كشرى بالخل و التوم اهلا بيكى معانا ونورنور بيتهيئلى انتى كنتى معانا فى الجزء الاول ؟؟وبما ان كشرى بالخل و الثوم اول مرة فأحنا اطبا قنا كلها مجربة و مش منقولة وبازن الله قريبا حنزل ملخص للجزء الاول مش كدة يا مووتى ؟؟اما waswosa فحرد عليكى بعد شوية بس ياريت لو حد يشيلها من قدامى دلوقتى





العيش الفينو

3 كوب دقيق – زرة ملح – معلقة ونص كبيرة سكر – 2 بيضة – معلقة صغيرة سمنة – لبن او زبادى دافى للعجن - معلقة كبيرة ممسوحة خميرة
الطريقة
اضربى البيض بالشوكة كويس
نزوب الخميرة مع السكر و معلقة لبن بالمعلقة مع بعض
اضع الملح على الدقيق ثم اضع خليط الخميرةو البيض و اقلبهم كويس مع بعض عشان الخميرة تتوزع فى الدقيق كلة ابدأ أعجن باللبن او الزبادى الدافى لحد ما تلاقى العجينة انفصلت عن ايدك و سا بيتها و بقيت ايدك نضيفة خالص كدة اصبحت العجينة جاهزة اغطيها و اتركها تخمر و حتلاقيها عليت وزادت
اخد قطعة من العجينة و ابرمها لحد ما تبقى زى الرغيف الفينو هاتى سكينة حامية و حطيها فى الدقيق و اعملى خطين بالورب على وش الرغيف و ادهن وش الرغيف بالبيض وارشة سمسم وهكزا لحد ما اخلص العجينة و اضعهم فى صينية مدهونة زيت و ادخلة فرن ساخن لحد مايستوى و بالهنا و الشفا





عيش البورجر

3 ملاعق كبيرة زبدة - 5اكواب دقيق– نص كوب ماء دافيء- 4/1 كوب سكر- 3/4كوب لبن دافى – 2 معلقة صغيرة ملح – 2 بيضة – معلقتين وربع خميرة
الطريقة
ضعي كل المقادير فيالعجانة واعجنيهم لمدة 5 دقائق
ضعي العجينة في طبق غويط بلاستيك واتركيها لمدةساعة لحد ما تخمر و تلاقيها زادت
قسمي العجينة الى كور ( ازا كنتى عوزاة من رغيف البورجر الكبير اعملى الكرة اد البرتقاله الصغيرة و ازا كنتى عايزة الرغيف الصغير خلى الكرة اد البيضة سيبى العجينة ترتاح حوالى نص ساعة حتلاقيها خمرت و زادت ادهنى وش الكور بالبيض ور شى علية شوية سمسم وضعيهم فى صينية مدهونة زيت ودخليها فرن ساخن لمدة 10 دقايق او ربع ساعة المهم لحد ما تلاقى وش العيش بقى دهبى وبالهنا والشفا





العيش الشامى

4 كوبايات دقيق- ملعقة كبيرة ممسوحة خميرة
ملعقة كبيرة مليانة سكر.- ملعقة صغيرة ملح .- ماء للعجن - افرخ ورق زبدة
الطريقة :
ضعي الدقيق والملح فى طبق غويط واخلطيهم كويسً .
إعملي حفرة في الوسط وضعي فيها الخميرة والسكر ونصف كوب ماء دافئ، وغطي الطبق لمدة عشر دقائق
نبتدى نحط ماء ونعجن كويس (ممكن تاخد منك من كوب ونص ل كوبين المهم انك لما تلاقى العجينة اتكونت معاكى و بقيت شبة طرية (وتسيبيها عشر دقائق عشان العجينة ترتاح
قسمى بايدك العجينة لكور متوسطة وبعدين دحرجى هذه الكور على شوية دقيق , وبعدين رصيها في صينية مرشوشة بالدقيق بس لما ترصيهم يكون بالدور تبقى عارفة انهى الكرة الاولى وانهى واحدة الاخيرة وغطي الصينية وخليها في مكان دافئ لمدة ثلث ساعة
رشى على الترابيزة دقيق وخذي اول كرة عملناها و بعدين اللى بعدها وهكزا وبعدين افردى اول كرة على هيئة دائرة زى دائرة البيتسا وتكون الدايرة مش سميكة يعنى حوالى سم
رشى دقيق فى صينية-وهاتى فرخ ورق زبدة وقطعية على هيئة مربعات كبيرة وحطى قطعة من ورق الزبدة فى الصينية على الدقيق و رشية هو كمان دقيق وبعدين حطى علية الدايرة الاولى ( الرغيف)اللى عملناة وبعدين ادهنى ايدك بالدقيق و امسحى على وش الرغيف كويس قوى بالدقيق وبعدين غطي الرغيف بورقة زبدة تانى ورشي وجهه بالدقيق .
خذي الكرة التانية وافرديها واعمليها زى الاولى واتبعى نفس الطريقة و الخطوات السابقة لحد ما تخلصى كل الكورو تبقى ارغفة مدورة فوق بعضها و يكون بينهم ورق الزبدة المرشوش بالدقيق .
غطي العيش واتركيه في مكان دافئ لمدة تلت ساعة سخنى المقلاية و تكوت تيفال او الصاج و خلية حامى وبعدين ابدئى خدى اول رغيف اللى على الوش وشيلية من تحتة يعنى من عند الورقة و تروحى قلباة فى المقلاية و تشيلى الورقة ترميها افضلى قلبى الرغيف على الوشين لحد ما تلاقية ابتدى يتنفخ تفضلى برضة تقلبية لحد ما تلاقية استوى وبقى الرغيف العادى بتاعنا وتكررى باقى الارغفة و بالهنا و الشفا .








كده يا دينا طيب هيشيبونى يودوووونى فين ما انا مليش غير المطبخ
ادخلوا هنا " منتدى العروض التجارية للمصريين"
بنات مصر تعالوا نجدد أيامنا الحلوة
ولدتك أمك يا ابن آدم باكياً و الناس حولك يضحكون سرورا
فاجهد لنفسك أن تكون إذا بكوا يوم موتك ضاحكاً مسروراً


الساعة الآن 09:06 .