دون الحقيقه سوءالى تحديدا كان عنالقوالب لانى لم اضع من قبل كيك فى الفريزر وحبيت اجرب ام باقى الكيك انا فعلا بعمل البرتقال والشيكولا والزبادى كلهم بزيت الزره وبفضل الله بتكون ممتازه لك تحياتى
اللهم انك عفو كريم تحب العفو فاعفو عنا
الفراخ البانية
1 - تقومى بعمل عصير البصل ومعه نصف كوب خل وملح وفلفل أسود ورشة قرفة وروز مارى (حصا اللبان ) وبهار لحم ورشة سماق ورشة زعتر
2- تنقع الفراخ البانيه فى عصير البصل والبهارات لمدة 6 ساعات
3- تنشل من العصير وتعصر جيدا باليد ثم تدق على خفيف بالبقسماط الحار .
4-ثم بالبيض المضروب بقليل جدا من الخل والملح والفلفل ثم بالبقسماط مره أخرى .
5-تقليها فى الزيت .
6-تجهزى العيش بوضع مايونيز بداخله وشرائح طماطم وشرائح بصل وشرائح خيار مخلل
7-توضع الفراخ المقليه فى العيش
*** على فكره ممكن تضعى الفراخ بعد تغطيتها بالبقسماط فى صينيه الى أن تمتلأ ثم تضعى عليها كيس بلاستيك وتكملى الدور الثانى وهكذا وتوضع فى الفريزر ...وتطلعيها من الفريزر على الزيت الساخن علطول.

الشاورما وهى مجربة ولذيذة ومن شيف.

الجلاش باللحم المفروم
نصف كيلو جلاش
نصف كيلو معصج
بيضتان
ملح ,فلفل
نصف كيلو لبن
سمن
الطريقة
تدهن الصينية سمن ثم نضع ربع كيلو جلاش بعد كل ورقتين مسحة بالفرشاة خفيفة جدا سمن سائح ثم بعد ما ننتهى من الربع كيلو نضيف المعصج ثم الربع الباقى وبعد كل ورقتين مسحة بالفرشاة خفيفة جدا سمن سائح. حتى ينتهى الربع..ثم فوق الوجة سمنة سائحة لا قليلة جدا ولا كثيرة كمية بسيطة وفى الفرن 5 دقائق ثم نخرجها ونضيف لها البيض و اللبن المخفوقين بالملح والفلفل ثم تعاد لتكتمل السواء وتحمر وبالهنا والشفا وطبعا كل حاجة كتباها مجرباها .

وطبعا المعصج معروف (بصلة مبشورة عليها مكعب ماجى وفلفل ورشة بهار لحم خفيفة جدا وسماق وسمنة وعلى النار كله مع بعضه و حتنزل ماء كتير وتترك حتى يختفى الماء وتستوى ).

أما المهلبية فهى على حد علمى لبن ونشا وسكر ولما تتخن وتصل للقوام المطلوب نضيف لها ماء زهر أو ماء ورد.... وبالهنا والشفا على قلوبكن ...

أختكم هبهوبة
ام حبيبة و enna و waswosa و la rose صباح الفل عليكم و على لم باسل
والله يا enna بهزر معاكى و على فكرة حرد عليكى هناك بلاش هنا ...
waswosa الفراخ البانية
صدور فراخ مخلية __ ملح و فلفل _2بيضة مضروبة بالشوكة مع 1/2 كوب حليب _ بقسماط ناعم _ دقيق .
تبلى الصدور باملح و الفلفل ثم ضعيها الاول فى الدقيق ثم تشيليها و تحطيها فى خليط البيض ثم فى البقسماط و تحطيهم جنب بعض فى طبق لحد ما تخلصى المقدار كلة و تسيبيه شوية بتاع 10 دقائق
المهم فى مقلاية تضعى مقدار متساوى من السمن و الذيت لحد مايسخن
ثم احمر الصدور عادى على الوشين بس تكون النار متوسطة .. لانها لو النار عالية حيتحرق الغلاف بسرعة و لو النار واطية ح تتشال الطبقة الخارجية و تسيب الصدور. فعلشان كدة خليها متوسطة و بعد ما يبقى لونها دهبى حلو تشيليها على الورق الماص المخصوص و بالهنا و الشفا





don: انا مش زعلانه ولا عمري هزعل منك لا هنا ولا هناك بس انا بقول اني مش نقلاهم بس يا حبيتي

شوفي بقه طبعا انتي استاذه بس اسمحيلي اهديلك هديه ليكي وتامتيا حبيبتي الغاليه الغايبه

الفخده الضاني في الفرن

1 جيبه فخده تكون مليانه وتغسليها كويس جدا لان احياننا بتكون عليها جلد ابيض كده
وبعد متغسليها في الحته بتاعت نهايه الرجل خلي الراجل يكسرهالك
المهم ابشري على جنب حوالي 5 بصلات كبار خالص وحطيهم في مصفاه بتاعت الرز وحطي عليهم كالاتي ملح كتير +فلفل اخضر بهارات+معلقه خل + قرفه وطبعا ليمون حواي اربع ليمونات وافضلي اعصري في البصل لحد مينزل ميته كويس جدا وبعدين
2- على جنبي حضري 2 تفاح اخضر او تفاح عادي واعصريهم في عصاره الجزر او ابشريهم كويس واعصريهم يعني خلي العصير بس

3- 5 فصوص ثوم او 3 حسب حجم الفخده وتبتدي اولا جيبي سكينه عاميه واعملي شويه فتحات بالعرض تكون عميق جدا في الفخده وتكون كثيرة واسفل الفخده كمان وبعدين تبتدي تحطي مايه البصل الي محطوط عليها كل حاجه من بهارات وملح
وبعدين تقلبيها كتير فيها طبعا كل ده والثوم متقطعيهوش خالص لا زي ما هو بس متقشر
المهم طبعا كل متكون ميه البصل زياده احسن المهم حطب كمان عصير التفاح فوق الفاخده وحاولي تتاخدي انه بيدخل في الفتحات
ملحوظة : انا عن نفسي بحقن الفخده بسرنجه يعني حقنه جديده ونظيفه عشان يتغلل طعم البصل جواها
المهم بغزر فصوص الثوم داخل الفتحات كلها واتاكد من ملوحه اللسوس وبعدين طبعا بغطيها من بليل مثلا 8 بليل لحد 8 الصبح وهي متغطيه بالنايلن جوة الثلاجه عشان متقلبش رحيت الثلاجه
المهم الصبح احاول اقلبها تاني وابتدي اجيب الفلف الاخضر احط مثلا اتنسن وخلاص بحطها فوق شويه وهي نتغطيه بورق الفويل من فوق على البوتجاز من فوق مع التقليب وبعدين اولع الفرن واحطها في الوسط عشان تستوي براحتها وبصراحه بتاخد وقت كتير صحيح لكن لما بتستوي على الهادي بتطلع رهيبه
المهم طبعا مع التقليب خلاص حسيتي انها استوت هندخل مرحله وضع بعض الخضراوات لو عايزة زي البسله او جزر لكن انا بصراحه مبحطش غير بطاطس وكرفس بسيط ولما احس البطاطس محتاجه شويه شربه بحط عليها مش على الفاخده ميه بصل
المهم خلاص كله استوى بشيل الفويل واسبها تاخد لو ن الاحمرار الطبيعي خالص من الشوايه لكن بعد ما تقريبا تبقه مستويه جدا
وبطلعها بقه بتكون شكلها ناشف من برة لكن من جوة رهيبه زي الاوزي
وبعدين بحطها في طبق التقديم ودايما بعملها مع الرز بالخلطه وبعدين اقولكم بعمله ازاي
واتمنى تعجيكم بتبقى رهيبه في العزومات
نسيت اقولكم(شيلوا فصوص الثوم قبل التقديم عشان في ناس مبيحبوهاش)
اتمنى تكون عجبتكم وعلى فكرة انا بعملها بالظبط كده

اتمنى تكون هديتي عجبتكم جميعا وتدعولي
اينا
ENNACATحسبي الله ونعم الوكيل

مصر وبس
والله يا دكتورة enna تسلم الايادى وفعلا طريقتك صح مية مية وهديتك مقبولة عشان كدة جوزك بياكل الفخدة من هنا و يروح ينام فى الماتش فهمتى هو خسر المباراة لية؟؟







الساعة الآن 10:51 .