اقتباس مشاركة  (don)
ده اللى انا باخدوا منكم وما عرفش برضه لية بحبكم
ده انا ونووووووووووووودى هى الى بتغزنى فى عينى كل شويه كده فعلا حتى ببقى قاعده ساكته تقوم جايبه الشوكه وغزانى فى عينى
25-06-1426 هـ, 01:47 مساءً
 
هبهوبتى ...اية الشعرم اللى انا شيفاة دة ؟؟ ماتقلقيش كأنى مش واخدة بالى (فى الخباثة )

وزووزتى المكرونة العادية خالص تجيبى حلة وتحطى فيها مثلا معلقة كبيرة ملح وشوية زيت حوالى معلقتين وتحطيها على النار لحد ما الماء يغلى تروحى حاطة المكرونة سواء الكيس كله او زى ما انتى عاوزة وبرضه لو كان اسباكتى يا اما تحطيها زى ما هيا او تكسريها نصين واهم حاجة تروحى مقلباها على طول علشان ما تمسكش فى بعض اول ما تتحط فى المياة وتستنى شوية وتقلبيها تانى وتسبيها حوالى 10 دقائق يعنى لما تطلعى واحدة و تدوقيها ان كانت استوت تروحى طافية النار و تكبى المكرونة على طول فلى المصفاة علشان نصفيها من الماء المغلى و تحطيها على طول تحت الحنفية لحد ما تشطفيها كويس
تسيبيها فى المصفاة تنزل كل مايتها وتعملى الصلصة لوحدها
تجيبى حلة صغيرة وتحطى فيها معلقة كبيرة زيت و تخرطى بصلة تخريط صغير لحد ما تصفرو تروحى حاطة مثلا نص كيلو طماطم مضروبة فى الخلاط ومصفياها من القشر او معلقتين كبار صلصة طماطم و كوب ماء و ملح وفلفل وتقلبيها وتسبيها شوية لحد ما تتسبك وبعدين تحطيها على وش المكرونة ورشة جبنة رومى مبشورة او بدون او تروحى حاطة المكرونة فى الصلصة وتقلبى لحد ما يتخلطوا ببعض وبالهنا والشفا
25-06-1426 هـ, 01:51 مساءً
 
الكفتة المحشية بالحبن

بصلة كبيرة مفرومة ناعمة
3 ملاعق كبيرة زيت
فصين ثوم مفرومين
كيلو لحم مفروم
2
ملعقة بقدونس مفروم
ملح
بيضة
ربع كوب بقسماط
(او)نص رغيف عيش فينو مبلول فى ماء ومعصور جامد
1
ملعقة صغيرة بهارات لحمة
1
كوب جبن شيدر مبشورة

الطريقة:
حمري البصل فى الزيت لحد ما يدبل ويصفر وبعدين شيلية من الزيت و اركنبة
ضعي اللحمة و الملح و الثوم و البهارات و البقسماط و البقدونس و البيضة واعجنيها لتحصلي علىكفتة متماسكة..
افردي على الترابيزة امامك قطعة نايلون ثم افردى فوقها الكفتةعلى هيئة مستطيل وافرديها وبططيها كويس بايدك
ضعى البصل فوق اللحم يعنى افردية على المستطيل وبعدين حطى الجبنة الجبن مع ترك مسافة 1 سم من الطروف.
حنبتدى نلف اللحمة على هيئة اسطوانه زى السويسرول بالظبط بس من الناحية العريضة للمستطيل
ضعي رول اللحم فى الصينية ودخليها الفرن لحد ما تستوى وتحمر حوالى ساعة الا ربع
بعد ما تطلعيها من الفرن اتركي الرول يبرد شوية قبل التقطيع علشان ما تفرفطش منك وبالهنا والشفا
25-06-1426 هـ, 02:11 مساءً
 
البورجر المحشية بالجبن

نفس طريقة البورجر اللى كتبناها فبل كدة بس حنزود فى المقادير شرائح من الجبنة الشيدر:
1 كيلو لحمه مفرومه 1 كوب فول صويا منقوع 3 ساعات
2
بصله كبيره مبشوره ، ملعقه كبيره توم مفروم
4
ملاعق كبيره نشا، ملح - فلفل أسود - بهار، ملعقه كبيره سماق (اختياري)
اول حاجه نجيب طبقغويط نحط فيه اللحمه المفرومه وبعدها نفرم التوم والبصل في الكبه ونتبلهم بالملحوالفلفل والبهار ونخليهم ناعمين خالص ونحطهم علي اللحمه
ونخلط بالكبه فول الصويابعد ما يكون منقوع في ميه حوالي 3 ساعات وعاصرينه كويس قوي .. ونضيفه علي اللحمه ..ونعجن ونعجن..
ونضبط العجينه بإستعمال النشا حيت تتكون لدينا عجينه متماسكه
نقسم العجينه لكور .
. نضعها بين كيسين نايلون ونضغط عليها إما بطبق صغير أوبغطاء علبه
نضع اول بورجاراية ونضع فوقها قطعة او شريحة او سلايس من الجبنة و نلزقها بايدنا كويس على البورجر ثم نضع واحدة بورجر تانية على الجبنة ونضغط بايدنا كويس قوى علشان طبقتين البورجر يلزقوا فى بعض كويس ( يعنى زى السندوتش )
نشوي قطع البيرحر في مقلايه تيفال وعلي نار هاديه و بالهنا و الشفا
25-06-1426 هـ, 02:13 مساءً
 
صباح الخير يا دندون ازيك عاملة ايه انا قلت اصبح عليكي و على كل زوارك الكرام
25-06-1426 هـ, 02:14 مساءً
 


الساعة الآن 09:46 .