11-06-1426 هـ, 03:21 مساءً
 
هبه حبيبتي ..
أنا بأشتري اللحمه مفرومه جاهزه .. وفي البيت أعجنها فقط مع البرغل المفروم
يعني أستعمل المفرمه للبرغل بس ومعاه البصل طبعا ..
وبعد كده أفركهم مع بعض وأعجن ولو محتاجه شوية ميه أحط ها متلجه خالص

أي أكله يا هبه حاولي تعمليها .. أول مره بكميه صغيره .. لغاية ما تتقنيها
أنا دلوقتي حالا عملت أجمل وأسهل توميه .. هأكتبها
نودي .. يارب يخلي لنا روحك الحلوه .. إللي عامله لنا البسمه
عواطف .. مرسيه ياحبيبتي علي ذوقك
11-06-1426 هـ, 03:24 مساءً
 
التوميه
كوب زبادي ( كوب الشاي المج الزجاجي )
بطاطس مسلوقه ( في حجم حوالي 2 بيضه )
ملعقه كبيره مايونيز
ملعقه كبيره زيت ذره
فص توم صغير - رشة ملح - ملعقه صغيره خل
أمزج جميع المكونات في دورق الخلاط .. إلي أن ينعموا تماما
أختبر القوام لو تقيل شويه أضيف زبادي ولو خفيف يبقي محتاج بطاطس
دلوقتي حالا عاملاها وطلعت أخف وأجمل توميه
لو إللي قال لي عليها يعرف إني كتبتها مش هيقول لي أي حاجه أبدا
11-06-1426 هـ, 03:37 مساءً
 
خدي كلينكس يا هبة، مش عاوزين عياط في المطبخ!!!! و بعدين انا مصدقت انهم فكوا و ضحكوا!!! ياللا احنا بننكشك بس، اتنكشي من غير عياط

و انتي يا ناني يا قمر، الحمد لله اننا قدرنا نرسم على وشك بسمة يا جميل و يا رب دايما سعيدة و مبتسمة
11-06-1426 هـ, 03:48 مساءً
 
ميرسى يا ننو كتر خيرك وانا عارفه انى ورايا شيفات خلاص كسرت حاجز الصمت من هنا ورايح هعمل الوصفات الى انتم كاتبينها واى حاجه ان شاء الله جديده هكتبها لكم بس ادعوا لنا ماما تاكل معايا احسن انا بطبخ ونشم الاكل وبعدين نحط الباقى فى الفريزر.
انا نفسى تيجى لنا صفحتنا يا نانو ولو مش يضايقك احكى لنا انتى مضايقه ليه والله الامور بتسهل لما تتقسم على الحبايب

طبعا يا دينا ولا هتيجى جنب الصفحه قبل الساعه 6 ونودى مش عايزانى اعيط؟؟!!
11-06-1426 هـ, 03:58 مساءً
 


الساعة الآن 08:56 .