لا يا حبيبتى انا مستغناش عنكم ابدا بس احنا حنسيب القرار لنوودى ومووتى برضة هما اللى شايلين منك
23-06-1426 هـ, 08:47 مساءً
 
الارز البخارى

ارز بسمتى
لحمة قطع
عصير طماطم فرش + معلقة صلصة طماطم
بصلتين مفرومين ناعم
ملح – فلفل – كمون – حبهان – مستكة – قرفة - ثوم
جزرمقشر ومبشور بالمبشرة على الناحية الخشنة
زيت
الطريقة
انقعى الارز فى ماء وملح لمدة نص ساعة
ضعى الزيت فى حلة على النار وشوحى فية البصل و الثوم لحد ما يصفروا
ضعى عليهم اللحمة وقلبى قلبى لحد ما اللحمة كمان تحمر
تروحى ضايفة لها الجزر وبرضه تقلبيهم كله مع بعض
ضعى صلصة الطماطم والطماطم الفرش مضروبة فى الخلاط ومتصفية من القشرة
وزودى ماء و ملح و فلفل و كمون و حبهان و القرفة و القرنفل ونسيبها لحد اللحمة ما تستوى
صفى الارز من ماء النقع وضعية فى الحلة مع اللحمة وظبطى الماء تكون فوق الارز بحاجة بسيطة واول ما تغلى وطى النار وسوية عادى بس وانتى بتقلبى الارز ابقى قلبيةمرة واحدة بس بس حاولى تسيبى اللحمة تحت علشان لما تقلبية عند التقديم وبالهنا والشفا
23-06-1426 هـ, 09:10 مساءً
 
يا وزووزا بالنسبة للمقادير بتبقى على حسب اللى حيلكلوا يعنى حسب العدد ممكن تقوليللى وانا بالتقريب اقولك المقادير ..وكمان لو عيزاة بالفراخ
23-06-1426 هـ, 09:14 مساءً
 
السلام عليكم و رحمة الله و بركاته

وحشتووووووووووووووني جدا و والله يا بنات باحبكم اوي اوي و ربنا يخليكم ليا

ايرا انتي دمك زي العسل و الله و يا ستي خلاص انا عفوت عنك و مش حاحطك في الفرن بافكر بس احطك في الديب فريزر عشان احتفظ بيكي لاطول وقت ممكن!!!!!

اما موووتي اللي عاوزة الشيكولاتة انا باقول خليكي على جنب يا مووتي لحد ما نحلص حسابنا يا هانم >>>>> هو انتي لسه شفتي حاجة!!!!

هووووووووووووووبا، هي التورتة على مين بالظبط؟؟؟!!! مش المفروض انا اللي اكل التورتة و اطفي الشمع و افرقع البلالين برضه!!!! فين بقية اكلاتك اللي من الكتاب؟؟؟ انا لسه فاكرة اهه

دندووووووووووون يا قمر ياللي بتهدي النفوس انتي، شفتي انا خلصتك من ايرا خلاص و النهاردة حاخلصك من موووتي كمان، اي خدمة يا جميييييييييييييييل
24-06-1426 هـ, 09:45 صباحاً
 
دون ناني الحقوني
الله يخليكوا مش عارفة اظبط شوربة اللسان عصفور ورحت عند واحدة صاحبتي مامتها كانت عاملاها وهمييييييييييييييييييييييييييييييييييييييييييية بجد اتهبلت اللسان عصفور صغنون ومش معجن عايزة اعرف اظبطها ازاي وكمان قولولي احسن نوع ايه لسان عصفور بتستعملوه علشان نقصر في الموضوع ده
مرة كنت عند واحدة صاحبة مامتي ايام ماكنت مطنشة الطبيخ وقالتلي اطفي النار علي الشوربة شوية وبعدين اسخنها تاني حاجة كدا يعني علشان متعجنش اعمل ايه بقي نفسي من الله ولا يكتر علي الله اعملها حلوة من غير ما تعجن

فيه موضوع كمان نفسي تعمليه يا دون قوليلي ايه الاساسيات اللي المفروض اجيبها يعني الخزين من الاخر انزل السوبر ماركت اجيب ايه والكميات تقريبا طبعا علشان ارتب نفسي منالاخر عايزة ابقي ست بيت بقي شاطورة ومقعدش افكر
24-06-1426 هـ, 09:51 صباحاً
 


الساعة الآن 12:46 .