يا صباح النور ..نوودى يا نوودى ما أنا سئلت عليكى امبارح عشان كنت عارفة انك موودى مش نوودى صح؟ما تئزميش نفسك انتو لسة صغيرين ولما تكونى مضايقة طلعية فى مووتى وانتى تستريحى ....بتسألى مووتى فين ؟ ماتقلقيش ياحتلاقيها فى الفرن يا مضروبة بكرسى

شطورة يا mishmish ...كدة حيبقى فية امل
زئردة .ام العلاء . رواء . ام زياد .رانيا صباح الفل واحلى صباح على كل اللى معانا
هبة ...بقى اىىىى هو انتى لسة اضربتى اساسا احنا حناخدك على نار هادية





مين اللى كانت طلبة سلطة الطحينة زى المطاعم ؟؟؟
اعتفد نور نور ؟ ولا حد تانى





الخروب

نص كيلو خروب
3 ليتر ماء
6 معالق كبيرة عصير ليمون (للسهولة بنحط معلقتين عصير ليمون لكل ليترماء)
3 و نص كيلو سكر
الطريقة
نغسل الخروب كويس وننشفة كويس وبعدين ندقة
ننقعة حوالى 12 ساعة فى حوالى لترين ماء وبعدين نصفية
نضع الخروب فى حلة على النار مع شوية ماء ونخلية لحد ما يغلى لمدة ربع ساعة
وبعدين نصفية تانى من الماء ونحط الماء اللى عندنا من التصفية الاولى للماء اللى من التصفية التانيةعلى بعض
شوفى الماء كميتة طلعت اد اية ؟ لو كان ناقص عن ال3 ليتر يبقى تزودية وازا كان مظبوط 3 ليتر خلاص
نضع السكر على الماء ونقلبة كويس وبعدين نحطة على النار لحد ما يغلى حوالى 5 دقائق
وبرضة تشيلى الريم كل ما يظهر بالمعلقة
نضع عصير الليمون ونسيبة يغلى تانى حوالى 5 دقائق
بعد ما يبرد ضعية فى زجاجات نضيفة





ربنا يخليكي ليا يا دندون و ما يحرمناش منك ابدا، و يا ستي انا اول ما لاقي مووتي حامسك في زمارة رقبتها بس المهم ميخبطنيش كرسي طائش

المهم، كنت عاوزة اسألك على حاجة، انا باذاكر دلوقت في وجبات الجزء الاول عشان ادخلها حيز التنفيذ و لفت انتباهي انك لما كتبتي الفراخ بانيه و فراخ لا رين تتبيليتهم مكنش فيها بصل. يعني انتي قلتي مثلا نتبل صدور الفراخ بالملح و الفلفل و بعدين بنحطهم في الدقيق و بعدين البيض و البقسماط و نحمرهم، طيب كده بدون ما ننقعهم في البصل و الا ايه؟؟ انا مثلا باحط الفراخ في بصل مبشور و عليه ملح و فلفل و بهارات و خل و ليمون و اسيبها في التلاجة اكتر وقت ممكن، بس اول مرة اسمع عن تتبيلها بالملح و الفلفل و عاوزة اتعلم منك ازاي اتبلها كده و في كمية اد ايه من الملح و الفلفل عشان تتبل كويس و اسيبها اد ايه قبل ما ابدأ ابطنها؟؟ معلش سألت كتير يا جميل بس دي فرصتنا اننا نتعلم منك يا شيفنا القمر
يا رب لك الحمد كما ينبغي لجلال وجهك و عظيم سلطانك

اللهم اغفر لي و لوالدي و للمؤمنين و المؤمنات يوم يقوم الحساب

اللهم احفظني و زوجي وولدي من كل سوء

سؤال كمان يا دندون، هو الخروب يعلي الضغط و الا يوطيه؟؟ و كمان العرقسوس؟؟؟ لاني انا ضغطي بيوطى و عاوزة اعرف لاني مثلا لما باشرب كميات من الكركاديه باتعب و يجيلي هبوط لانه بيوطي الضغط بس لو شربت كباية واحدة مثلا مش بتعمل حاجة، اما العرقسوس و الخروب باحبهم جدا و سمعت كلام متناقض عن حكاية علاقتهم بالضغط، ناس يقولوا يوطوا و ناس يقولوا يعلوا، ايه الصح؟؟؟
يا رب لك الحمد كما ينبغي لجلال وجهك و عظيم سلطانك

اللهم اغفر لي و لوالدي و للمؤمنين و المؤمنات يوم يقوم الحساب

اللهم احفظني و زوجي وولدي من كل سوء



الساعة الآن 06:54 .