ام العلاء اولا ماتسمعيش كلام زئردة ...بالنسبة لما تيجى تطلعى الكبيبة و السرنج رول و السمبوسك كلة بتطلعية قبل التحمير بخمس دقايق ..لكن بيختلفوا فى طريقة التحمير حسب الحشو اللى انتى حشياة يعنى مثلا

الكبيبة الشامى بتقدحى الزيت الاول ولما تيجى تحطى الكبيبة فى الزيت تهدى النار شوية
السمبوسك بتسخنى الزيت بس و تهدى النار وازا كانت السمبوسك محشية بالجبنة يادوب فى الزيت وتطلعيها لان الجبنة بتسيح بسرعه لكن لو محشية لحمة مفرومة بتستنى عليها ازيد شوية علشان اللحمة تكون لحقت سخنت
السبرينج رول برضة الزيت دافى بس وتوطى النار ولما يبقى لونة اصفر غامق تطلعية
اما المكرونة بالبشاميل واللازانيا بتطلعيها قبلها بعشر دقائق وعموما هى بتفك بسرعة و بتولعى الفرن و تضربى البيضة بالشوكة وتحطيها على الوش او تحطى الجبنة المبشورة على اللازانيا وتروحى مدخلاهم الفرن





طيب يا مووتى يعنى داخلة متاخرة وبتسألى كمان؟اة هى ايرا اللى دخلت الفرن ؟عشان كدة ما ظهرتش لحد دلوقتى و طبعا لو كان الفرن مولع يبقى مش حتظهر خالص ...ولسة
نوودى ماانا قلتلكم ان مش كل حاجة بتاخد نفس التتبيلات ..يعنى الفراخ البانية بترشى عليها رشة ملح ورشة فلفل بالنظر كدة وممكن فقط عصير بصل مش بصل ناعم لأ يعنى بمية البصل وتسيبيهم مثلا ربع ساعة وتحطيها فى الدقيق ثم البيض المضاف له الحليب ثم البقسماط و تسيبيهم شوية علشان العطاء دة ما يفكش فى التحمير لان خلى بالك ان الحاجة المعمولة بانية بتبقى رفيعة لكن مثلا المشويات زى الفراخ المشوية بنحط التتبيلة وبيبقى فيها الخل والليمون ..الخ لكن بنسيبها فى تتبيلة النقع ممكن من بليل بتبقى احلى





ست دون هانم


افتحى الايميل بتاعك...........

************MoOnty**********
حاضر يا فندم





شكرا يا دندون و معلش اعذرينا على الاستفسارات الكتير، هي المشكلة ان احيانا كنا بناخد الوصفات من اكتر من حد و كل شيخ و له طريقة و كل واحدة ممكن تقول حاجة اكتر او اقل من التانية، عشان كده انا بأسأل عشان اعرف ايه اصح حاجة خصوصا بعد ما بدأت اقرأ في ملفك بتمعن، و عاوزة اصحح الغلطات اللي كنت باعملها في اكلي

و تسلمي يا قمر و شكرا على تحملك لينا و لاسئلتنا، ربنا يصبرك علينا
يا رب لك الحمد كما ينبغي لجلال وجهك و عظيم سلطانك

اللهم اغفر لي و لوالدي و للمؤمنين و المؤمنات يوم يقوم الحساب

اللهم احفظني و زوجي وولدي من كل سوء



الساعة الآن 11:36 .