spanishflower ); تسلم ايدك وكويس انك سمعتى الكلام وكتبتية دى عصابة مفترية يا بنتى وبعدين لما تتخطفى جومانجى يعمل اية ؟؟؟
تسلم ايدك يا احلام وبعدين على رأى نانى هو كان حد اعترض على حاجة ؟؟ انا اهو ساكتة مع نانى ان جيتى للحق هبة ومووتى ونوودى بيموتوا فى سد الحنك لما يرجعوا من الاجازة حنعمله لهم اجبارى
لاروزتى مش عارفة ان كان فى السوبر ماركت ؟ انا بجيبة من المحلات اللى قلتلكم عليها لكن لو مش مستعجلة انا ممكن اسئلك و اقولك.
ام زياد ..مظبوط كدة طلبك بالنسبة للسلمون ؟؟ وبالنسبة للبطاطا اللى هى شكلها اية ؟ انا كنت نزلت قبل كدة طريقة فى الجزء الاول .. وفية طريقة كمان اللى هى بسلقها و اهرسها وبحط لها سكر بودرة ومكسرات واشكلها زى ماهى على البارد يعنى ممكن كور وممكن صوابع و برش عليها من برة سكر بودرة ..هى دى ؟؟؟ انا تحت امرك .بس فهمينى قصدك بالظبط
والله يا نانى شكلى كدة كل ما اعوزك حفضل الف عليكى المنتدى كله ..كدة يا نانى الله يسامحك يا هبة يا مؤزيه بس لما يظهرلك صاحب استنى





عاشقة زوجها وابنها احنا نزلنا طريقتها فى الجزء الاول حلوة جدا استنى لما اشوفهالك واعملك عليها كوبى و ياريت بدام خايفة تحطيلها محسن ..وبعدين ماتخافيش وانتى بتعملى اى حاجة.. خشى بقلب جامد





عجينة البيتزا:

2 ملعقة خميرة صغيرة + ملعقة سكر صغيرةوحطى عليهم شويه مية دافية وحطيهم بمكان دافى وياريت لو مظلم 10 دقايق يعنى مثلاانا بحطهم بالفرن بس من غير ما اولعه
يعدين هاتى 3 كوبايات دقيق + 1 كوب لبن + 1/2 كوب زيت ورشة ملح وعليهم الخميرة واعجنيهم وسيبيها تخمر 3 ساعات
ويعدينافرديها فى الصوانى
وحطى عليها الاضافات اللى انتى عايزاها للبيتزا كل واحده حسب مابتحب
وحطيها فى فرن حامى شغال مكن قبلها بخمس او عشر دقايق ودخليها لمده من تلت لنصساعة على حسب ما تفتحى الفرن وتشوفى الجبنه ساحت والعجينه استوت ولا لا
بس خلى بالك بلاش تحطيها فى الفرن من تحت عشان متتحرقش خليها على رف
بالنسبة لسوى البيتزا
انا ساعات بدخلها الفرن 5 دقائق تحت بدون الاضافات و بعديناطلعها ارمى فيها الاضافات و ارش الجبنة و معلقة زيت و ادخلها فوق يادوب تسيحالجبنة .
و على فكرة اعملى الطريقة دى اذا كنتى حتشيليها فى الفريزر للطوارىءالشديدة توصلى للمرحلة بتاعة و ضعها فى الفرن بدون اى اضافات لمدة 6 دقائق بالضبط
ولما تبرد حطيها فى كيس فى الفريزر
وعند الاستخدام تطلعيها و يادوب ترمى عليهاالاضافات
و تدخليها فى الفرن





يلا سمى بالله وخشى اعمليها و انتى واثقة انك حتعمليها حلوة ومش عايزين ياسيتى حتة ...نفسنا بس تطلع حلوة





مساء الخير عليكم جميعا ولادى نفسهم فى غزل البنات قلتلهم مفيش غير طنط نانى وطنط دون واحنا بنستنا على نار
mona







الساعة الآن 10:46 .