Analysis Services
زنود الست

باكو جلاش
2 علبة قشطة (او مهلبية)
زيت للتحمير
عسل (2كوب سكر – واحد ونص كوب ماء – نص ليمونة)
الطريقة
نحضر ورقة من الجلاش ونتنيها بالطول(كل الورق حنتنية بنفس الطريقة)
توضع ورقة من الجلاش بجهة الطول فوق ورقة تانية بجهة العرض على هيئة +
توضع ملعقتان كبيرتان من القشطة على الحتة اللى هيا نقطة التقاء الطول بالعرض
نضع الطرف اليمين اللى بالعرض على القشطة والطرف الشمال فوقة(يبقى احنا كدة غطينا القشطة) وتلف بالطول باقى ورقة الجلاش على هيئة صباع
تكرر بنفس الطريقة مع بقية الجلاش ثم تقلى في الزيت الساخن
نشيلها
من الزيت وتصفى ثم توضع في العسل
ثم ترصص فى طبق التقديم
وممكن ترشى على الوش شوية فستق مطحونين
وبالهنا والشفا
23-06-1426 هـ, 10:10 صباحاً
 
صباح الفل يا دون عامله ايه
انا عايزه اعمل الفينو يا دون بس عندى سوال هو الفينو بعد ما نشكله نسيبه يخمر تانى والا نحطه فى الفرن على طول ونحطه على انه رف فى الفرن وشكرا يا قمر اصل انا عايزه افرحك واعمل حاجه مواه
23-06-1426 هـ, 10:18 صباحاً
 
عاشقة زوجهاوابنها صباح الفل لازم تسيبية يخمر الاول نص ساعة وبعدين تدخلية الفرن ويكون الفرن ساخن وخلى بالك انتى فرنك بيحرق الحاجة (بينشفها )يبقى خليكى فى الرف الوسط
23-06-1426 هـ, 10:31 صباحاً
 
السلام عليكم و رحمة الله و بركاته

ازيكم كلكم، وحشتوني جدا جدا جدا

و كل سنة و انتوا طيبين يا احلى ناس في مصر، و ميرسي يا دندونة على المسج الجميلة يا حبيبة قلبي، بس اسكتي كنت مزنوقة امبارح و اتصلت بيكي بس كنت خايفة تكوني لسه نايمة. المهم كنت عاوزة اعرف منك بنسيح الشيكولاتة الخام ازاي و نعمل صوص الشيكولاتة خفيف شوية عشان كنت باعمل نوع جاتوه بيبقى كيك بافتته و اعجنه بالكريم شانيه و المكسرات و بعدين احط عليه شيكولاتة سايلة. عموما انا اتصرفت بس مش مقتنعة اوي بالتصرف اللي عملته و عاوزة اعرف ازاي اسيح الشيكولاتة الخام و لو لقيتها تقيلة اخففها ازاي؟؟

ناني حبيبتي، وحشتينا اوي اوي، و يا حبيبتي احنا بنفتقدك لما تغيبي، ابقى بس طمنينا عليكي
23-06-1426 هـ, 10:32 صباحاً
 
اوكى دون يا قمرشكرا يا معلمتى سأذهب الان لمعركه المطبخ لتحضير الفطار مواهههههههه
23-06-1426 هـ, 10:43 صباحاً
 


الساعة الآن 03:10 .