ماشى يا تماتيا تستاهلية وعن جدارة

تسلم ايديكى يا spanishflower كملى وصفاتك بس اهم حاجة يبقى الشرح واضح للبنات المتدأت (دلوقتى يكلونى و يقولولى شيفات)
13-06-1426 هـ, 01:52 مساءً
 
تارت التونة بالخضار

1/2 كوب زيت
1ونص كوب دقيق
زرة ملح
2 معلقة ماء للعجن
علبة تونة مخلوطة ب 2 معلقة مستردة
الخضار( فلفلة رومى خضراء – فلفلة رومى حمراء – فلفلة رومى صفراء – اكوسه مقطعة صغير – بصلة صغيرة مقطعة صغير – طماطماية صغيرة مقطعة صغير- ) ملح – فلفل – بهارات
معلقة كبيرة ثوم مهروس
الطريقة
نضع الدقيق و الملح و الزيت والماء ونعجنهم بأيدنا لحد ما تتماسك بس العجينة
نفردها فى صينية التارت بنفس الطريقة السابقة مع رفع الجوانب
وادخلها الفرن .حوالى 10 دقائق .بعد ما نطلعها من الفرن ادهن قعر التارت بالتونة المخلوطة بالمستردة
ثم اضع عليها الخضروات و ادخلها الفرن لحد ما تلاقى جوانب التارت احمرت وبالهنا والشفا
طريقة الخضار للتارت
نضع فى مقلاية معلقتين زيت لحد ما يسخن اضع الثوم لحد ما يصفر خفيف وبعدين اضع الكوسة و الفلفل بالوانه
والبصل و الطماطم مع التوابل نقلب كلة على النار لحد ما الخضار لونة يزهزة و يستوى يادوب تقليبتين
وبعدين نصبه فى التارت طعمها جميل
13-06-1426 هـ, 01:55 مساءً
 
انتى فين يا تماتيا؟؟

انتى كل قفلاتك كده
13-06-1426 هـ, 02:31 مساءً
 
انا جيييييييييييييييييت

بصوا بقى هحط لكم حاجه رووووووووعه بس عايزه تشجيع منقطع النظير
ويا دينا المره الى فاتت لم خبطتينى بالحله فوت وبقيت بشحر فلو سمحتى خبطه كمان واجيب جاز


طاجن المكرونه فى الفرن :10_8_10:

المقادير:
مكرونه صغيره - 2/1 كيلو لحمه مفرومه - 3 جزرات كبار- صلصه طماطم - 2 ملعقه ك سكر - 2 ملعقه ك خل - بصله كبيره - ملح - فلفل - زيت - جبنه رومى مبشوره

فى حله نضع صلصه الطماطم وعليها السكر والخل وشويه ما وملح وتترك على النار 5 دقائق نضيف المكرونه المسلوقه ونقلب كويس

فى حله ثانيه نشوح البصله المفرومه وعليها التوابل الى تحبيها ثم نضيف اللحم المفروم وتترك حتى تنضج

فى حله ثالثه - لن انجو من دينا - تشوحى الجزر بعد ما يتقطع مكعبات تشويح كويس اوى لغايه لما يبقى مستوى يفضل يشوح فى زبده

نجيب طاجن الفرن ونخلط الجزر على الحمه المفرومه ونحطه فى طاجن الفرن مع مراعاه انه يكون له صوص نضع المكرونه على الوش ونرشها باى نوع جبنه تحبيه مبشور وتدخل الفرن 2/1 ساعه على الاقل

والف صحه وعافيه


وحد بقى يغسل الطباق انا مش هطبخ واغسل الطباق حرا م عليكو بقى:3_2_8v:
13-06-1426 هـ, 02:39 مساءً
 
ايه ده بقى

انا عملت الاكل والاكل هيبرد وفيه بتاع 5 حلل و 12 طبق فى الحوض وكلكم سبتونى وروحتوا فين؟
13-06-1426 هـ, 02:47 مساءً
 


الساعة الآن 08:12 .