الكرواسون
4 كوب دقيق + نصف ملعقه صغيره ملح
2 ملعقة كبيره زيت ذره
كوب ماء أو لبن دافئ للعجن
2 بيضه
خميره بيره + ملعقه صغيره سكر + نصف كوب ماء دافئ
من 150 إلي 200 جرام زبده نبردها ونقطعها شرائح رفيعه
الطريقه
ندعك الخميره بالسكر ونضيف لها نصف كوب الماء الدافئ ونتركها تخمر
نفرك الدقيق بالزيت ..
ونعجن بخليط الخميره والبيض المربوب واللبن حتي تتكون عجينه متماسكه
نتركها تخمر وتتضاعف .. ثم نعجنها مرة أخري
نفردها ونوزع شرائح الزبده علي نصف العجينه المفروده ونطوي عليها النصف الآخر
نفرد العجينه وبداخلها الزبده .. ونطبقها ثلاث تطبيقات .. ونضعها في التلاجه لمدة ساعه
نعيد فرد العجينه وتطبيقها ووضعها في التلاجه ثلاث مرات ..
بعد ثالث مره فرد وتطبيق نغطيها ونضعها في التلاجه أكتر من12 ساعه لتبريد الزبده
تاني يوم .. نفرد العجينه ونقطعها مثلثات مناسبه قاعدتها حوالي نصف إرتفاعها ..
نلف المثلث من قاعدته ..في إتجاه رأس المثلث .. ثم نشكل هلال
نرب بيضه مع ملعقة لبن بودره وندهن بها الكرواسون لتحمير الوجه
نتركها تخمر .. ونخبزها
البوري
كوب ونصف دقيق أبيض + نص كوب دقيق أسمر ( ممكن دقيق الذره الناعم )
1 كوب ماء دافئ + رشة ملح
ملعقه كبيره زيت ذره
الطريقه
نخلط الدقيق ونعجنه بالماء والزيت .. عجن جيد
ونشكل من العجينه كور صغيره في حجم كرة البينج بونج
ونترك العجينه ترتاح حوالي ساعه
نسخن الزيت ونفرد الكور إلي دوائر رقيقه جدا وشفافه
نقليها في الزيت علي الجهتين
ونخرجها علي ورق مطبخ
البريوش
1 كيلو دقيق
1 كوب زيت ذره
1 كوب سكر
4 بيض
كوب ونضف لبن دافئ
1 ملعقه كبيره خميره بيره
الطريقه
ندعك الخميره بالسكر ونضع عليها ماء دافئ ونتركها حتي تخمر وترتفع
في الخلاط نمزج البيض ثم الزيت ثم السكر ثم اللبن والخميره
نضيف كوب دقيق للمزيج في الخلاط .. ونخلطه
وعلي حسب قوة الخلاط ممكن نضيف أكثر من كوب دقيق
نسكب الخليط في طبق غويط .. ونكمل عجن باقي الدقيق ..
أو حتي تتكون عجينه متوسطة الليونه .. نتركها مغطاه حتي تخمر ويتضاعف حجمها
تشكلها بريوش ببرم قطعه من العجين كإسطوانه نلفها دوائر فوق بعضها الأكبرمن تحت
وبعد تشكيل البريوش ورصه في صينيه الخبز ..
ندهنه بالبيض المربوب مع حليب البودره .. ونضع علي الوجه زبيب أو سكر
نتركه يخمر ويرتفع حجمه .. ثم نخبزه
يعني مفيش ولا واحدة عبرتني وقالتلي رايها علي الكفتة
ماشي ماشي
ما شاء الله يا دون انت ونانى وكل اللى بيشاركو باكلاتهم
ربنا يجعله فى ميزان حسناتكو يارب
بس انا كان ليا طلب عندكو انكو تعملو فهرس للمواضيع
ده انا كل ما اقول ادخل آخد وصفه من هنا ادوخ من كتر الصفحات(ما شاء الله)
واطلع من غير ما آخد الوصفه اللى انا عايزاها
وانا مستعده اساعدكو فى الفهرس بس انتو انووها

ام زياد


الساعة الآن 04:01 .