Analysis Services
مش معقووووول يا جماعه بجد تسلم ايديكوا كلكوا
تسلم ايدك يا دون على الملف ده ...فعلآ الواحد كان محتاج ملف زى ده يكون مصرى مية فى المية ومجرب كمان

تسلم ايدك يا هبهوبه على الوصفات الجميله دى وان شاء الله أجرب البسبوسه
وانت كمان يا اينا تسلم ايدك على الفول والفخده اللى أكيد ان شاء الله هاجربهالأن عندى واحده فى الفريزر بقالها مده ومكسله أعمله ..بس انتى شجعتينى يا دكتورة
ولاروز كمان ..ايه المواهب دى ..ايه يا جماعه كله هيبان ويطلع مواهبه المدفونه هنا وللا ايه

انا برضه عايزة أشارك بكم حاجه صغننه على قدى

كيكة شوكولاته
رهيييبه بجد كل اللى دافها عجبته جدآ وكمان سهله أوى للمبتدئات وسريعه
المهم..
المقادير:-3بيضات
1و ربع كوب سكر
كوب الا ربع زبده أو ممكن اصبع زبده الصغير خالص( 113جرام)
نصف كوب كاكاو ويفضل غامق
1ونصف كوب دقيق
2علبة زبادى كبير-أو ممكن نقول كوب زبادى
2 كيس فانيليا
1 كيس بكنج باودر

الطريقه:-

بالمضرب الكهربا اضربى البيض مع السكر والزبده كويس
ثم أضيفى (الدقيق المخلوط مع البكنج باودر والكاكاو)تدريجيآ مع الضرب المستمر
وفى الآخر ضعى الزبادى واضربى بردوا لغاية ما يتخلط الخليط كويس
ادهنى صينيه بالسمن او الزبد وبطنيها بالدقيق
ثم ضعى الخليط وساويه بالملعقه لأنه تقيل
ضعيها فى فرت 180 درجه فى الوسط لمدة نص ساعه تقريبآ,ثم تأكدى انها استوت بوضع خله فيها اذا خرجت نظيفه تبقى استوت,اخرجيها من الفرن وسيبيها تهدا خالص وتبرد ثم اقلبيها من الصينيه

الصوص:-
نصف اصبع زبده+نصف قالب شوكولاته خام كبير(يعنى حوالى 300 جرام شوكولاته)+لبن أو حليب حوالى 7-8 ملاعق كبار ويوضعوا فى حمام ماء على النار لغاية ما يسيح وتقلبى الى ان يمتزجوا مع بعض وممكن ضيفى لبن شويه شويه لو عايزا الصوص يخف
وبعد كده يصب الصوص عليها ويرش عليها البندق المجروش وممكن تؤكل دافئه

بجد لازم تجربوها لأنها تحفه ومضمون نجاخها ان شاء الله
ملحوظه :لا تفتحى أبدا على الكيك قبل مرور نص ساعه على الاقل كى لا تهبط
وكمان لما تفتحى الفرن افتحيه براح وبشويش


وبالهنا والشفا
أم زياد
17-04-1426 هـ, 11:50 صباحاً
 
اقتباس مشاركة  (Enna)
صباح الخير يا دون : معلش عندي فين في السوبر ماركت مش فاهمه
وضحيلي عندي هنا في الامارات يعني؟ طيب اسمها ايه
اية يا اينا مالك على الصبح؟؟؟؟؟؟؟؟؟؟؟؟؟؟؟؟؟العلب موجودة فى اى سوبر ماركت عندك ايوة فى الامارات فى القسم اللى بيبيع علب الكيك البودرة و الو الكريم شانتية و الخميرة و خلافة حتلاقى علب ماركة كرامة هاتى البسبوسة و الدونات بتاعتهم و اعمليها زى ماهو مكتوب و قولى لى اية الاخبار . وعلى فكرة يا اينا الشربات بتاعك دة تقيل على البسبوسة لما تعملية خلى مقدار السكر هو نفس مقدار الماء و نص ليمونة يعنى 2 سكر عليهم 2 ماء .
lovely angelاية يا عم المواهب دى والله تسلم ايديكى وانا والله حعملها بس لما تورتة البسكوت اللى عندى تخلص عشان بالشيكولاتة برضة و ننتظر منك الحاجة المجربة الحلوة و تكتبيها بطريقة بسيطة ( مقدار الذبدة اللى هو الصباع ال113 جرام؟؟
17-04-1426 هـ, 12:17 مساءً
 
لا مواهب ولا حاجه يا دون احنا نيجى ايه جنبك ..ده انت الخير والبركه

ايوة اصبع الزبده ال 113 جرام
انا هعدلها عشان تكون واضحه

ياللا مستنيينك ..هتعمللنا ايه النهارده..؟؟
انا نفسى فى طريقه للرز باللبن بس تكون حلوة عشان اللى انا بعمله بيطلع جامد ومش بيمط زى اللى باكله بره
عايزين طريقه حلوة من ايديكى الحلوين

وجزاك الله كل خير على كل كلمه بتكتبيها




أم زياد
17-04-1426 هـ, 12:33 مساءً
 
السلام عليكم
الشربات
بصى شربات أم عزيزان مش تقيل أزاى رغم أنه 2 كوب سكر وكوب ماء لأنها بتتركه فترة قصيرة على النار وللأسف كنت عايزة أحط لك الرابط بتاع الموضوع اللى كاتب فيه الشيف أسامة البسبوسة ومعاها الشربات زى ما أنا نقلاه لكى بالضبط ولكن كل ماأدخل على الصفحة فى الموقع يأتى لى بكلام غريب معناه أنه مينفعش يفتح لى الصفحة من الموقع ولكنى راح أنقل لك الكلام

أخت سائلة

البسبوسة المصرية يا شيف لو سمحت
لو سمحت يا شيف اريد طريقة عمل البسبوسة المصرية التي لا تكون كالنمورة ولا مثل الكيك منفوشة تكون ثقيلة نحن في عمان لا نجدها في اي مكان فنتكلف التوصية بها من مصر وهي نفسها التي تباع في محلات الاسواق
وشكرا

الشيف أسامة
مراقب
بسبوسة
ممكن تستعملي المكسرات أو بدونها.

المقادير للشربات (القطر)
2 كوب سكر
1 كوب ماء
1 ملعقة كبيرة عصير ليمون
1 عود قرفة
2 قرنفل صحيح
الطريقة:
- يوضع الماء والسكر في وعاء على نار متوسطة حتى يبدأ بالغليان.
- تضاف باقي المواد(قد يضاف ماء الورد أو الفانليا إلى الشراب حسب الرغبة) ، ويقشط الريم من على السطح كلما ظهر.
- يترك على النار لمدة عشر دقائق أو حتى يعقد قليلاً، ويستعمل دافئاً.

المقادير للبسبوسة:
3 كوب دقيق سميد
2/1 1 كوب سكر
2 ملعقة صغيرة باكنيج بودر
4 ملعقة كبيرة سمن أو زبدة لينة
2/1 1 كوب زبادي
2/1 كوب جوز هند (اختياري)
1 ملعقة كبيرة طحينة
2/1 كوب بندق مفروم (اختياري)
2/1 كوب لوز مفروم (اختياري)

الطريقة:
-يُخلط الدقيق والسكر والباكينج بودر جيداً.
-يُضاف السمن المذاب بأطراف الأصابع حتى يندمج مع المحتويات.
-يُضاف الزبادي ويقلَّب جيداً حتى يتكون عجين لين.
-يُمكن إضافة جوز الهند المبشور للعجين.
-تُدهن صينية فرن بالطحينة.
-يُمد العجين ويساوى السطح.
-يُخبز في فرن حرارته 350 درجة فهرنهيت لمدة 15 دقيقة.
-تُرش المكسرات على السطح مع الضغط الخفيف.
-تُعاد وتخبز لحوالي 20 دقيقة أخرى أو إلى أن تنضج.
-تُسقى البسبوسة بالشراب وهي ساخنة، وتعاد إلى الفرن لمدة 5 دقائق.
- تترك لتبرد وتقدم مع القشدة أو الكريمة.

أخت مشاركة وهى فى الموقع هنا أسمها ياسمين من البحرين
جربتهااااااااااااااا وكانت روووووووووووووووووووووووعة
لكن شي واحد ضايقني يا شيف ...
ان بعد كم ساعة فقدت البسبوسة ليونتها ..أيش العمل .؟

الشيف أسامة
الحمد لله
كويس إن البسبوسة طلعت زي ماأنت عايزاها وبالنسبة لأنها فقدت ليونتها بعد فترة ولتجنب ذلك يجب تغطيتها وعدم تركها في الهواء.

وبالنسبة لى أنا بعمل البسبوسة وهى فى الفرن وبعد فترة لما ألاقيها قربت تحمر أعلق علطول على الشربات لأنه لا يأخذ وقت .

أختكم هبهوبة
17-04-1426 هـ, 02:26 مساءً
 
انا متاعاكو وعماله اخد الاكلات دى واحطها بفايل عشان هتنفعنى وقت زنقة لما اسافر
هنكشلكو على كم اكلة كنت بعملها حلو وارجعلكم
17-04-1426 هـ, 09:27 مساءً
 


الساعة الآن 04:38 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏