السلام عليكم و الله بتوحشونى جدا
هبهوبة مرسى خالص بس ياترى الوصفات دى جربتيها بنفسك ؟ انا خزنتهم عندى و شكلك بتحبى تتعلمى طرق جديدة
don مرسى جدا و المرة الجاية عايزين الجلاش بطريقتك و الشاورمة و المهلبية أصلى بحب اخلى عندى كذا طريقة للحاجة الواحدة
16-04-1426 هـ, 05:47 مساءً
 
والله العظيم انتي رهيبه يا دون هو بياكل خالص ده من كتر ما انه مبكولش نسيت الطبخ يادوب بحاول اعمل بسبوسه وبرضه ناشف

يا حبيباتي انا معرفش انتو بتكتبوا الوصفات ازاي انا كتبتن كل اختصاص لوحده اعذوروني اكتب فين بس موضوع (ززززززز) قولولي ازاي وانا اعمله
يا دون انت تامر يا جميل
اينا
16-04-1426 هـ, 06:54 مساءً
 
المهلبية
مثلا 2 كوب لبن بارد _ ملعقة كبيرة مليانة نشا (كورن فلور) _ السكر حسب التذوق يعنى مثلا 3 معالق _ ربع معلفة فانيليا
خدى من اللبن نص كوب و قلبى فية النشا لحد ما تذوب
ضعى باقى اللبن على النار و حلية بالسكر لحد مايغلى
ضعى اللبن الباقى بالنشا و خلى ايدك سريعة فى التقليب عشان ما تكلكعش
لحد ما حتلاقيها مسكت شوية و بقيت ناعمة
صبيها فى الكاسات وممكن تزوقيها بالذبيب و رشة قرفة ناعمة
او بالمكسرات المفرومة . (ملحوظة )
ممكن تذودى المقدار زى ما انتى عاوزة يعنى تضعفى المقدار المكتوب
طريقة للتقديم
بعد ماتخلصى المهلبية و تبرد فى الثلاجة .. هاتى باكو جيلى احمر او اخضر ذوبية على النار بكوبيتين ماء لحد ما يغلى و يبرد كويس
تطلعى كاسات المهلبية من الثلاجة و تصبى فى كل كاس جيلى فوق المهلبية
وتدخلية الثلاجة لحد ما الجيلى يجمد
عند التقديم بيبقى شكلها حلو قوى
( بس على فكرة لو حتعملى المهلبية بالجيلى يبقى خلى المهلبية فى نص الكاس بس و اعملى حساب الجيلى فى النص التانى )
طريقة اخرى
المهلبية فى الفرن
بعد ماتخلصى المهلبية و قبل وضعها فى الثلاجة صبي المقدار فى اطباق بايركس صغيرة او فويل او طبق بايركس كبير
ضعى على وش المهلبية ذبدة سايحة حوالى ملعقة كبيرة و رشى عليها رشة سكر بودرة و دخليها الفرن حتلاقيها بتغلى سيبيها خالص لحد ما وشها يحمر خالص و طلعيها . و بالهنا و الشفا دى اكتر انواع فى المهلبية مطلوبة فى البيت
16-04-1426 هـ, 07:04 مساءً
 
يا enna يا حبيبتى دة انتى عندك فى السوبر ماركت علبة كرتون بها خلطة البسبوسة واختها فيها خلطة الدونات فى منتهى الجمال تقريبا ماركة الكرامة بيطلعوا تحفة
16-04-1426 هـ, 07:09 مساءً
 
جه دورى بقى اشارك
عمالين ناكل اشى محمر واشى مشمر واشى ضانى لما طلعلنا كرش وبعجرنا :10_8_10:
طب نحلى بقى كفاية حادق
ايه رأيكم بعد مهلبية دون نشرب ميلك تشيك وخصوصا الصيف وحره واللى بيجرى فيه
شوفو يا حلوات:
تجيبو كوبايتين ايس كريم فانيليا من السوبر ماركت عادى او العلبة الكبيرة مثلا دولسى ولا كرنفال ولا اى حاجه من الكلام ده وتاخدو منها كوبايتين وعليهم نص كوباية كريمة مضروبة و3 معالق سكر وكم حبة فراولة لو عايزاه بالفراولة او معلقتين كاكاو او نسكويك او رشة فانيليا على حسب انتى عايزاه ايه وتخلطى كل ده بالخلاط وتصبيه بالكوبايات وعلى الفريز على طول
ساعة كده وطلعيه واشربى
ايه رأيكم ؟
طريت على قلبكم شويه مش كده؟
16-04-1426 هـ, 07:30 مساءً
 


الساعة الآن 12:41 .