اولا تسلم ايدكى يا ايرا ويرضة نفس الطريقة دى مجربة مع شرائح الموز وطعمها جميل جداالمهم كويس انك افتكرتى ونزلتيها تسلم ايديكى يا ايرا احنا بقى حنخليكى تطلعى من غرفتك

ميرو ...طبعا انا عارفة ان بيبقى مجهود على السيدة العاملة وخصوصا لما بترجع من الشغل جرى على المطبخ ...بصى يا ميرو بالنسبة ليكى لية ما بتعمليش لنفسك يوم فى الاسبوع تعملى فية كل حاجتك مرة واحدة وتحطيها فى الفريزر وبتبقى على التسوية بس ؟؟ ولعلمك انا مابشتغلش بس قبل رمضان بجند عندى المطبخ لعمل اكل واضعة فى الفريزر علشان الصلاة و قراءة المصحف ..الخ وكل جاراتى فى العمارة بيقوموا بالمهمة دى دايما يوم الجمعة لكل اكل الاسبوع ... ولعلمك الاكل مابيبقاش بايت لانهم مش بيسووا دة بيطلعوا ويسووا وبيبقى زى الطازة بالظبط ..اية رايك يا ميرو انا حقف معاكى فى الموضوع دة واحدة واحدة وانتى توعدينى وتبتدى تعملى واحدة واحدة وحتلاقى نفسك ارتحتى و جوزك حيتبسط ويحس انك بتعملى اكل طازة كل يوم





اول حاجة فية اكلات واحنا كتبناها قبل كدة سريعة مابتاخدش فى ايدك نص ساعة دى لو حتعمليها عند رجوعك من الشغل فى نفس اليوم ..مثلا

1- ارز و فراخ بالكارى (مابتاجدش ربع ساعة مع الارز كمان ومكتوبة فى الجزء الاول)
2- ارز ابيض وكفتة داوود باشا (..........................................)
3- ارز ابيض و صينية حمام كولبستى(....................................)
4- مكرونة اى نوع مع فراخ بانية (....................................)
5- مكرونة اى نوع مع بفتيك بانية (...............................)
6- ارز او مكرونة مع صينية لحمة فيلية (.......................)
7- تحطى فرخة فى صينية بطاطس وارز بشيعرية
8- صينية سمك قيلية بسيطة وسريعة (...................)
9- صينية مكرونة بالجبنة (.....................)
10- ارز احمر وسمك فيلية بانية (...............)
11- صينية كفتة
12- صينية كفتة بالطحينة
13- طاجن تورلى باللحمة وارز
14- كباب حلة
15- طاجن لسان عصفور باللحمة
حاجات كتير يا ميرو سريعة ومكتوبين عندنا انتى بس فكرى بليل لنتى حتعملى اية ؟؟و طلعية قبل ماتنزلى الصبح
ولما ترجعى على المطبخ تعلقى علية على طول
وبالنسبة للمحشيات والبط والحمام والكبسة خليهم ليوم اجازتك





بعض الطرق للاكل اللى بتحطية فى الفريزر

كفتة : تجيبى اللحمة المفرومة وتبليها وتجهزيها وتعملى جزء منها كور علشان داوود باشا وترصصيها جنب بعض فى الطبق الفيبر وتحطى الطبق فى كيس نايلون وتدخل الفريزر
2- وتعملى جزء منها صوابع وتخرميها من النص بأيد المعلقة الخشب وترصصيها جنب بعض فى الطبق وتحطى الطبق فى كيس نايلون ودى تبقى كفتة للشوى
3- ....................من غير ما تخرميها من النص ودى تبقى للصينية
فراخ مشوية او صينية : تغسلى الفرخة وتنضفيها وتفتحيها من ضهرها بالطول بالسكينة و تبليها تمام وتحطيها بنفس الطريقة
فراخ بانية : تحيبى شرائح الصدور البانية ونعملها بالبيض والبقسماط وترصصيها فى الطبق بس تحطى كيس نايلمن بين صفوف الفراخ علشان ما تلزقش فى بعض
بفتيك بانية : نفس طريقة الفراخ البانية بس تدقى البفتيك الاول بالمدق المخصوص
صيتية المكرونة بالبشاميل : تعمليها تمام وبعدين تحطيهافى صينية فويل وتدخليها الفريزر الاول من غير ما تغطيها لحد البشاميل اللى على وشها ما يجمد وبعدين تغطيها بورقة فويل ( علشان البشاميل وهو طرى حيلزق فى الغطاء ) ولما تيجى تستعمليها قبل ما تدخليها فى الفرن تضربى البيضة بالشوكة و تحطيها على الوش
صينية المسقعة بنفس طريقة المكرونة اللى بالبشاميل
(((هة اكمل يا ميرو ولا بتعب نفسى على الفاضى ؟؟؟)))





دندون جزاك الله كل خير .... بليز كملى كلنا بنستفيد
وكلنا محتاجين الروشتة دى سواء بنشتغل واللا لا
بليز كملى معاكى




ربنا لا تؤاخذنا ان نسينا او اخطانا
اللهم استرنى فوق الأرض وتحت الأرض ويوم العرض عليك
آمين
دون انا كمان متابعاكى كملى


الساعة الآن 01:15 .