنافة صغير بأيدك قطع صغيرة .او بالمقص تقصقصيها صغير خالص و دى طريقتى المفضلة . او فى الكبة .
سيحى السمن على النار يعنى يادوب تسيح .وحطى على الكنافة شوية شوية وتدعكيها بأديكى الاتنين لحد ما تحسى ان الكنافة كلها بقيت مبلولة سمنة كدة خلاص ماتحطيش تانى .
ادهنى صينية بالسمن و حطى نص الكنافة ثم ضعى طبقة المكسرات المرغوبة
ثم ضعى باقى الكنافة و اهم حاجة بقى تضغطى بايدك عليها كويس او بغطاء حلة او بطبق ثم وزعى معلقة سمن على الوش
على درجة حرارة متوسطة فى الرف الوسط ضعى الصينية فى الفرن حتى تستوى و يحمر الوجة
بعدخروجها من الفرن تسقى بالشراب البارد
ملحوظة : فى حالة عمل الكنافة بأى نوع حشو غير المكسرات لا يضغط على الوجة حتى لا تخرج المهلبية مثلا من الاجناب و تتحرق و بالهنا و الشفاء
15-04-1426 هـ, 09:31 صباحاً
 
السلام عليكم
دون يا ست الكل دلوقتى انا مش بحب استخدم زبده فى الكيك ممكن تقوليلى استخدم مقابل نصف كيلو زبده قد ايه من زيت الذره وياتره ينفع ولا لا لك تحياتى وجعله الله عز وجل فى ميزان حسناتك
15-04-1426 هـ, 09:34 صباحاً
 


الساعة الآن 04:23 .