24-06-1426 هـ, 02:26 مساءً
 
اكله عشان خاطر عيون ابله دووون
المخروطه
دى اكله صعيدى شويه تشبه المكرونه الاسباكتى ولكن بتتسوى زى طريقه الكسكسى
الحله وفوقه المصفى على البخار يعنى
مقدار من الدقيق
وماء للعجن
وسنه ملح
ينخل الدقيق ويضاف له الملح ويقلب
ونعجن حتى تصير عجينه صالحه للفرد
ونعملها كور
وكل كوره يتم فردها جيد بالنشابه او المردانه
حتى تصير رقيقه جدااا ثم تلف كالسويسرول
فى ماكينه توضع بها الرقاقه المطويه دى والماكينه بتخرطها مثل الاسباجتى
وفى طريقه السكين انك تقطعيها بالسكين العادى رفيع جداا زى الاسباجتى
ونكون مجهزين الماء المغلى فى الحله وفوقها المصفاه
ويلف ما بين الحله والمصفاه داير داير بقطعه عجينه حتى لا يتسرب البخار بعيد عن لمصفاه
ونضع قطه من القماش وبها مقدار العجينه المخروطه كالاسباجتى ونغطيه
وبعد ربع ساعه نخبط عليها ان اصدرت صوتا اجوف ليه رنه يعنى كده استوت
نزلها من على النار
ونضعها فى طبق غويط وتقلب بالسمن البلدى وهى ساخنه او بالزبد
وتاكل وعليها لبن وسكر
او عسل اسود
ملحوظه انا بعمل كميه كبيره واشيلها فى الفريزر واطلعها وقت الطلب
يا رب اكون افدتكم
ام باسل
24-06-1426 هـ, 02:35 مساءً
 
تسلم ايدك يا ام باسل لعلمك انا بحبها جدا ويرضة ناس اللى بيعملوهالنا مخصوص تسلم ايديكى والله فكرتينى بيها ..زلية كدة بس

زعلالالالالالالالالالالالالالانة منك يا هبهوبتى وكويس انك اتعدمتى ولا تجوز عليكى الا الرحمة
24-06-1426 هـ, 03:01 مساءً
 
ليه يا دندون بس انا فكيت الحبل وجيت
انا معلوماتى مش زيكم خالص يا جماعه والله لما بجرب حاجه بقول لكم عليها

عموما هنزل النودلز بالسلمون حاضر بس استنى عليا لغايه الساعه 3 بس
24-06-1426 هـ, 03:10 مساءً
 
النودلز بالسلمون

250 جرام نودلز - 2 علبه -
علبه سلمون ونصف
اطماطمايه
بقدونس مفروم
ليمونه
بوكلى مقطع صغير
2 بيضه مضروبه بالشوكه
جبنه ريكوتا 200 جرام
3 بصلات خضر صغيرين
4/3 كوبايه جبنه شيدر مبشوره - استعملت انا فلمنك -

نسلق النودلز ونصفيها
نهرس السلمون ونضيف له الطماطم وعصير اليمون والبروكلى ونقطع البروكلى صغير جدا ونخلط الكل كويس
نخلط النودلز بالبيض والجبنه الريكوتا والبصل الاخضر
نضغط نصف النودلز فى صينيه - نضغط كويس اوى ثم نضغط عليها مزيج السلمون - انا ضفت للسلمون شويه كاتشب حوالى 2/1 كوب - من دماغى - ونضيف باقى النودلز ونضغط كويس جدا نرش باقى الجبنه المبشوره نخبز الصينيه فى فرن متوسط الحراره لمده 35 دقيقه
تترك تهدء قبل الاكل

هقولكوا ملاحظاتى لما امبير يقوم من قدامى
24-06-1426 هـ, 03:53 مساءً
 


الساعة الآن 03:59 .