مين اللى قالك انى اساسا اقصد الاكل يا ناصحة ؟؟فكرى لبكرة وقوليلى توصلتى لقصدى ولا لأ ؟بس لو شيلتى الاكل حتعرفى قصدى بسرعة لانها مش محتاجة زكاء.وبالنسبة للاكلات نزليها يا بنتى





صباح الخير يا دون
انا عايزه اساءلك علي البان كيك
انا عملته قبل كده زي ما انتي قلتي بس كان خفيف جداا و ماعرفتش اقلبه و كان بيتقطع مني مع ان الطاسه تيفال عادي علشان كده انا زودت الدقيق
طب يمكن انا اللي خيبه و ماعرفتش اقلبه ؟
المهم
الكب كيك انا مش عارفه المقادير بالكوب العادي بس ممكن يوزنوا بميزان المطبخ الصغير ايه رائيك؟
اللهم اجعل القراءن ربيع صدورنا و يسر لي حفظه
اللهم ارزقني الاخلاص في القول و العمل
صباح الفل يا رانيا بتصعبى عليا لما بتصحى و تيجى تفتحى باب المنتدى وتقعدى تستنيهم على ما يصحو لا يا رانيا بالنسبة للبان كيك الكوب الدقيق كتير قوى وكدة حيبقى تخين .انا حقولك علشان تظبطية اعملى اول قرص وسويية وشوفية ازا لقتية خفيف ممكن تروحى مزودة نص معلقة دقيق وقلبيها كويس واعملى قرص تانى وحتلاقية ظبط معاكى ولا بتبقى العجينة تقيلة ولا خفيفة وبالنظر لحد ما ايدك تاخد عليها بس انا بعمل بمقدارى دة وبيبقى مظبوط .جربى





الهريسة

كيلو سمن.- ريع كيلو دقيق حمص - نصف كيلولوز
عسل :ثلاثة اكواب ماء – اربع اكواب سكر
الطريقة
ضعي نص كوب سكر في حلة على النار مع التقليب المستمر لحد ما لونه بقى دهبى
اضع عليه باقي السكر والماء مع التقليب المستمر لحد ما يغلى حوالى ربع ساعة بس
اشيل منه حوالى كوب واركنه لوحدة
ضعى اللوز فى ماء مغلى وقشرية وحمصية واطحنية بس يكون خشن مش ناعم
وطى النار وضعى على العسل وهو على النار اللوز ودقيق الحمص وافضلى قلبى كويس
لما تلاحظى ان الخليط ابتدى يتقل ويمسك نفسه حطى السمنة كلها بس شوية شوية
وبرضة تفضلى تقلبى لحد ما حتلاقى السمنة سابت الخليط والخليط اتكور لوحدة وبقى حتة واحدة
ضعى الخليط كلة فى صينية مش كبيرة المهم يكون ارتفاع المقدار فيها حوالى 4سم
صبى على وش الخليط كوب العسل اللى كنا ركنينه
توضع فى فرن متوسط لحد ما وشها يحمر خفيف مش قوى
او لما تلاحظى انها زى ما تكون فقفقت او اتخرمت من سطحها
تشيليها من الفرن وتسبيها لحد ما تبرد خالص وبعدين تقطعيها وبالهنا والشفا





هريسة محشية بالقشطة

كوب لبن زباديبيضة - كوب سكر كوب جوزهند - كوب دقيق سميد ناعم – باكو زبدة (113ج) - معلقة فانيليا – معلقة بيكنج بودر
نخلط كل المقادير دى مع بعض بالمعلقة كويس
كوب لبن – 3 معالق كبيرة نشا – علبة قشطة – عسل
ازوب النشا فى اللبن و بعدين نضعهم على نار هادئة مع التقليب المستمر لحد ما يتماسكوا جيداً.(زى المهلبيه)نضيف عليهم علبة القشطة كلها ونقلبهم كويس
ثم نضع فى الصينية نصف مقدار الخلطة الأولى (اللى مكتوبة بالاحمر)
وبعدين نضع عليها مزيج المهلبية اللى عملناة
وبعدين نضع عليها النص التانى من الخلطة الاولى المكتوبة بالاحمر
ندخلها فرن ساخن لحد ما تحمر
نسقيها بالعسل وبالهنا والشفا
ملحوظة ممكن بدل القشطة تحشيها بالجبنةاللى بنعمل بيها الحلويات







الساعة الآن 02:23 .