حبيبتي zeireda
جزاكي الله خيرا على الرد
أم
mooty تسلمين يا الغالية على الوصفة أن شاء الله عم باجربها و تكون هي التي ببالي
أم
لية يا احلام ازعل منك بس ؟؟ربنا مايجبش زعل ابدا دة انا بقولك نزليلهم سد الحنك عشان يتسدوا شوية ؟يبقى بعد ما تسديهم ازعل منك برضة ؟؟دة انا حبوسك

ام العلاء تسلمى ..ماانا قلتلك البنات زى مايكونوا بيجروا وراء بعض فى الصورة

هبهوبتى انتى اللى جبتية لنفسك وقلتى تعالولى الصفحة بتاعتى يعنى قدامك فرصة اخيرة لو لحد الصبح مانزلتيش البطاطس حنعمل هجوم على صفحتك .. قلتى اية ؟؟
نور نور العفو انتى تؤمورى ويا ترى عايزة العدس اى نوع سواء اسود او اصفر ؟؟
زود العين الله يبارك فيكى وانا بقول بالنسبة لبلح الشام اكيد العسل كان خفيف
عاشقة زوجها وابنها بالنسبة للحجر الحرارى اللى بيحطوة مع البتسا و التوست حرد عليكى من عنيا





بعد صباح النور بصى يا عاشقة زوجها وابنها الحجر الحرارى انا بصراحة ماستعملتوش قبل كدة وبسوى البيتزا بتاعتى عادى فى الفرن هما بيستعملوة قال يعنى كبديل للافران اللى بيسووا فيها البيتزا وهى عبارة عن حجر من الخزف بيحطوها عادى على الرف الوسط فى الفرن وبيحطوا عليها صينية البيتزا وتقريبا اقولك لية ؟ لان البيتزا او اى عجينة بتعمليها وبيكون فيها خميرة بتبقى عايزة درجة حرارة الفرن تبقى عالية فى الاول ودة ممكن يخلى الحاجة قعرها يتحرق فعلشان كدة لما بيحطوا الحجرة دى بتمتص الحرارة العالية وتوزعها على الصينية كلها بدل ما تبقى مركزة من الفرن للقاع مباشرة وعلى فكرة فية ناس بيحطوا بدالها طوبة سيراميك لكن مابتنفعش لان السيراميك ما بيؤديش وظيفة الخزف وازا كنتى عاوزة تجربيها بيتهيئلى تسئلى اللى بيبيعوا الحاجات الخزف





التوست

نص كيلو دقيق - 3 ملاعق كبيرة زبدة - بيضة كبيره - كوب لبن - ملعقة صغيرةملح- ملعقة كبيرة خميرة- ملعقة صغيرة سكر -معلقة زبدة سائحة لدهان الوجه
الطريقة
نضع الملح على الدقيق وننخلهم وبعدين نضع الخميرة و السكر على الدقيق
دفى الزبدة شوية على النار وبعدين حطيها على الدقيق واعجنيهم كويس قوى
ضعى البيضة عليهم واعجنى لحد ما كله يتخلط
دفى اللبن على النارو حطية على العجينة واعجنى كويس قوى لحد
ما حتتكون عندك عجينة طرية وناعمة
رشى دقيق على الرخامة وحطى عليها الدقيق وابدئى اعجنى باديكى الاتنين كويس مش اقل من خمس دقائق
ادهنى طبق غويط بايدك بالزيت وحطى فية العجينة وغطيها لحد ما تخمر وتزيد وتعلى لمدة لاتقل عن ساعة ثم توضع العجينة على الرخامة المرشوشة بالدقيق واضغطى عليها باديكى لحد ما تتفرد قدامك خالص على هيئة مستطيل وبعدين تروحى برماها مثل السويس رول
توضع فيقالب التوست او قالب الكيك الطويل وتغطى في مكان دافي
وتترك الى ان تزيد حجمها وحتعلى لفوق
توضع في فرن ساخن لمدة نص ساعة وحيكون لونها بقى دهبى وبعدين تروحى داهنة الوش على طول بالزبدة وبالهنا والشفا







الساعة الآن 06:24 .