ممكن تسيبونى بقى على waswosa اتاخرى انتى يا هبة .. عيش اية اللى عايزة تعملية و انتى متجوزة ؟؟؟ يعنى حتكونى خلصتى ماشاءالله كل اللى مطلوب منك فى البيت و الاولاد وفاضية تعمليلهم عيش ؟ لولا ان احنا بنتكلم على الهواء مباشرة كنت عرفتك غلطك وبعدين انا بنفض لحد برضة ؟؟ خدى ساتر منى دلوقتى
14-06-1426 هـ, 11:25 صباحاً
 
السلام عليكم و رحمة الله و بركاته

صباح الفل على كل حبيباتي

ازيك يا دندون؟؟ وسووسة بتتدلع عليكي يا جميل، شفتي بقى؟؟ نتدلع على مين غيرك انتي و ناني بس؟؟

ناني صحيح، تعالي اعمليلي الليمون المعصفر و الليمون المسلوق احسن ارجعك من المخبأ و مفيش خطف و لا حاجة!!!! اصلي بصراحة بافكر اعملهم عشان رمضان لاننا في البيت مدمنين مخللات على مائدة الافطار و السنة اللي فاتت اشتريناهم جاهزين فقلت اتفلسفلهم السنة دي

تسلم ايديكم على الحاجات الجميلة دي كلها و تسلم ايديكي يا هبة على طاجن المكرونة، حاذاكره كويس و احاول انفذه بس من غير مواعين!!!
14-06-1426 هـ, 11:45 صباحاً
 
أهلا دينا ...إزيك ..
14-06-1426 هـ, 12:04 مساءً
 
معلومة مفيدة
يابنات طبعا الدقيق بيبقى مش مضمون ازا كان نوعة كويس ولا لأ وبما انكم لسة فى الاول بتتعلموا وازا صادفك وانتى بتعملى العجينة وطلع نوع الدقيق وحش و طبعا لقلة خبرتك مابتعرافيش تعالجى العجينة فى ساعتها و الوصفة كلها بتبوظ منك علشان كدة عيزاكم تستخدموا احتياطى ( محسن الدقيق ) دة بيبقى شكله زى الدقيق ولونة ابيض برضة و بيتباع عند محلات لوازم الحلويات والتورت ورخيص و بتشترية بالجرام كفاية و خلية عندك واستخدمية فى كل مخبوزاتك زى العيش و الفطاير و الكرواسان و البيتزا ...الخ
طريقة محسن الدقيق : على كل كيلو دقيق تضعى معلقة صغيرة مليانة ...
او على مقدار الخميرة تضعى نصها محسن دقيق ( بمعنى ) ازا كنتى مش حتستعملى دقيق بالكيلو و حتستعملية بالكوب يبقى تشوفى انتى حتحطى خميرة اد اية ؟؟ مثلا 2 معلقة خميرة يبقى تحطى 1 معلقة محسن دقيق و ازا مثلا معلقة واحدة خميرة يبقى نص معلقة محسن دقيق وهكزا فهمتوا عليا ؟؟؟؟؟؟؟؟
14-06-1426 هـ, 12:10 مساءً
 
يا سلام يا نانى لسة فكرانى ؟؟ مش قلتيلى انك حتقعدى فى المنتدى هناك ومش حتيجى المطبخ ؟؟ واحنا هنا الابقى ماشى يا نانى ؟مكنش العشم
14-06-1426 هـ, 12:12 مساءً
 


الساعة الآن 02:42 .