هبه فى المواضيع اللى حاطاها فى توقيعك فى موضوع عن الايس كريم( اخر موضوع) من مقاديره قشده مخفوقة ايه دى اى نوع قشده؟ وتتخفق ازاى يعنى بالمضرب عادى؟
15-04-1426 هـ, 01:32 مساءً
 
بصى يا لاروز دى بتتباع عند بتاع الالبان زى سونستا او كرامة وبتبقى سايله فى كيس او بتتباع فى السوبر ماركت بتبقى علبة كارتون فى الثلاجة اسمها قشدة الخفق . اذا استعملتيها فى الاكل زى اللحوم و سلطة الكرنب (الكول سلو) و صوص المشروم بنحطها زى ماهيا لكن للحلويات بتضرب بالمضرب لحد ما تتكون عندك كريم شانتى هاشة توقفى الضرب على طول لانها بتفصل بسرعه ماشى يا لاروز ؟
العلبة الصغيرة ب 3 ج ونص والكبيرة ب 12 ج
15-04-1426 هـ, 01:51 مساءً
 
السلام عليكم
لاروز لا هى فى الحقيقة القشدة اللى بتتجمع عندنا من غلى اللبن وبخفقها بالمضرب قليلا
أو بحط كل المكونات فى الخلاط.....أما الوبينج كريم فهو الكريمة اللبانى أو الهفى كريم...وهى غير مقصودة فى الموضوع ولو عايزه تجربيها بدل القشدة براحتك تبقى حلوة برده بس أنا بخبرك على الطريقة المجربة منى.
أختك هبهوبة
15-04-1426 هـ, 04:27 مساءً
 
طيب انا حبيت اكتبلكم طريقة تدميسي للفول المصري
اليك كمخصوص la rosa ولاخواتي كلهم ومعرفش حد كتب قبلي عنه والله لا

1- اولا طبعا نقي الفول وفي نوع في مصر الفول كبير شويه
2--تحطي كبايه ونصف في ميه من العصر مثلا
3- وبعدي ن تحطي في قدره الفول طبعا الصغيرة الي موجوده في اي سوبر ماركت كبير
تحطي الفول بعد ما تغسليه وعليه ميه تقريبا ضعف الفول وبعدين انا بحطه على النار يغلي الاول وبعدين بكون مشغلة السخان الكهربا الصغير معرفش عارفينه والله لا
المهم بعد ميغلي غلوة على البوتجاز بحطه على السخان واضيف 1- فص ثوم
1- واحده طماطميه+ 3 معالق عدس اصفر+ او ربع معلقه بيكنج بودر او كربوناته
وطبعا ده عشان القشره بتاعت الفول متتعبش القولون
وتغطيه من بليل لحد الصبح على السخان واول ما تفتحي القدره حطي معلقه زيت اي زيت
واقفليه وبعدين حطيه في علبه بلاستك مقفوله وطبعا اول متفتحي القدرة شيلي الثوم زي ما هو وارميه وبعدين خدي على قد الي عاوزة تعمليه يوميا
وادعولــــــــــــــــــــــــــــــــــــــــــــــــــــــــــي
انا جاهزة لاي سؤال

طبعا الملح او اي طريقه لتحضير الفول بتحطي الملح مع طبق الاكل مش على الفول
ايــــــــــــــــــــــنا
15-04-1426 هـ, 05:02 مساءً
 
عندي وصف للصراصير هتدعولي

1- 3 علب بوريك اسد عرفينه البوريك الي بيتحط احياننا مع الجبنه عشان ميجبش دود هاتي من اي عطار او صيديليه هاتي 3 علب او ما يعادل ثلاث كبايات وسط هو عباره عن بودر ابيض

2- كبايه ونصف لبن نيدو بودر + كبايه ميه للعجن+ كبايه سكر
المهم تحاولي تحطي المقادير الناشفه مع بعض الاول وبعدين تضيفي الميه عشان متبقاش زياده وتحطي المايه شويه شويه لحد ماتبقى عجيبنه متمسكه شويه وبعد ما تنظفي البيت تبتتدي تحطي على اعتاب الباب وبالذات بابا الشقه حولين الحلق بتاع الباب
وبعدين البلكونه والمطبخ تحت البوتجاز ورا الثلاجه تحت الحوض جنب السيفون متسبيش حته متحطيش فيها
وبعدين متمسحاش خالص خليها مداريه بيحث انه منظرها ميضايقيش متغسلهاش خالص

3-بعد اسبوع بالظبط مش هتلاقي صرصار ولا ميت ولا حي هو مش بيموت هو بيطفش كل الصراصير وطبعا متنسيش انبوبه البوتجاز اساسا هي سبب انتقال عدوى بيض الصراصير

اختكم اينا يا ناس ادعولي مش كده

بليز عاوزة الدعاوي ترخ عليا ربنا يبعت لجوزي نادي عشان انزلكم مصر اجازة احسن هنتسوح
15-04-1426 هـ, 06:59 مساءً
 


الساعة الآن 01:22 .