عشان كدة لما هبة فتحت قسم البشرة يانانى قلتلها حرام عليكم حتجرجروونا وراكم من المطبخ للبشرة لرواء للعرايس عشان تفضلى تقولى فى كل حتة كلمتين وترجعى ... طيب يا هبة ...طيب ماهى نوودى مسكاكى اهية هى ووزووزا ...الباتية و المخللات ...وبعدها يحلها الحلال وانا شغالة هنا و فى التلخيص و المفروض اقوم اطبخ





الاخت don مبروك الجزء التانى وانا متبعاكى اول بأول انتى ممتازة وانا عملت فى الفترة الاخيرة الغريبه ومربى الفراولة و الصراحة اول مرة الغريبة تظبط معايا و شكرا لمجهودك
على فكرة يا waswosa و البنات بالنسبة للعيش ياريت لو يكون عندك القوالب المخصوصة بالعيش زى القوالب الطويلة الرفيعة المخصوصة للعيش الفينو و القوالب الصغيرة اللى بنعمل فيها الكيك ودى علشان العيش التوست وهكزا حتريحك جدا و مقاسه حيطلع مظبوط و مستوى و دول حتلاقيهم فى درب البرابرة كانوا الاول بيتعملوا عمولة و بالطلب لكن دلوقتى متوفرين جاهزين اطلبيهم بالاسم وهما بيبقوا زى الحديد لان لما زاد الطلب عليهم بقوا متوفرين
ام الهنا جزاكى الله خير و بالهنا و الشفا





برافو والله يادون .. من الصبح يا حبيبتي بتعجني وتخبزي ..
بمناسبة التوست .. جبت جهاز لعمل التوست ..
أضع فيه الدقيق والخميره والملح والميه أو اللبن .. وبس
أشغل الجهاز .. وأضبطه وأقفله ..
يعجن في نص ساعه ويسكت خالص لمدة ساعتين ونص مايشتغلش عشان التوست يخمر .. وبعدين يخبز قالب التوست في نص ساعه .. ما تتصوريش جمال التوست .. خطير
تكنولوجيا ياباني ..
ياللا يا دونابيللا .. قولي عاوزاني أكتب إيه .. قبل ما آخد فسحة
عامله زي العيال إللي لقوا لهم لعبه
الليمون المعصفر
ليمون
نخلط 5 ملاعق عصفر +1 ملعقة حبة البركه + 3 ملاعق ملح
الطريقه
نغسل الليمون وننشفه من الماء ونشق الليمونه علي 4 بدون أن نفصلها
نحشي الليمون بخليط العصفر والملح وحبة البركه
نرص الليمون في برطمان ونضغط عليه ليسيل جزء من عصيره ولحشره في البرطمان
نملأ البرطمان بعصير ليمون ونغلقه جيدا إلي أن يستوي ( بعد 6 أسابيع )

مخلل قشر الليمون
نسلق قشر الليمون إللي عصرناه لتخليل الليمون المعصفرإلي أن يصبح طري
نضعه في برطمان ونضع عليه ماء مملح ( سبق شرح مقياس الملح بالبيضه )
نغلق البرطمان .. وممكن أكله بعد أسبوع

في موسم الليمون أعصر كميه أجمدها في الفريزر لوقت الحاجه إليها
وأعمل القشر أجمل مخلل
ممكن قشر الليمون المسلوق أضع له عصفر وحبة البركه
أما الملح أضعه مع الماء
أوكيه نووودي ..بالهنا تاكلوه


الساعة الآن 12:03 .