شكرا يا دينا و لو نانى كمان عندها طريقة ياريت تقول عليها
يعنى يا دينا اسال مرات خالى و انت موجودة دى حتى تبقى قلة أدب
16-06-1426 هـ, 07:32 مساءً
 


هاى يا بنات
الحقيقة انا مش بدخل هنا كتير ( واخدة فى نفسى قلم فى الطبيخ )
بس هنوشه والله مش بتخلينى اعمل اى حاجة وكويس اوى انها سايبانى اتواجد فى الصفحة بتاعتنا شوية يادوب كده لانى مشغووووولة على طوووول
بس لما دخلت النهاردة لانى فاضية شوية وشفت ابداعات الشيف القمر دون وابداعات البنوتات الحلوات بصراحة اتشجعت
فحبيت اشارك معاكو من فترة للتانية بس ححاول اقول حاجات جديدة ومبتكرة
وقلت طب ما اغلس عليكو بوصفة صغنونة وسرعة شوية مبدئيا
....
بصوا انا حقولكوا طريقة عمل سناكس ( قراقيش ) بالسمسم او المكسرات
ودى للناس اللى بيحبوا يقرقشوا وهما بيتسلوا وبيرغوا كده مع الشاى زى حالاتى

والطريقة انا كنت اخدتها من مقادير عمل بقسماط للاخت موون جيرل لكنى غيرت المقادير خالص وبالتالى غيرت النتيجة بس حبيت اقول كده للامانة ...

المقادير

4 بيضات
1 كوب زيت ذرة
1 كوب سكر
4 كوب طحين
1 ملعقة أكل بيكنج بودر

وللتجميل سمسم او مكسرات مجروشة

الطريقة

* يخلط بالخلاط الكهربائي كل من البيض مع الزيت ، السكر لمدة 5 دقائق
* يضاف الطحين مع البيكنج بودر الى الخليط السابق ويعجن باليد
*تقطع العجين الى كرات صغيرة ثم تغمس بالسمسم أو الفستق

ترص فى صاج فرن وتخبز فى فرن حرارته 180 درجة

وانا صورتهولكوا عشان تتشجعوا وتجربوه ويارب يعجبكوا



وبالهنا والشفا
17-06-1426 هـ, 02:26 صباحاً
 
صباحا لخير يا حلوييييييييييييييييييين

ازيكوا جميعا ...

اية الحلاوة دى يا شيفات ،، عماليين تخبزة من الصبح اشى ترت واشى عيش وتوست وساليزون

ما حرمتوناش من حاجة خالص ..
بس ربنا يسامحكوا مبوظنلى الريجيم كدة على طوللللللل...

سؤال للشيفة era
الساليزن دة اللى انتى بتعملية بيطلع زى الجاجهز ولا متغير شوية انا اصلى بمووووووووت فية وكان نفسى اعرف طريقتة من زمااااااااااان..


دندونة حبيبتى ازيك يا جمييييييييل وحشتينى موووووووت معلش بقى الاجازة دى انا قضيتها فى البيت وماعرفتش ادخل على النت من الجهاز عندى ..
انا عملت الكيكة الاسفنجية بس بعد ما طلعتها من الفرن هبطت هبوووووووط فظييييييييييييييع معرفش لية ,, قعدت اعيط جنبها....



كنت عاوزة حد يعرف يعمل مشروب التمر الهندى او الخروب
لاحسن عمندى فى البيت مدمنينة وانا خايفة من الامراض اللى بتيجى من الحاجات اللى من برة دى ,, يا ريت لو حد يعرف طريقتهم يقولىىى....


ست دون البرنامج جنننننى بقيت قاعدة ايام الاجازة اشد فى شعرى منة ,,
بس الحمد لله قدرت اتوصل لنتيجة جميلة ,, اول ما اخلصة ها ابعتهولك...

يالا سلاام مؤقت.
17-06-1426 هـ, 10:35 صباحاً
 
وحشتينى انا قولت اصبح على اجمل شيف واسلم عليكى وتسلم ايدك على كل حاجه صباح الورد
17-06-1426 هـ, 11:14 صباحاً
 
ياااا سلام فعلا على رأى المثل ورانا شيفات قايمين بالواجب وزيادة ..الله ينور

منى ....ولو يا منى
ايرا ..تسلم ايديكى على الساليزون واهى مووتى حتجربة وتقولنا
احلام تسلم ايدك على صينية السمك وبرضة لم زياد حتجربها وتقولنا وبالنسبة للتلخيص ماتنزليش اى حاجة فى المنتدى ..انا بقولك افتحى صفحة فى الوورد و اعملى كوبى على وصفات الجزء التانى فى الوورد لحد ما تجمعيهم الاول
عاشقة زوجها وابنها منتظرين البيتزا اوعى ترجعى فى كلامك
كهرمانة ..اتفضلى بقى دوريلنا على نانى فى المنتديات واندهيهالنا ...ماهو كله منها اللى كانت السبب ....بس لما تظهر
مووتى حبيبتى ..من هنا ورايح اللى حيعمل حاجة مش مظبوطة حيقولنا الاول هو عملها ازاى ؟؟ علشان يعرف غلطة بنفسه ..بالنسبة للكيكة الاسفنجية انا حقولك توقعاتى وانتى احكمى...وانتى بتعمليها كنتى مولعة الفرن مسبقا ؟؟واول لما خلصتيها دخلتيها الفرن على طول ؟؟ ولا فضلت على الرخامة شوية على ما ولعتى الفرن وكان الفرن بارد ؟؟وهل وهى فى الفرن كنتى معلياة العشر دقايق الاولى وما فتحتيش عليها خالص ؟وهل لما خرجتيها من الفرن كان فية هواء وهى خارجة سخنة ؟ وبالنسبة لمقاس الصينية كان مظبوط ؟وهل لما كانت فى الفرن شفتيها عليت قوى و لما خرجت هبطت مرة واحدة ؟
17-06-1426 هـ, 11:26 صباحاً
 


الساعة الآن 05:48 .